5年又想再食免費餐？

師姐、回憶係美好架😀😀

黎夜D睇既, 留左言支持先
MSN時代....真係歷史阿

食過番尋味，隔左5年再覆焯

應該痕痕地。。。。。。。

多謝大家留言🥰

繼續寫第3回

上回講到過左5年，呀Roy再打俾我

果一刻我個腦有好多好多諗法，佢打俾我係因為掛住我? 鍾意我? 係咩原因呢? 我好快就主動同佢講我就黎結婚喇，我好天真咁以為話俾佢知要結婚會另佢失望，點知佢話佢都結左婚😔，不過唔知點解反而有放鬆既感覺，既然大家都已婚就唔會亂諗野啦，就係咁我地再開始約會

相隔咁多年既第一次約會，我地約左去旺角食晚飯，我仲好心急咁係巴士補妝，諗返起果日個妝太over😂，佢係雅蘭附近等我，我地咁耐冇見都認得對方，佢好似冇咩點變，仲好似靚仔左😘，我地去左Pokka Cafe食晚餐，傾既都係近況啦，食完出黎問我想去邊，我話都冇咩地方想去，所以都係返屋企啦，我上車後佢send msg俾我，話今晚同我食飯好開心，仲問左句點解我地果時唔拍拖，我暈喇 又係佢話唔想拍拖覺得好麻煩既，而且一向只有佢搵我，冇我搵佢，不過算啦，都返唔到轉頭喇

之後我地用msg傾計，有時佢會打俾我，試過去接我放工食飯再送我返屋企，傾左一排佢再係msg度約我去爆房，我都係好爽快應承，呢斷日子同佢一齊我覺得好開心，開心到差啲露出馬腳，有時我男朋友會問我放假去左邊，差啲俾佢懷疑到，就係咁我地一齊左9個月

又抖一抖先🤫待續

06年,都好耐下.青春回憶

你
你咁有心機寫, 同佢一定好開心。

一定好有feel啦！！！！！

好正,,,,某討論區同msn,我啲經歷同你差唔多😌