引用:
原帖由 剛勁的倉務員 於 2020-2-16 14:37 發表 
其實有一件點解仲要去搵第二件🙄🙄
單身既人眼中, 結婚就是有一件, 因為理論上, 另一半決定跟你一齊生活先會同你結婚。
但已婚既人就會明白, 婚前既想像同婚後既實踐係兩回事。婚前講既係享受, 婚後講既係忍受, 當然都會有享受, 但當生埋小朋友時, 就真係只有壓力同責任, 你甚至可能覺得身邊個女人/男人婚前婚後兩個人, 不過大家一齊生活左咁耐, 感情一定深, 所以多數都唔會選擇離婚。
咁另一半又唔比/自己覺得另一半已經冇吸引力時, 點呀? 有d人咪會做毒女/男打下機, 或搵其他野做涉時間代替。有d人忍唔住既, 咪會出來偷食。咁點睇偷食尼個行為, 人人都會有唔同演繹, 不過以華人社會道德來講就一定係錯。不過如果你去到中東/印度尼d地方, 又會覺得係好正常。所以我覺得社會上既文化差異都會有影響。
