男女朋友一有argument,就容易俾人趁虛而入。。。

希望唔係俾第3者咩咩左啦，移情別戀都明嘅

有不同情勤的聲音！

"咩咩"即係乜野呢？:smile_41:

都怕情色寫得唔好睇。已經三集冇甜LU又……

點解要同情??唔抵同情喎

事情要有起因，發展，先吸引。依家雙方已經感覺到對方同自己唔夾喞地方，開始有疑惑。就睇下邊個先動搖。不過，真係好想睇琪琪俾人呃蝦條。。

第37話  一包巧克力



琪琪擦乾眼淚轉身看，見到阿東站在他身後。東在另一個部門工作，是五月才入職的暑期工。但因為上不了大學，工作表現又不錯，就留在公司繼續任職。東所在的部門和琪琪現工作的部門在同一個樓層。個多星期前，琪琪還是與東在同一部門工作。所以兩人雖不算相熟，但也相識。

 

琪琪:冇野，冇事。

 

東:真係?

 

琪琪:放心。我ok。你咁夜喺度嘅?

 

東:放左工架。但漏左個電話返來拎返。又有啲口渴想去pantry斟杯水，所以路過呢度。

 

琪琪:咁你去飲水LAR。我ok。坐一陣就返屋企。

 

東點點頭，就走向茶水間。琪琪知道原來公司還有其他人，就盡量冷靜下來。

 

兩分鐘後，東又出現。他一隻手拿著自己的杯子，另一隻將一隻紙杯放在琪琪桌上，同時說“飲啖水?”琪琪謝過東，喝了兩口水。東站在琪琪的枱旁邊問:“你係咪同男朋友嗌交AR?”

 

琪琪:唔。應該冇野嘅。又俾你估到?

 

東:你枱頭冇左你地張合照嘛。

 

琪琪望一望桌子，發現合照真的不在。她在搬過來這個位置前，合照是放在辦公桌上頗為顥著的位置。但搬過來後，合照就一直在枱底的儲物袋中。琪琪回應:“呢排太忙冇時間放返上來啫。多謝晒你睇住我。我自己ok架啦。放心。”

 

東:咁我走啦。你take care。

 

東離開後，琪琪找回那張合照。那是她到勤校園陪伴勤拍畢業照時拍下的。那天，她曾見過佩兒，佩兒跟她說過“我愛佢俾你愛佢多”。琪琪問自己，是否愛勤愛得不夠深，令勤以為自己很自私？她想了一回，將合照放回在儲物袋內。在回家路上，她覺得與其要為勤費心，不如算吧。作這個決定時，眼淚又滴在琪琪手上。但這些眼淚所象徵著的不獨有悲傷，還有委屈。

 

失戀帶來的傷痛不會換來假期，琪琪在第二天還是一大清早起來上班。她裝作甚麼都沒發生過一樣，專心工作。跟同事午膳回到辦公室時，她見到枱面多了一包巧克力。包裝上還貼了一張小小的卡紙，上面寫著:“笑返啦琪琪姐！”儘管沒有下款，但琪琪知道放下這小心意的只能是東。她想向東道謝，但為了私事眾目睽睽下走到其他部門又頗尷尬，所以作罷。琪琪將巧克力放在抽屜內，就去另一個樓層開會，直到下班。回到自己的樓層時，琪琪特意走到東工作的部門區域，看看東在不在。不過，東已離開。

 

翌日是星期三。琪琪回到辦公室坐下，第一件事竟不是開電腦，而是打開抽屜確認那包巧克力還在。她發現自己難以專心工作，因為她要留意東有沒有路過。終於到十一點左右，琪琪見到東走向茶水間方向。於是琪琪放下工作，拿起杯子往茶水間找東。那兒沒有其他人。

 

琪琪:你點知我鍾意食kit kat架?

 

東:你喺我嗰邊做時成日食個WOR。

 

琪琪:總之多謝晒你。

 

東:咁你仲有冇喊AR?

 

琪琪:冇LAR。

 

東:好返LAR同佢?

 

琪琪:唔係。咁有啲野都要接受嘅。

 

東:最緊要你笑返開心返啫。

 

琪琪以笑容回應，再將水倒滿杯子後說:“你幾時得閒?我請你食餐飯AR。?

 

東:咁好?陣間都得GA。

 

琪琪想，如果和東單獨午膳被其他同事見到，不知會否惹來閒言閒語。所以就反建議:“夜晚呢?”

 

東:我好得閒。晚晚都得。但係你好似成日OT。

 

琪琪:星期五啦。呢個星期五應該少啲野做。最多做唔切星期六返來做。短週我今個星期。

 

東:好AR。

 

琪琪:咁星期五見LAR。我返去做野先。

又有新对象👍👍