一個人也幾好

LONG TIME NO SEE

多謝大家關心，我無咩野，其實我嬲既野係你地男人眼中係好少事
事源我男友最後陪得我好少，有工返，忙起上黎就覺得無咩野，但我最近轉工，有空檔，就覺得好大問題。
再加上我最近要碌卡買機票，但我張卡碌唔到要問人借。我第一時間梗係搵佢la，我夜晚msg問佢，佢到第2日都未睇msg。咁我朝早就msg回憶篇既男主角借，佢應該忙緊就覆我一陣。最後我收工再問多佢一次，佢就影左張卡俾我。
件事解決左，我有同我男友講番，不過我無話佢知係借邊個張卡。點知佢第一句就話無理由我張卡碌唔到。個下個感覺好差，好似質疑我係咪真係碌唔到，定係想呃佢幫我俾。講真我講得係借，我就一定會還。
為左要還錢俾回憶篇男主角，我第2日就同佢約食lunch。知我路痴，佢幫我查定要搭咩巴士，係邊個站落，幾分鐘一班車，我大概要幾點出門口。順帶一提，我今次返香港，點由機場到租屋點都係佢幫我查。
見到佢，一開頭就講下common fd，之後就講下我男友。越講就越覺得有問題(唔開心)，所以當我男友打電話俾我，我就開始怨佢呢樣唔好個樣唔好，最後就鬧交，冷戰收場。
同我個fd(女)傾，佢同我講又唔怪得我會唔開心，畢竟就算唔想比較，但同回憶篇男友比，我男友表現又真係強差人意。不過我仲會嬲，仲會唔開心，代表我仲著緊佢，仲係鍾意佢。倒不如俾多d時間大家，可能等我出左社會有正職會好d。
冷靜落黎之後，我諗或者佢真係為左要抽時間陪我而付出左好多努力，只不過我睇唔到姐。人總係容易淨係睇到自己付出左幾多，睇唔到人地付出左幾多。或者平時既我太理性，要睇到實質既野先會信。

既然有得揀既。。揀返一個自己鐘意而佢又愛你多啲既男仔啦
你口中所謂既男友，都吾知道有咩好。
（可能佢既好你一直都無講出來，但一直都只係睇到佢點對你衰點冷淡法）

而且你未出社會者，你男友（記憶中）大你幾年？十年？？
一早都出左來社會做野啦呱？？
你吾成熟，佢一早都熟曬啦呱？？
但佢有無將你放係個心度先？？
佢有無記掛住你既一動一靜？？

人付出左幾多自己知。
一段愛情無話計較邊個付出多或少。
有人會計較追求公平付出。
有人願打有人願挨，一個甘心付出，一個甘心去挨又有。。

既然怨言怨恨甘多，與其比雙方多啲時間。
其實呢個世界又吾係得佢一個男人可以揀。。
可以去探索一下森林。
真係去搵一下真心為自己好既男人呀。

女人呀30前仲有競爭力。。
30後就吾夠啲靚妹鬥嫁啦。。

但男人吾同，30後先係佢地黃金時間。
一個黑心飛左你，佢再搵返啲20幾既妹妹都仲得。。

為自己。。諗下啦。。妹

（我認我係黑心吾睇好你地2個。我真係未聽到你講佢既好。但我就真係想你好，搵到一個愛你既男人）

唔睇好的話...早日斬倉啦
再大個D 只會越黎越蝕

唉~最近返工返到有d灰，連續俾幾個人話個胸縮左水，又俾人嗌肥妹😭😭😭😭

太攰好多野做？？
甘既然縮左水吾係應該瘦左咩？
有無企上磅面對現實呢？？？

一返黎個陣係瘦全身肥胸，唔洗2星期就瘦到50kg，而家瘦胸肥其他位，49.X

應該同啲人講,個胸縮咗又點會係肥妹，都唔合邏輯,啲人無乜口德

聽落都ok啦,係米對自己要求較高呢:smile_o01: