當我地步出女廁大門既一刻，赫然望到對面男廁大門都同時打開~~
同樣從男廁大門後走出兩個人影，同樣係一男一女！
男既係柒咕碌豪仔，女既當然係超蓮Suki啦！
我地兩對男女，八目交投，各自分別從男廁女廁出黎，其實依刻再蠢，再柒咕碌都心裡面知道係發生咩事。
所以我地大家都係尷尬咁互相微笑一下之後，就一齊返去K房。
(又估唔到豪仔同Suki依對小情人，由性愛初哥進化到識去廁所打野戰咁刺激禾，唔知係邊個主動要去既呢？唔通係Suki? 佢上次比我教過之後，一定開竅左唔少！唔知佢需唔需要再進修下呢？嘿嘿嘿！)
返到K房之後，我地一大班人繼續劈酒，繼續猜枚，繼續醉爛。
如是者，玩到已經深夜3點幾，大家醉既醉，走既走，就係咁開開心心又糊里糊塗地渡過左Ruby既farewell party。
離開卡拉Ok既時候，Ruby已經好醉，離遠見到佢男友黎左接佢返屋企，有一刻衝動想上前同佢男友講，叫佢唔好再偷食啦，Ruby其實係好好既女仔黎，要好好珍惜，不過最後我都無去咁做，因為我既的士已經到左我面前，要上車啦。
的士內除左司機同我之外，其實仲坐左另外三個人，因為順路既關系，所以大家一齊搭，有兩個係寫字樓既女同事，最後一個就係女魔頭欣姐！佢地三個女仔就坐係後排，我就坐左車頭。
坐係車頭既我，都時不時從倒後鏡偷望下欣姐，見佢應該都真係飲左唔少，塊面都唔駛搽胭脂都夠晒紅，不過雖然係飲得多，但係都無半點醉態，睇落仲係好硬淨，仲可以劈多幾round過咁。
由於路程既關系，果兩個寫字樓女同事會最先落車，我同欣姐都算住同一區，所以會最後落車。
到左頭站，果兩個寫字樓女同事落左車之際~
欣姐：華仔，你黎後面坐！
我：哦~~
我坐到後排之後，同欣姐既相隔不足一個身位，此刻我覺得果心又跳得好快，好緊張。
欣姐：坐埋Ｄ黎我度，借個膊頭比我"埃"下。
我：哦~~
之後，我地兩個已經手臂貼手臂，已欣姐亦開始慢慢咁"埃"落我膊頭度。
世紀時刻終於來臨啦，我同欣姐終於有真正既身體接觸，果一刻感覺就好似觸電咁，電到我膊頭到軟一軟。
從倒後鏡再偷偷望欣姐，見佢合埋雙眼"埃"係我膊頭度，好似已經訓着咁，於是我又慢慢咁"烘"埋去用鼻索一索。
嗯~~~~好香，好醉人！！
本身已經噴左淡淡甜味香水既欣姐，混上從體內散發出黎既酒氣，香甜得彷彿再聞既話就會把我迷醉。
就係我陶醉係欣姐既香味之時，果的士大佬突然收慢左架車同大叫一聲~
的士大佬：仆街啦，前面炒左大鑊，有L排窒呀！
就係咁我比的士大佬嚇一嚇之下，醒一醒左。
而剛睡着既欣姐亦都醒一醒左。
睡眼惺忪既欣姐：喔~咁搞法有排窒，華仔你唔好郁，比我"埃"住訓下先。
欣姐講完之後唔只好似頭先咁"埃"落我右膊頭度，仲將左手蹺落我右手度。
感覺就好似有一對情侶，女朋友蹺住男朋友，再依偎係男朋友身上般。
此時我心跳既速度可能已經接近光速啦，但我忽然明白一個道理，原來頭先欣姐飲左好多酒之後，一直都係係人前裝出好硬淨，千杯不醉既姿態，但當大家盡歡離開之後，都有軟弱一面，都有需要搵個膊頭依靠既時刻。
再從倒後鏡偷偷睇下欣姐，已經見佢緊閉雙眼，應該已經熟睡中。
見佢訓覺時果樣，已經無平時返工咁惡死，反而多左份美豔，多左份惹人憐憫既感覺。
面對住唔再係惡死能登既欣姐，我個人都無再咁拘謹，放鬆左不少。
就係窒緊車既同時，我不單止感受到欣姐"埃"係膊頭上既重量，又不單止感受到欣姐手蹺住我手既力度，仲感受到一份由我手臂傳來前所未有既柔軟感。
因為此刻欣姐蹺住我手"埃"係我度既姿勢，剛好佢果巨乳邊就貼住我手臂。
雖然之前我地係app度化身為biggun同pinkyan既時候，基本上身體每處都睇清光，但真係觸碰到既，係第一次。
待續。。。
