無人找你傾計???

有既話 我就唔使上來呻啦🥺

你好！我今年52

你好！
歡迎🤝🤝

星期六日 大家有咩節目呢？

路過，見到 Z 既留言，有 D 感慨，所以留個言，希望樓主唔介意。

結得婚，兩公婆如果係認真，唔係一時沖動，其實都應該要好好維繫個家。但好多時都會事與願違。我係男，老實講真係唔知女人點諗，但感覺上，有唔少女人俾我既感覺係佢地對愛既定義係：女方愛男方，所以會同男方發生關系。因此同我個男友或者老公上床，之後有左生埋搵命搏就已經係好愛。但其實唔係囉！

生完小朋友既女人，因為用佢條命去生個小朋友出黎，係好偉大，十級痛男人唔會明。不過好多時女人o係生完眼中就只有小朋友，而忘記左個老公。其實正常既老公會o係小朋友出世時，幫手照顧小朋友，又好關心自已個老婆，唔會因為小朋友而冷待個老婆，相反個老婆就會忽略左個老公（並非只係o係正常既性方面，仲有對對方既關顧上面），慢慢地兩個人既愛情消失得無影無蹤，感情亦無以為繼 。。。

上述只係我個人睇法，無意對夫妻關系中既任何一方作出批評，因為家家唔同，所以唔係一概而論。

未同樓主打招呼！
同大家一樣，同妳打下氣！如果唔介意可以做下純綷既朋友。

我都有兩個小朋友，咁岩兩個都係細妳o個兩個一年。大o個個P.6, 應該揀緊自行收生中學，如果有需要，可以俾下意見，我係教育界。

我都幾認同你的講法。
夫婦婚後生活平淡，耐左就會由愛情變親情，再加埋小朋友，是旦一方就會好易受不住呢種生活方式及外面的引誘而導致婚外情，甚至離婚收場。
1隻手拍唔響，對方背叛婚姻承諾，自己也有責任。

我女都係今年升中，嚟緊果兩個星期六就要去面試。
大家加油💪🏻

其實我個人就好深信，結左婚甚至生左小朋友都仲可以有愛。仲記得結婚時既誓詞？其實好多人都會唔記得，內容係話同另一半斯守終身，不離不棄。然而，結婚生子後仍愛對方？定變成愛自已？或轉向只愛小朋友？可能分別只在於有無心去經營相方之間既愛。

兩夫妻o係屋企可以以愛對方既表現黎一齊關心愛錫大家既小朋友，咁既一個家先會溫暖。愛情同親情唔需要互相抵觸架，可以共存架，係唔係？

只可惜既係，有D女人會覺得分唔到身俾小朋友同老公，有D男人又唔能夠有適當既體諒 。。。