第九章
Adrian見到吳小姐加快進食速度,估到佢係想盡快離座,應該係佢討人厭吧,本來想繼續搭訕,但Adrian怕再見到嫌棄的目光,就像每次在床上發洩後,女伴都會露出不滿同嫌棄的眼神,佢寧願吳小姐繼續低頭唔理佢,都唔想被討厭。所以佢都開始低頭進食,唔再望向對面。
吳小姐食完個包同薯條,亦終於打完機,佢望向對面,見到亞俊安靜而專注咁食薯條,唔似一般人咁玩手機,覺得佢有d特別,再諗起佢咁大個人仲幫亞媽交收coupon,應該都係乖仔,但可能係超級裙腳仔。嗯⋯⋯越睇越似添,忍唔住咀角上揚。
感受到注視目光的Adrian抬頭,見到吳小姐正微笑望住佢,佢唔知係自己邊度出洋相或者發生咗咩事,除咗工作上接觸的人,或者舖頭sales,好耐未試過有女仔對佢微笑喇。
見到Adrian抬頭,吳小姐有d尷尬,隨即想起手袋內的印花。佢拎出一個信封,遞比Adrian,「呢度有20個印花,聽日到期,頭先同事比我,但我唔得閒拎比朋友賣,送比你媽咪丫。」
「我比返錢你丫,你係賣呢d嘛。」Adrian急忙拎出銀包。
「唔駛啦,都係同事比我,只係唔想浪費。」講完就拎起手袋,「記住聽日到期呀!我返工喇,拜拜。」
Adrian突然諗起早排上網睇色文,某個男主角同女主角相處時,除咗性慾之外,更會有溫暖的感覺,佢好似有少少體會到了。溫柔的聲線,輕快的語調,再加上甜美的笑容,令佢全身軟哂,除了某個部位。
(待續)
[ 本帖最後由 可可queena 於 2019-1-13 10:03 PM 編輯 ]