而我和Lucy的感情，亦正式告一段落~~~~
~~為了故事完整，我稍後會加後記，以補充各人之後的去向的。多謝~~
後記:
還記得Lucy走後，當再開學時，朋友，同學間得知她去了多倫多，很多人也感意外，而她走，對我來說，感覺也很不真實似的。
Roy – 雖然我和他不算熟，但Lucy離開後，他是顯得比我還失落的一個人。一個男人，鐘意一個女仔，卻永遠同唔到佢係埋一齊，呢種心情，我想會難受的吧，尤其當男的是認真時。
Mandy – 其中一個對呢件事失望的人，她當然知道Lucy走左，當Lucy係暑假決定走時，佢地已有聯絡上，佢失望係…….佢放左咁多心機，但我同Lucy到最後，始終無走在一起。而且我真心覺得，Mandy係以大姐姐般的態度對Lucy關心和好的，這是既可惜，又難得的。
Tony – 我的好朋友，還記得當初佢託我照顧Lucy時，動機很單純，但人與人相處，其實就是複雜。我同Lucy既事，Tony係唔知既，即唔知我同她感情躍進果部份，同居照顧是知道的，而他無懷疑又或問過我半句，當時的我來說，是絕對的信任交託，所以我又怎可以令朋友失望呢………. 我知我知，好多人唔認同既我估，但儘管如此，當年的我，就係咁堅持…… 又或執著，而家來說…… 可能是戇居吧。但講真，Tony真的是我老友，而家都係，我好記得，到日後我需要幫忙時，佢亦非常幫手。返到香港，我地結婚唔單止係對方既兄弟，連世界盃都會約埋一齊睇，我估男人會較易明白，有時有朋友可以好似兄弟咁咁幫手，係難得，亦可貴，會有一份尊重承諾的責任的。
Sylvia – 係喎，唔知大家會唔會問，既然我無同Lucy一齊，我會唔會同左Sylvia一齊呢?但大家心底都應該已有答案。無錯，我地係無一齊既，人，如果對感情認真，就唔會街市揀生果方式黎對待感情，我同Sylvia都一樣，經過上次大家既坦白後，我地無一齊，就算Lucy走後，我地最後亦都唔會有。但正如我說，Sylvia是高質的，她返到加拿大後，很快就有拖拍了，而且，仲要係靚仔黎添。但有一點不同既係，佢有同我講，佢暑假返香港期間，亦翻撻埋香港舊男友…….. OH……
Lucy -- 同Lucy，無一齊只會用可惜黎形容，但唔會後悔，因為大家真係一齊時係開心，咁已經好足夠。當年，分開之後我地都有用ICQ傾，但唔多，慢慢，可能各有各忙吧，就變得聯絡都少了，到我返香港後，就更沒有了聯絡，只係偶然會係Tony口中聽到她的消息，她畢業了………….她嫁了……………她生小孩了。現在有了Fb，毫無疑問的方便多了，她嘛?現在好嗎?很好，已是一女之母。她本身呢?聽說原先是空姐來的，後來轉了職位，說是希望多點時間可以陪小朋友。大家偶爾講起當年的趣事時，感覺像年青了，又像回到過去似的，到最後，公式的大家說說再見，就完了…………….
{最後想提一提，Lucy的真名叫Nancy，唔知大家會唔會咁既呢，我覺得呢個名其實幾夾佢性格。當初用Lucy係保持私隱性。 }
Lucy父母 – 佢地都有得交代?係，當Lucy媽媽來到假住所時，總感覺她看出Lucy不是真的住左Sylvia家，而Lucy的爸爸，也會閒談中得知，過去日子會陪下Lucy食飯，放學一起，人在外地孤寂時誰人陪著走的，是我這位”哥哥”，當然Tony亦已一早介紹有我的存在，但當時人生閱歷尚淺的我，總感覺Lucy父母是看出了些端倪似的，似知道，我這個”哥哥”對Lucy的感情很深厚。
我 — 我得說，男女在感情處理上，總會有點差別，因為立場，因為睇法，就是同一件事，處理手法亦各有不同。雖然唔知仲有無機會同大家分享其他既往事，但我想講，我坦白，就當我囂張的自白，我從來唔認為感情要發生，男女走在一起是一件難事，要令人對自己有好感，喜歡上自己，對我來說，更是自然不過既事，咁易，並唔係因為我好有型好高大，我相信無殺傷力外表既我，加上懂得女人心，其實已經可以做到，亦好多人可以做到。而可以做到既人同我稍有不同既係，係男女相處之中，我多了份尊重給女性，女人，是要來寵愛，不是要來食的。當然我知我知，我的”假瀟灑”，不見得討好，所以係呢度簡單說說就算。就正如現實生活朋友中，只得一個知道我同Lucy的事實之全佈時，她給予的評價是我禽獸不如，為什麼?她曾經說:如果女方咁主動，俾晒機會，你食左，係處都好，有出賣朋友感覺都好，咪當你禽獸囉…… 但女方都已咁主動，你都仲唔食，就真係連禽獸都不如……….
咁究竟禽獸衰D，定禽獸都不如衰D呢?我就分唔清了。
但毫無疑問，我只係Lucy人生中的一個過客，我好希望，在她記憶中，有我這個大哥哥出現的片段，都是開心的，美好的。雖然當中可能有點點遺憾，我都希望呢點點遺憾係美麗多於傷害。
而最後，我亦想講既係，如果同Lucy一齊，可能嗎?叫佢留係溫哥華?唔可能，跟她一起去多倫多?亦有點難，唔通同佢父母一齊見住咩，我未大膽到行呢一步。分離，從來不易，所以當她真的完完全全離開時，在家裡拎起Lucy曾用過的任何野，都會鈎起回憶來，係某些寂寞夜晚，我亦會偶然想起同她的浪漫……. 亦會幻想如果她留下會是如何……..
https://www.youtube.com/watch?v=HlW8GsJAdkY
~~ 完 ~~
