，現在回想起來，如果Lucy她今晚會出現，我會好珍惜好珍惜她…………. 而此時，我聽到我家大門的開鎖聲，門被打開了………………
https://www.youtube.com/watch?v=iA_2f8E2Aes
****************************
不是恐怖片，出現的是Lucy，那是既意料之外，卻又是情理之內的事情。那一刻浪漫嗎?倒不盡然，試想像下，我，手提著大盒裝雪糕在行出門口去，她，氣喘喘的急步跑上來，我倆在走廊相遇，既好笑，又感覺窩心。
我: 妳做咩既? ( 我意思係，妳點解過左黎既? )
Lucy: HAHA…….你食緊雪糕呀? ( Lucy在笑以迴避我無聊的問題，而我心裡在感動。 )
我: 妳點過黎架? ( 我睇住街坊裝的Lucy，雖說是溫哥華的夏天，但一個人夜晚在街，下雨情況下既涼且不一定很安全的。 )
Lucy: 你好長氣呀……. ( Lucy沒多說，搶了我手上的雪糕再行入屋就是….. )
Lucy依舊的任性，我還是一樣的老氣橫秋，表面上的鬥氣，實際上她知我在關心，她嘛，就是任性得插中我心。不一會，Sylvia的室友打來，原來她車Lucy來到樓下的，既知她上來了，那就安全了，她確認Lucy上來後，就打趣說交Lucy給我了，叫我今晚好好看著她就收線。
今晚是我倆獨處的最後一晚，沒有驚天動地的不捨，也沒有柔情似水的浪漫。還記得以前一套電影，陳曉東和梁詠祺，他們要分開了，旁人說做咩唔轟轟烈烈咁做返一晚愛，他們反而是簡簡單單相伴到最後。而我和Lucy嘛，也是輕鬆地說說笑來渡過。我心底在開心她的出現，她也一直表現得輕鬆自然。直到上床瞓前一刻，當時我倆各自在自己的床上。
Lucy: 我走，會記住我嗎?
我: 會。
Lucy: 我走後，絕對唔准亂望女仔。
我: 絕對~~ ( 我露出堅定的眼神………. )
Lucy: 車，你邊會，咁唔準咁快拍拖，要掛住我一排先。
我: HAHA……..好好，但係….. 一排即係幾時呢?一世唔拍呀?
Lucy: 唔係…..唔…….要遲過我既，等我拍左先。
我: 好好……. 妳記得到時拍拖講我知喎。
Lucy: 車，你會等我咩?......... ( 一秒後。 )真架………………? ( 女人，就係講又唔信，唔信又要問既動物。 )
我: HAHA…… 我估我拍唔拍拖，問題都不大既………….. ( 女人，從來都唔係我既必需品。 )
Lucy: 好啦，問多一個問題。
我: 請講。
Lucy: 如果唔係Tony叫你照顧我，你會追我嗎?
我: 如果唔係有Tony，我地可能無咁熟會到呢一步哩~~~~ ( 沒發生的事，變數是無限的可以。 )
Lucy: 我吸唔吸引啊?
我: 吸引，非常吸引。
Lucy: 你鐘意我D咩呢?嗱，唔准講貪我蠢架。
我: 妳…… 又講問多一個問題既?
Lucy: 你咪理啦，答左先。
我: 妳…… 唔會想聽我講心地好架呵。
Lucy: 我唔要呢D咁”行”既，快D講。
我: 鐘意妳俾到感覺我，可能妳唔信，我係一個非常講感覺既人，妳再好再靚都只係一個因素，但令我感覺到同妳夾先係最緊要。
Lucy: 如果有日無左感覺呢?咪唔鐘意?
我: 感覺係，妳係唔係度我都會鐘意妳掛住妳，去邊度，都會想起如果同我一齊果個係妳，就最好，分享分憂都係，呢個就係感覺。
Lucy: 唓…… 咁深既，都唔知你講乜，不如講，幾時有感覺，幾時鐘意我先?
我: HAHA…… 我好膚淺喳，上次游水啦，見妳身材咁正，不得了囉。 ( 我在說笑，令她尷尬。 )
Lucy: 吓……. 乜你都係咁架……. 乜唔係我對你好咩?
我: 好之嘛，鐘意一個人就會對佢好架喇，呢個係基本，如果鐘意一個人都唔識對佢好，點一齊先。而就算好，都係遇上對的人，呢個世界無好唔好，只有大家夾唔夾，適唔適合。
Lucy: 唔怪之得Mandy曾經提我你好麻煩，你好多理論。 ( Lucy扮沒好氣，將被蓋好在身上，今晚落雨，比平時都涼了點。 )
我: 搞錯，又係妳問先既。
Lucy: 咁你幾時覺得我地夾呢，我緊要呢?
我: HAHA……. 無幾時架，簡單講，有妳係度，我會開心左，妳頭先唔係度，我唔慣。
Lucy: 嘿嘿……. 知道我重要哩…….. ( Lucy能夠將氣氛輕鬆起來，她在沾沾自喜對我的影響力之餘，也開心我這晚的坦白。 )
我: 懶叻!! ( 我在沒好氣，她則在被單下弄什麼似的。 )
Lucy: 好啦，送俾你既。 ( 又黎?? Lucy將她的短衫和短褲都掉過來我身邊，真係激死。我只好執起行過去俾返佢，換平時會唔理佢{這樣的掉衣服，其實自從上次後，已經每晚都係，只係唔想次次提}而今晚怕她著涼呢。 )
我: 喂呀，仲玩，凍啊。 ( 我跪下放回衣服給她，始終現在的她只有被單蓋住。 )
Lucy: 被我攬一陣。 ( Lucy隔著被單突然的撲上，攬得好實好實，就像怕失去，怕分離似的。其實在Lucy攬住時，因為角度問題，我腰會好攰，所以最後我係上左佢床同佢攬住左陣，過了不知多久…… )
我: 乖，瞓啦。 ( 我在輕聲細說。 )
Lucy: 我想聞多陣，攬多陣………. ( 說完，Lucy鑽進我懷內。 )
我: HAHA……. 乜真係咁好聞架咩會?
Lucy: 都係架，而且我想記住你既味道嘛。 ( 過多一會…… 直到她整個人都放鬆了，我感到她攰時，我錫了她額頭才離開返去自己床，在走開時，她也不忘作弄我一番。 )
Lucy: 其實呢…… 我被單裡面無著衫架。 ( Lucy意思是…..她連Bra都無…… )
我: 俾妳激死。 ( 我笑完就走開了。掉了她忘了帶走的小襪子給她，而她又真的夠膽只穿想襪子對著我就算，她看著我，我看著她下，不知不覺就睡著了。 )
當我地再醒時，我地好快就換好衫，準備出門前，我往她的額頭鍚了一啖後，我們的最後一吻後，就前往機場了………………. 而這，亦是我倆最後單獨相處的一次。
到機場，有Tony和Lucy的媽媽，這不感意外，意外是，原先說沒空卻都一起來了的Lucy爸爸，不知大家覺不覺，做了父母，氣場也不同，Lucy的爸爸，十分有威嚴呢。接下來的，都是再理所當然不過的事情，Lucy的父母感謝我們一班人的照顧，Lucy退學，辦理好手續後，就轉飛去多倫多，再沒回來了。
而我和Lucy的感情，亦正式告一段落~~~~
係度，好多謝大家不厭其煩的俾我霸住左呢個POST咁耐，而事實上，Lucy亦是我過去的感情線上，其中一個最惹人喜愛又真心感有趣的女孩。我好記得，當年阿N走後，雖然我生活如常，只係一旦到感情位，我會不自覺地關門起來，而Lucy，令我有重啟既衝動。故事中，9成5都是真的，有些地方，就不得不作出刪減了，例如Lucy不是真名，她真的很多人追，我有些小花出現時和她的鬥咀等等，但如果逐一描述，就真怕2019都未完了，所以為免太冗長，我只好SKIP了他們。
自畫圖
https://www.youtube.com/watch?v=9BByAxgUCJw
呢首都係一首我鐘意既歌黎架。
~~為了故事完整，我稍後會加後記，以補充各人之後的去向的。多謝~~
