引用:
原帖由 粉紅寶寶 於 2018-11-1 10:13 AM 發表 
講唻聽下
鑑於污染左龍兄個post，所以開個新帳以表歉意。
如對劣質文字會有抗拒、敏感、心煩氣燥，請跳過以下文字，謝。
柒事
中學附近既熟食市場內放飯中
“喂，m，幫我拿返去先”
鄰坐的女同學S突然從長袖冷衫的衫袖內變出一個豬頭圖案小包包，理所當然地強行插入我心口那狹窄的恤衫袋……
貴為中學十大不可思議之一，“女同學的冷衫”與男同學既冷衫不同
除冬暖夏涼外，手袖內既物理容量差亦是其一，要是有天她們從衫袖內伸出四隻左手，請別驚訝，這是正常不過的。
“ok,你無哂位啦？”我望一望S既冷衫衫袖，再望一望我那瞬間突破40吋的胸口。
“幫我袋住先，好好對佢”S直接漠視我既提問，揮一揮衫袖，不帶走一片雲彩就走鬼左去。
時間跳到課室中，距離午飯完結還有幾分鐘。
本身午睡中的我正在被剛回來的S用一條魚肉腸搞打著。
“小姐，可唔可以唔好用食物叫我起身……”
“得，下次買啲唔食得既比你食”然後露出一個微笑。
我和揮動的魚肉腸對望，正疑惑著唔食得既腸應該點食哩一個驚世駭俗的概念時。
“請你食架，講多謝啦”善良既S應我的要求，停下揮舞中的魚肉腸，將其篤住我塊面。
“多謝……”
回魂中的我正咬著腸，上課的鐘聲響起。
S伸出手：“喂，我個袋呢？”
我呵欠著：“哦，等一等”
我伸手入櫃桶內，尋找著那個被雜物淹沒的小包包。
咦……？？？
無既喂……
一瞬間，我變成了愛麗絲夢遊仙境入面的那一隻晾腳豬……
S（怒）：“……”
我（驚）：“……”
我一邊揾一邊諗緊放左係邊，一邊開始出現紅心皇后“off with his head”既幻聽…
S（怒）：“你話會好好對佢，我先比你架！”
我：“小姐，好似係你老強……”
此時無良教師：“m，你又拿左人地啲咩呀？”
我：“老師，我邊有又……”
柒左既我突然醒起，我櫃桶係點揾都唔會有……
因為我午睡前已經將佢放左係S櫃桶……
如獲至寶的S大喜：“我隻豬呀～”
人渣朋友：“哦，你拿左佢隻豬:-)”
人渣同學們笑了
老師笑了
S也笑了
然後…沒有然後…
因為我女朋友嬲左我……
完
