在餐廳內，終於有人看見我在路邊車旁在等，那些該是Lucy的同學吧，她們在起哄，亦找上Lucy和她說，她看出的是我，一個傻佬，從不在她身上太浪漫的我，今天拿著花在門外等她，我看出她是歡愉的。她輕快的從餐廳跑出來，她今天…… 有點不一樣…… 是什麼呢?
不好意思，我講既尾聲……. 原來有震音架，所以未完，但都會很快。
**********************************
Lucy: D花好靚啊，送俾我既? ( 女孩，都是喜歡明知故問，但仍然要問，因為….. )
我: 係，妳今晚好靚喎。 ( 仍要問，因為享受聽到動人的答案。 )
Lucy: 多謝，我可唔可以拎D花入去影相呀? ( Lucy充滿吸引力的笑容，我看出她是享受這一刻的。 )
我: HAHA….. 當然可以。
Lucy: 不如你都入埋黎啦。 ( 她太多鬼主意了…… )
我: HAHA…… 當然唔好。 ( 我在笑住回答。 )
Lucy: 好啦，咁等等我，我拎埋手袋影下相好快就出黎。 ( 她沒有勉強我，她…… 開始懂我了。 )
我: 慢慢啦，我係度等妳，而家仲好早遮。
Lucy: 哼，唔得，今晚，我會睇住時間~~~~ ( 她語帶相關，我當然明，她想說的是，今晚是Say No 福利之夜，12點前，我都將會得聽她的意思去。 )
Lucy行返去餐廳，我細心一看，她穿上了當日在試身室時的晚裝，唔…… 但體態上感覺就是有點不同，對了，她原來買了高踭鞋，高踭鞋的功能，其實不是單單令女人高左好睇左，而係有踭的鞋，女人行路用力的分佈會唔同左，在修身的晚裝下，令Lucy姿態更迷人……… 我敢說，這對鞋，不是偶然，該是Mandy陪Lucy買的，才有此突出效果。但有點搞笑的是….. Lucy有點小心奕奕，該為新買的鞋而著得不慣吧，HAHA…….
要數Lucy吸不吸引，其實不難，她返回餐廳，即引來好朋友和老師再合照，她愉快的心情也感染到我，我在開心的默默在笑。男人，見到女人開心，就會開心，就會笑，這不是女人才會做的事。而在餐廳外等的一眾gentleman，我們就好像家長接小朋友放學一樣，唔急，但就是乾等。而在我車旁的另一位男孩，該也是在等女友吧。
男: HAHA…… 唔知要等幾耐呢? ( 他有煙，作手勢問我。 )
我: 咁佢地開心，等多陣都無妨既。 ( 我唔煙，亦唔酒，就婉拒了。 )
男: 你係……. Lucy男友?
我: 哦?你識Lucy?
男: 我女友係，你睇，而家好開心一齊影相唔願走果個，佢地有1,2科同班呢。 ( 那裡一群人在拍照，她們看來還不願走似的。而花，就成為了好好的襯托品了。 )
我: 咁今日係值得好好紀念既~~~~ ( 我說出後，忽然想起，今晚，都是Lucy一個值得回味既日子。 )
其實都只是過了才幾分鐘，大家都開始陸陸續續離開了。Lucy和一位女友人一齊行出來，我猜，那位就是我身旁男孩的女友了吧。
男的女友: 紮花靚唔靚啊? ( 她在問她男友，即….. 在投訴。 )
男: 靚…….
男的女友: 靚你又唔送?你睇，人地男朋友識買埋花接Lucy架。
男: 吓…….. HAHA……. 下次下次。
我: HAHA….. 放心，我唔係Lucy男友黎架。 ( 我在幫忙，想打完場。 )
男的女友: 哦…… 唔係男友都又接人又送花，乜會咁好架咩?
我: 吓………… 我……….. ( 被對方一下搶白，我和Lucy相視而笑。 )
Lucy: HAHA…… 妳就唔好玩阿Paul啦。 ( Paul，該是那位男孩。 )
男的女友: 咩啊，都係未拍拖好，追我時會做多好多野架。 ( 女的邊講邊準備上車去。 )
男: 唔好嬲，而家同妳去買啦。 ( 男的在氹。 )
男的女友: 買你個頭，咁夜，仲邊有得買，就算有，D錢黎同我去飲野好過啦。 ( 這位女孩真真不得了，又要丙，又要話，話完又唔要…… )
Lucy: 妳呀，仲玩，快D返屋企啦~~~~
我: HAHA…… Bye Bye兩位。 ( 眼看她們倆快要上車之際。 )
男的女友: Lucy，呢個就係妳成日掛係咀邊果個Dragon呀? ( 她臨上車，都仲要在玩野………. )
Lucy: 邊有成日提起遮………….. ( 她倆在笑，我和那位阿Paul嘛，在無奈的陪笑著。 )
男的女友: HAHA….. 無野啦，Have a nice day, Bye Bye。 ( 道別過後，我和Lucy都上車了。到Lucy發功了~~~~ )
Lucy: 阿唔係男友，請問你又送花又接我，而家係想返屋企?定會車我去邊呢? ( Lucy不經意的轉變，令我感覺新奇。 )
我: HAHA…… 妳今晚咁靚，車妳去賣好無?
Lucy: 唔~~~~ 你終於都讚我靚喇，雖然你唔係第一個讚，但你係我最想聽既一個。 ( Lucy係感情上既坦率，係我所欠缺的。這點，應該學習，但真的學不來。 )
我: HAHA….. 咁俾面。今晚我讚妳第2次喇其實。咁仲有邊個讚妳呢?
Lucy: 女人，被讚係唔會嫌多架，知道無?HAHA…… 個個都有讚，阿Roy讚得比你仲多添喎 ( 她在得戚。 )
我: Roy?唔見佢既?佢都係Top Student咩?
Lucy: 咁學校又唔係包晒個場，佢黎左坐埋一邊食啊，之後就埋黎一齊影相囉。 ( 我明白到，阿Roy有D野，係我做唔到既。例如他真的可以隨時出現在Lucy既身邊。 )
我: 咁…… 佢而家人呢?
Lucy: 唔知啊，剩係知我走時佢都仲係裡邊同人影相喳。 ( 我多少有D明阿Roy，一個男人，看見心愛的人開心，心愛的人收花，心愛的人被接走，不想讓場面尷尬，唔出現，會係一個唔錯既做法……… )
我: OKOK……….. 好啦，到喇。 ( 說時遲，那時快，我們已到目的地。呢度，我黎過一次，係我之前同2位好朋友曾經黎過既地方。它的夜景，是無敵的，因為它可以遠眺整個溫哥華DownTown的夜市。在山上泊好車後，好快就可以行到那家全落地玻璃的餐廳，如果同Lucy可以係果度飲野，應該係一件賞心樂事。但當Lucy知道我用意後，卻忽然停步。 )
Lucy: 係唔係一定要去呢間餐廳，先睇到呢個夜景最靚既view架?
我: 當然唔係，但妳唔想去咩?裡面好靚，D野都好食架。
Lucy: HAHA…… 我知我知，但如果係咁，不如我地沿山路慢慢行下睇風景啦。
我: 我知妳食左野，HAHA…… OKOK，妳真係唔入去?
Lucy: 係……. 我唔想嘥太多時間係食野度……….. ( HAHA…… 我明既。 )
我: HAHA….. 使唔使咁誇張，而家先8點多D喳。但唔緊要啦，今日妳話事。 ( 而家已進入Say No程序，但凡Lucy想的，我都會儘量滿足，而唔阻止。 )
我地沿路行，加拿大既夜景，迷人之處不止於井井有條的街道設計而成的燈光，她的天空，萬里無雲，滿天星光，煞是好看。但行了不一會兒，Lucy已面有難色……. 唔，我敢肯定，佢唔係姨媽到今次，她挽住我的手，亦變得越來越借力行，嘿嘿…… 我已猜到什麼一回事。
我: HAHA…… 不如返去啦。 ( Lucy苦笑著點頭。當我地返到車上，我主動地打開車門，讓她先坐上座位後我沒有行開，我提起她的小腿，脫去了那對2吋的高踭鞋。 )
我: HAHA…… 小姐，新鞋黎架喎，仲要2吋踭高添，腳踭又受力又痛啦一定，呵? ( 我看著Lucy磨紅了的腳踭位。 )
Lucy: 少少啦。咩啊，3吋高架。 ( 她在點頭。 )
我: 有少少損左，乜Mandy無教妳貼膠布咩?
Lucy: 有…… 但我怕唔靚，所以無貼，以為著一陣之嘛…………….. ( 她在受苦了，我也不再落井下石。 )
我: HAHA…… 好啦，今程車返去，妳就唔好著住喇，俾隻腳抖下啦。 ( 說畢，我就掉了她的鞋在後座去。 )
回程，我們都是在有說有笑。我同Lucy講，我原先想係餐廳影靚相，食下野的。但Lucy說興趣不大，而且食野機會多的是，今晚唔係浪費時間做呢D野既時候……. 真係聽得我莫名其妙。當到達住所後，我示意她不要落車，我從我的車尾箱，取出平時我做Gym，游完水會轉踢拖的拖鞋出來給她著，華麗的晚裝下是拖鞋，實在有趣，她也在拍打著我。而我，則手執她的手袋和鞋在行。當回到家後，她自自然然入了洗手間，而我則去廚房飲水，再開電視坐在櫈上，而Lucy再出來時，我見她紮起了頭髮，露出了腮邊位。忘了說，她的那件晚裝，黑色one piece長裙，露出了肩、頸和鎖骨位。其實Lucy說真的不是太瘦，要拿來模擬的時期應該是十二夜時張佰芝的身形最似當時的她，臉有點包包的，但身形卻是很誘人，那條黑色裙，早已出賣了主人的身形，我會說笑是歸功於skimmed milk和我的健康飲食(其實一D都唔健康)，她就說笑什麼什麼，你係龜公?你係龜公…………..
Lucy: 你會唔會唔捨得我啊? ( Lucy拿走了我的水杯，側身坐在我大脾上，她一隻手搭在我肩上，她和我面的距離，一尺也不到……. )
我: 唔…… 我估我會唔捨得妳，同樣地，我會努力令妳掛住我。
https://www.youtube.com/watch?v=Ua3jXzpeh7E
[
本帖最後由 dragonbone 於 2018-11-6 10:38 AM 編輯 ]
