引用:
原帖由 roony100 於 2018-10-14 05:39 AM 發表 
兄弟，就算親情，都會有愛系入面嗯。
你所講的形容詞比人感覺你對你老婆都無哂爱的感覺，老婆都有她可愛和優点的地方，只不過而家激情少了。否則，為繼續而繼續，根本唔系理由，棄之又有可可惜。
多啲唸吓你老婆的好，你會不會可能真是太自我，對於你身邊對你重要的人，試下換位思考，可能可以唸到多啲野，明白多啲。
就好像你沉咗个條女，條女唸乜和做法，講真條女甘做，對你未必一定系唔好。 ...
無錯，身邊朋友都話條女咁對我反而係救咗我一命，再玩落去，時間耐咗，感情再深咗，到時仲麻煩，後果不憾設想。
至於屋企嗰個，我就係靠每日都諗住佢嘅「好」先可以繼續堅持。每日諗佢嘅「好」去提醒自己要繼續頂落去。
利申，我對老婆有呢個感覺唔關條女事，也唔關出黎玩事，所以唔好話我為隻G放棄個家。好幾年（我出黎玩之前）已經開始對「婚姻」呢樣嘢好厭倦，對「婚姻」喺人生出現好質疑。
要小朋友然後組織家庭，無嘢好講，係要結婚。但唔要小朋友嘅，有結婚的必要嗎？2個人，就算幾相愛幾接近，始終係2個個體，背景、價值觀、需求都唔同。所以2個人喺一齊特別係結咗婚，如果要一齊生活，根本就係互相配合、互相忍耐、互相遷就、互相犧牲自我。
唔好講去「玩」呢種唔見得光嘅嘢。講正經嘢，點解去打場籃球要睇對方面色先可以去，點解同朋友食飯要睇面色先可去，點解係屋企打機又要睇面色先可以。
我知唔係單方面，我對佢都有要求。所以點解要咁互相傷害？到我地
死時回望人生，到底我地有無為自己而活過？我知師兄們又可能會話我「自我」，但人生只有一次機會，係咪應該多d諗自己呢（當然前提係唔好傷害到人），係唔傷害人嘅情況下盡量為自己而活，到死時回望起碼無白白黎人間走咗一趟。
一般人可能覺得因爲我沉技師搞到咁，但我其實係相反。我反而係因為對婚姻厭惡所以出黎玩先沉技師。
繼續喺一段婚姻入面，我根本就係一條咸魚。每日重覆住枯燥乏味生活，盡丈夫的責任，演盡一切呢個社會委派俾我嘅角色。
好記得「暗戰」套戲入面，劉德華有絕症，講咗句「幾時死，喺邊度死都無所謂」。我...都係咁諗...
