小弟第一次post文，其實基本上係走甜嘅，純粹唸起自己大學初戀往事，有啲感觸就打左以下佢出黎啦⋯哈⋯

小弟係一個又摺又毒嘅平常人，啱啱升上大學果陣決心要改變下自己，所以就決定參加多啲活動，擴闊下自己嘅圈子，其中就因為join左個sports club而認識左F⋯
F係一個好開朗又大情大性得黎又靚嘅女仔，雖然有少少肥，但性格真係幾吸引，而且都睇落有啲似mix咁（不過後期証實左佢唔係mix嘅😅），所以身邊都有好多男仔圍住嘅，不過當時聞說佢係有男朋友嘅🤔
其實本來我同佢都無乜野架，都係各有各玩，最多都係望多兩眼啫，亦無對佢有咩幻想，但之後到左sem2時，我決定入hall住返一兩個sem，叫做體驗下宿舍文化啦，點知入到去先發現原來F都有住hall嘅，雖然唔同hall，不過間中都會搵埋一堆common friend一齊食飯嘅。
直到復活節嘅時候，F突然打比我⋯
F: 喂，不如今晚一齊食飯啦？
反正我本來只係打算喺宿舍自己過一個lonely lonely Easter，咁而家靚女陪喎，當然二話不說就答應F嘅要求啦
我：好呀，反正我今晚得閒，不過我hallmate同女朋友去左旅行喎
F: ok la, 我hallmate都返左屋企啦，咁不如我地兩個食啦
我：你唔介意我都無所謂嘅
如是這，我地就約埋一齊食飯啦，我地如常地行到我地指定嘅飯堂（茶餐廳）
食飯時，我問到：放長假喎，做乜留喺宿舍陪我呢啲毒男食飯呀，唔去拍拖？
F突然眼紅紅，但笑住咁講：分左手啦，分左手幾個月啦！
聽到之後，我完全唔識比反應，之後成餐飯就靜左落黎，食完飯之後亦各自返房休息了⋯

到第二日，我如常地做下assignment咁，到左傍晚時份，F又打比我
F：喂，睇你都冇野做架啦，反正hall都無乜人，不如我地煮飯食啦，但你要洗碗架喎
我：咁正有住家菜食？當然好啦！
約實左之後我地就去左買餸啦，其實會買餸煮飯嘅女仔的確係幾吸引，成個過程都好暢順，都幾有拍拖feel
之後我地一齊喺房邊睇one piece（我係咪太毒，不過原來佢都有追開架喎），邊食飯，食完之後，佢就陪我洗碗，洗碗期間，我又多口問到：其實呢，你同男朋友點解無端端分手嘅？聽你講拍左好多年架啦喎，唔係應該幾穩定架咩？不過如果你唔想講可以唔講架喎⋯
而F亦表現到好似無乜野咁講左比我聽，不過其實原因都係果啲啦⋯各自升左唔同大學，之後就開始疏遠，繼而就分手⋯而且原來呢個都係佢住hall嘅其中一個原因，怕自己一個會亂唸野⋯講下講下，F亦忍唔住，開始喊左出黎，呢個時候，我突然好想攬住佢，於是我放低啲碗就行左去佢身邊，不過身為毒毒嘅我就最後都無攬到落去，哈哈！我只係安慰左佢幾句，摸左佢個頭一下，跟住我地就執埋啲碗各自就返房休息了⋯
返到房沖埋涼，大概十一二點，F突然打比我，原來呢幾日假期，佢無roommate陪，瞓得好差，自己一個又開始亂唸野，所以想我陪下佢，咁我就過左佢房，其實都無乜野發生，我座喺書枱，佢就瞓唸床度，傾下傾下佢就瞓左啦，呢個時候，望住F瞓著左，其實見到F咁唔開心，忍唔住錫左佢一下額頭就返房瞓了，不過亦係咁，成個Easter 基本上每晚都會過去佢房傾計，慢慢地我地就⋯一齊左啦，哈哈！

[ 本帖最後由 mydreamforum 於 2018-8-18 09:28 PM 編輯 ]

希望可以keep住更新

俾人知道, 連hall都無得住:smile_13::smile_13:

Hall大把人咁啦 唔駛擔心😂

咁都係 :smile_30:

走甜係幾好睇:smile_38: 不過好快比餅主收你個po皮

哈哈，多謝人支持，本來唸住去甜嘅文應該無人睇，所以都唔唸住更新架啦

果陣都有啲怕架，因為試過真係有tutor睇CCTV捉人，然後被人跌出hall架🙈

哈哈，而且都唔怕得咁多架啦😉

多謝支持，我轉頭再更新一下🤔