對於感情，我是較後知後覺的。而Mandy，是中立的，她知道Sylvia和Lucy也喜歡和我相處，而事實上，我對她們當然是有好感，只是…… 我從她們身上，還找不出說得上愛的感覺而已。



******************************************************************



好坦白，在外國，要拍拖，難度其實唔高，我唔有型，亦唔靚仔，呢樣係真，但有一點我承認，我對有好感既人，我會細心，普通既朋友，亦會關心。人在外，寂寞是一顆心，要搵隻手黎拖可以好易，但呢種感情，得到了又係唔係真?呢個，好多人都明，但就唔會去分，我呢?會寧缺勿濫。所以係我單身既日子裡，身邊一大班人中，男男女女慢慢就會出現配對性走近。這現象，既甜蜜、又有趣的。



我的朋友圈，有多種，運動的一班可算是最多，那麼游乾水呢?也有部份，回想我有超10年無打麻雀，打得最多的時間，數數反而是讀書時。而Sylvia家，就係其中一個聚腳點。我們去朋友家，通常唔會一早去，即如果係星期日去，我會先出左去玩，之後買野食，再上聚腳點既家，可能當中已有朋友打緊麻雀，有興趣既，就接力，唔想既，去打機，再唔係，仲有啤牌、又或其他。呢D聚會，少說也有10多人，有相熟的，亦有新識既，新識，當然會問准主人家先啦。而今次去Sylvia家前，我就和友人去左打籃球，之後會去接Lucy，再出發買野，最後才上聚腳點。



當我打完波後，我打給Lucy。

我: Lucy，我打完波了，我返屋企沖完涼，再黎接妳，OK?

Lucy: 唔好啦，你足足遲左半個鐘啊，我等到好悶，不如你黎接左我先啦。

我: 咁妳要等我沖完涼先喎，OK?

Lucy: OK. 你到再打俾我啦。

我: 好好。 ( 就係咁，我接左Lucy後，就返左屋企，梳洗好後，就入房準備換衫出發。此時在客廳等的Lucy………. )

Lucy: 我無上黎都唔係好耐遮，點解你間屋可以咁亂架。

我: HAHA……..男人，係咁架嘛。 ( 我從房行出黎，心中嘩了一聲，因為係我沖涼，再換衫期間都不過是10多分鐘，但Lucy已簡單的幫我執好了客廳。我稍為定神的看了Lucy一眼。 )

Lucy: 行得未啊?萬世魔王?

我: 哼，家陣好慢咩? ( Lucy有點與以前不同了，不同了什麼，我一時間又說不上。 )



由於我們是遲出發，大伙一早說好了，有些買了野食就上去先煮，而我呢?我負責買近我住的地方的一間燒味店。那家店的叉燒和油雞是很出名的，香港師傅，移民來開店，味道一流。由於買的份量足有10多人，所以大盒細盒的拿走，打完波後，我一點東西都未食，食物由Lucy拿著放在大睥上，而我就負責開車。



我: 我…… 有D肚餓，妳估食緊一兩件，會唔會有人知呢? ( 我在明示暗示。 )

Lucy: 你開緊車喎，點食? ( 暗示要食，明示是什麼呢? )

我: 我當然知~~~~ ( 我張開口等食狀……… )

Lucy: 哼。為食鬼。

我: 快D唔該。 ( 講完，我再張開口~~ Lucy隨即打開了大盒，當中找了件拿了整體看上去都還完整的叉燒餵給我。 )

Lucy: 好食?

我: OK，原本90，而家95分。

Lucy: 點解。

我: 因為有妳餵，所以加5分。 ( Lucy在竊笑。 )

Lucy: 咁點解唔係100分?

我: 因為……. 我想妳餵多件，不過今次要油雞唔該。 ( Lucy在輕罵我貪吃，但手是在為我準備的。當她再遞給我時，我一口就咬下，咀還碰上了她的指頭，咬了一下。 )

Lucy: 喂，家陣食雞定食手指架。

我: 揸緊車，唔小心遮。益妳啦，俾我錫手指，好多人恨都恨唔到架。

Lucy: HAHA……. 恨你個頭。 ( 我們在說笑，氣氛輕鬆，她也貪咀吃了兩件。 )

我: 好味嗎?

Lucy: 真係好食喎，夠香。 ( 叉燒的汁夠甜，她在舐手指在回味著。 )

我: 真架?我D口水真係咁香咩? ( 她在不為意地舐自己的手指，那是剛餵我吃時被我輕咬一口的手指，那當然有我口水。 )

Lucy: 都唔係果隻手指。

我: 妳……妳唔係真係唔抹留返屋企慢慢聞下嘛?最多妳拎隻手黎，我咬埋妳其他手指嘞。

Lucy: ………….. 可唔可以唔好咁核突…….同自大呀。 ( 我們在說著笑，她在輕打我。 )



好快，去到聚腳點，即Sylvia的家。




Lucy和Sylvia不算太熟，也是第一次上她的家，我們到埗，打了聲招呼，便先放好食物在廚房。Lucy想飲野，我就好隨意在雪櫃拿汽水出來，示意給Lucy要不要。



Lucy: 不用問問Sylvia先嗎?

我: 放心，好熟架，唔使。

Lucy: 哦…….我唔要了，我飲水得喇。 ( 我們行返出去客廳，此時Sylvia和一眾友人在打麻雀，其他人呢?打機既打機，玩啤牌既都有。此時Sylvia見我出來。 )

Sylvia: Dragon，幫我打住先，得嘛?

我: 哦?妳唔打?

Sylvia: 連埋你，人齊了，去準備野食先? ( Sylvia起身去廚房，我順理成章接手。 )

我: 喂喂，輸贏點計先?

Sylvia: 贏就易啦，輸左先慢慢同你計。

我: HAHA……好好。 ( 講完，Lucy就坐在我旁邊的位在觀看，但她不懂，看得出是悶的。我示意她可以去其他地方玩，事實上我朋友都是Tony好友，Lucy對於他們來說就像是小妹妹一樣。所以友人都叫她去玩，但她興趣不大。直到……. )

Sylvia: 有人得閑幫手嘛? ( 此話一出，Lucy灯一聲一樣。 )

Lucy: 我黎。 ( Lucy火速就走入廚房了。而我呢?就自顧自玩了。 )



廚房，都是幾位女孩在忙，她們有些是好友A的女友，好友B的女友，加埋Sylvia和Lucy在忙著。我呢?我貪玩，打起麻雀來就沒停，直到她們說可以食了。當埋枱時，就係好開心既食食食，當中有些小動作，是微妙的，當天我沒留意，是我的粗心，當天做多了，更是我的大意。



我是喜歡吃Ribs得很，大家都知，要弄得好食，功夫也是不少，沒想到Sylvia當天是弄了兩大件的，大伙吃得很開心，我在貪咀，卻原來太好吃了，已售罄，一早食晒。我在抱怨Sylvia弄得不夠多。



Sylvia: 你大食。

我: 我邊有大食，係妳整得唔夠。應該…… 每人有3條食先係。 ( 份量是說多了，因為我在說笑般的強詞奪理嘛。 )

Sylvia: 咁會要整好大份呢。 ( 我們在說笑，Sylvia是開心有人欣賞她的食物。別人不懂，還以為我真的介意食得少。 )

Lucy: 我果件未食，不如俾你。

我: 咁我唔客氣。 ( 我從Lucy的碟中取來就吃，和Lucy的熟稔，老實不客氣也不是什麼一回事呢。 )

Lucy: 睇黎真係好好食咁喎。

我: 我好鐘意食架。 ( 我邊食邊講，食到只剩下骨時…………. )

Sylvia: 下次教妳。

Lucy: 好啊。

我: 唔使啦，Lucy都唔識煮野食既。 ( 我說完在笑，Lucy則在沒好氣。之後我們成班朋友邊食邊說笑。整晚氣氛是不俗的。直到尾聲，想飲晒汽水時，我在斟滿給各人，禮貌上，是先斟給別人，最後是自己，而當我剛剛斟好給自己作結時，Sylvia從廚房叫出來……. )

Sylvia: 咦，有無人見我放係雪櫃門度細枝裝既汽水啊? ( 今次大班人食，飲的都是2L裝的汽水，細size的那枝，是Sylvia私人的，即給我開了那枝………. )

我: 有……. 我…..飲左，死火，唔飲得架? ( 我在不好意思。Sylvia呢?則在仇視我的。 )

Sylvia: 汽水你又斟晒俾人，家陣連我果枝細既都一早飲埋，點先?

我: HAHA…… 我點知喎………..

Lucy: SORRY，係我口渴想飲野先架。 ( Lucy看不出Sylvia是輕鬆的態度，而我在賴皮ing。 )

我: 嗱，最多同妳落樓下汽水機買過嘞。 ( 友人們起哄在搭單，說要買這買那。 )

Sylvia: Lucy，唔駛啦，講笑喳，最多罰佢無得飲。 ( 說畢，Sylvia就拿起我的杯來飲。我理虧在先，當然沒話說，接下來氣氛又回復正常，開開心心的玩，到準備走，而安排好Lucy和某位好朋友坐我車。在出門前………… )



Lucy: 打搞晒，D野食好好味。

Sylvia: 妳鐘意既，聽日俾個Ribs既食譜List妳。 ( Lucy在點頭。 )

我: 乜一晚妳地就咁friend咁既。 ( 我在說笑，換來兩個人同一反應就是啤我。 )

Sylvia: 你好買返枝汽水俾我添啊。

我: 係係係…….. ( 我在恭敬。她們卻不多理睬我。 )

Lucy: 我整好甜品，請返妳食。

Sylvia: 好啊。

我: 咁我呢?

Lucy: 你食雪櫃啦。 ( 就這樣，哈哈笑下完結今晚聚會。在回程的車上，除了我，還有Lucy和友人A及他的女友。我們一開始討論的，是今晚好食，又好玩，再來，就是戲肉了。 )



友人A: Dragon，其實你覺不覺，Sylvia對你真係特別客氣。 ( 又是這話題，我還未答上咀。 )

友人女友: 唔係客氣，係好好，會整你鐘意食既Ribs。

我: 人人都有份食既。

友人女友: 仲有汽水呢?你飲左佢果枝，佢飲返你果杯，好close喎。

友人A: 點止啊，仲有打麻雀呢?我同我女朋友就2個人輪流打遮，你地都係喎。 ( 友人的情侶式合擊，令我反應不過來，Lucy呢?在笑，換著以前，她應該是板著臉，我也沒好氣。只好說句…………… )

我: 點都好，其實，我無咩野喎對佢………..唔通你會心動咩阿A?

友人A: 嘩……..有女仔咁主動喎，我當然會。

友人女友: 哼，你敢? ( 他們在後座打情罵悄，我成功轉移視線，直到落車。之後，就到我車Lucy回家。在車上，我在感受Lucy的反應，她是那麼的神態自若 )

我: 鐘意今晚咁樣既聚會嗎? ( 我在打開話題。 )

Lucy: 鐘意啊，我鐘意一大班人係其中一個人屋企度食野同玩，之前好多時都係出去玩之嘛。

我: Ai，我想問，妳同Mandy好熟架? ( 我實在按捺不住自己的好奇心。 )

Lucy: HAHA……熟又點，唔熟又點呢?關你咩事呢?人地有男朋友架啦。 ( Lucy轉數比初初來時，已快左好多。 )

我: 唓，我梗知，我識佢男朋友架。我意思係，妳有野搵佢咩?妳有問題可以搵我架喎。

Lucy: 你忙嘛，你知啦，早排搵你你都唔得閒。而且…….關你咩事喎，我搵Mandy傾D女人野，你識咩?

我: 係既係既，唔識唔識。 ( 當仲有幾個街口就返到Lucy屋企時。 )

Lucy: 我呢，遲D想搬出黎住。

我: 哦?點解既?住唔慣而家呢度?

Lucy: 係啊，同Homestay相處得唔係太好。

我: 哦?Tony知道嗎?要唔要同佢講聲?

Lucy: 唔好，唔想佢知住。我只係想快D搬走遮。

我: 咁妳有心水地方未?

Lucy: 未啊，仲要睇下先。

我: 如果妳搵到地方想去睇下，講我知，我車妳啦。

Lucy: 如果未搵到，但我又已到期要搬走，黎你度住先得嘛? ( 我聽完，猶豫了一下。 )

我: 黎我度?妳認真架?

Lucy: 唔方便?

我: HAHA……我男仔點會唔方便，唔方便果個係妳遮，同埋，如果妳真係黎，我點都要同Tony講聲架。

Lucy: 咁我諗下先。 ( 講完，Lucy是有點不悅的，因為我開口埋口都係佢表哥，但我角度，唔可能唔通知Tony的。照顧人地表妹照顧到同居，很難說得過去吧。很快，就送到Lucy回家。我也在打完場。 )

我: 不如咁啦，如果真係既，妳黎我度住住先啦，直到妳搵到地方搬，但Tony問起，我一定要俾佢知，好無? ( 當講完呢句，Lucy轉愁為笑。 )

Lucy: 好好，咁我地又多一個秘密。

我: HAHA……..咁而家開心返啦。

Lucy: 真係抵請妳食甜品。

我: HAHA………妳整?會唔會肚痛架。 ( 說完，她在做鬼臉，就走了。看見她開心返，我心底是歡喜的。在車裡我在細心想想，是什麼事令Lucy想搬走呢?忽然我在想，還是……那只是她想搬來我家的籍口呢? )

[ 本帖最後由 一等閑人 於 2018-7-23 05:01 PM 編輯 ]

放生了。。恭喜恭喜xdd

等你等你等你 一世一世等你
唔好要我等一世呀

希望快d睇到Mandy vs Sylvia 啦

爸爸，係新開，唔係重開

入下

係。？？又係果個名果編文。。

今日下午咁得閒，Alex唔洗去做gym/搵小情人？

想知Lucy同Sylvia短兵相接戰況如何?

十卜下先
照舊
我要Lucy...