引用:
原帖由 粉紅寶寶 於 2018-7-13 04:30 PM 發表 
我今日心情唔好，快d比返Lucy我
OKOK.見係妳,未寫好都俾左妳先.
我俾返Lucy妳喇,唔同妳爭.:smile_43::smile_43:
這種感情發展模式，係呢度已見慣不怪，試問個男仔女仔係好，點會唔一早俾人認左頭，而係呢度暫時性無拖拍，可能係同香港果位仲玩緊長途，但寂寞既心情實在難以持久，而如果無上述情況又仲係available單身得既好野，實在少之又少……..而且好野未有人要通常事必有因，而在我眼前，就有一個，佢地稱之為搶手貨……………… Lucy。
********************************************************
同Lucy，是朋友，所以相處得若即若離都無問題，事關我不是她什麼，她也不是我什麼。考完初考後去玩，是必然的。她有她的friend group，我有我的，偶爾在車場碰上，她也是笑著臉和我bye bye便走。而約她的人，已經由有我認識的Roy，到我不認識的籃球隊員，更有些新來的台灣仔、韓仔。我呢?在此其間，朋友間的約會和玩為主，老死想追女仔，要我身兼路人丙也沒問題，反正我閑著。那天，正是友人約了台灣妹，先睇戲，後食飯的安排，那要我來幹什麼，打怪獸囉，通常靚女都好識搵朋友，佢身邊既好友一定唔多靚又痴人，咁老死要我負責既，就係4人行情況下，我負責同佢女神好友行埋一邊，老死就可以多D機會同女神獨處。女神既好友，樣子說不上美，但神的安排是公平既，妳樣唔靚咩，其他地方就會突出少少，補救返。女神好友身形是不錯，台灣妹很多都嬌滴滴得來身材卻不得了，可惜佢唔係我杯茶。我對她沒有遐想，她有沒有我不知，我只知，睇戲食飯，我都和她二人行，好讓老死多點機會與女神同行。在和女神好友有說有笑下，我地自然會行快行開了，我的目的顯而易見，是想製造機會給老死，女神好友也不介意4人行卻又變左分開行，只要到時睇戲和食飯再group返埋一齊就得。而其實係我住果區，可以有車泊，好行又舒服既Mall係唔少，但啱行又熱門既來來去去只得兩、三個，要撞到熟人，其實一D都唔難，此時……….
她: Dragon!! ( 我回頭。)
我: Lucy??妳去邊啊? ( 此時我看見Lucy和她的朋友，今次是阿Roy一班香港朋友，亦夾雜了些台灣人。 )
Lucy: 阻唔阻你啊。 ( Lucy她行近了我，用古惑的眼神看著我同時亦望了女神好友一眼。 )
我: 阻妳死人頭，朋友黎喳，仲有Thomas架。 ( Thomas，我老死。 )
Lucy: 但我唔見佢囉，係唔係吹水啊，拍拖唔怕認喎。 ( 她在用否定既眼神。奈何Thomas真係又唔知行左邊。 )
我: 妳行妳既街啦，多事。 ( 此時Lucy趨近我耳邊。 )
Lucy: 你好野呀你，我約你，就考試，再約，又咩專心功課，又咩唔得閑下嘛?而家斷正啦。 ( Lucy在半撒嬌半責怪的語氣在說，令我有點理虧。 )
我: OKOK，我錯，但真係唔係妳諗果D。
Lucy: 咁有錯就要罰啦。
我: 好好好，俾妳話事。
Lucy: 你話架，今次就放過你。 ( Lucy得逞後的微笑，接著落落大方的在點頭和女神好友說再見，Lucy也顯得太順攤了，我也不知她在想什麼，只道她放過我和女神好友就是。而阿Roy，也對我點點頭，感覺就是，他終於信我和Lucy係無野的，而我當然唔介意佢點諗啦。 )
說了再見，看見Lucy和那些人走開，我是舒了口氣，而隨即……
女神好友: 原來你跟Lucy是認識的嗎?
我: 普通朋友呢。
女神好友: 她很受歡迎的。
我: 很受歡迎?為什麼?
女神好友: 我認識的好幾個男生，都在追她呢。聽他們說Lucy是一個很好的女孩。
我: 那是因為…….他們還不認識真正的Lucy呢……… ( 我在輕蔑。 )
女神好友: 那你跟Lucy是很要好的嗎?
我: 也不是，但她什麼不好的東西我都清楚而已。 ( 我在自信滿滿，引來女神好友的疑惑，那似乎是……..講得誇張了。 )
女神好友: 那還不算熟嗎?
我: HAHA…….開玩笑而已…………..( 我是真的沒太上心自己說的話，而從女神好友的反應，我心底也在想，Lucy有什麼好呢?粗魯，論盡，又依賴，而且對男仔太無機心了，一個完全唔識保護自己的女孩。而從女神好友的簡單描述，Lucy在她的朋友群中，是斯文，善解人意，有禮貌，而且生得靚的好女孩。我不禁在想……我地係唔係講緊同一個人………………. )
單身的好處係，你約邊個，唔需要同人交代，你去玩到幾點，亦唔怕有人唔高興，自己鐘意就可以。那種自由，是久違了的，說不上很享受，但沒人管，生活就係咁自主。和Sylvia，是接觸多了的。女神好友呢?倒是我老死要幫手我才會出場，才會有機會和她見。Lucy呢，自從上次商場撞見後，食飯是有，玩亦有，和我接觸沒有明顯增多，也沒有什麼特別要求，看來她已有自己的朋友圈了，一切都那麼自然。而自然到，身邊友人都提醒我，不妨當中找個人陪下，做為女友。
某天在學校的放學時間，我再次遇上女車手Mandy，她剛和Lucy傾完計，Lucy見我後就走了，她似在忙些什麼似的。而再次遇上Mandy，我也想問她些事情。
我: 其實上次妳講，有人搵妳講我既事，究竟係阿Roy定Sylvia啊?
女車手: 點解唔可以係Lucy既?
我: Lucy?妳同佢都唔熟，佢點會搵妳啊。 ( Lucy新黎無耐，同Mandy完全唔同班。 )
女車手: 其實我同阿Roy、Sylvia都唔係好熟架喳。
我: HAHA…..玩野，咁我係唔係應該講，咩人同妳都可以好傾得埋架呢。妳咁樣提一提，我又想知，Lucy搵妳做咩?
女車手: 因為有個好女仔，早排俾個男人話幼稚，咩都唔識又唔會照顧自己，果個人而家咪獨立俾佢睇囉。
我: 乜我有咁同佢講過咩，我無印象喎。
女車手: 你地D男人講野，講時可以無心，可以唔記得，但聽果個可能會好上心，好介意架知道嘛?
我: HAHA……OKOK,係我唔好，係我唔著，咁佢搵妳做咩?
女車手: 唔講你知，哼，其實你有咩野好呢?
我: 使唔使咁講野先。 ( Mandy講既語氣，似為某人抱不平。 )
女車手: 講笑遮，事實上佢地3個都有搵過我而提起你。 ( 此時Mandy的男友來接她，她的男友，也算是我的朋友。 )
我: 吓。 ( 我有點意外。 )
女車手: 試下留意身邊既人同事，都係我當初同你講果句，有意思，就去，無意思，就明確D拒絕。
我: OK…….. ( 我還在消化。)
女車手: 其實Lucy又確實唔錯。 ( 此時Mandy邊說邊和她男友走，我也點個頭以表感謝就是，最後我還是問多句。)
我: Lucy搵妳，關我事嗎?
女車手: 遲D你咪知囉。 ( 一個答案，留下了一堆問號。 )
對於感情，我是較後知後覺的。而Mandy，是中立的，她知道Sylvia和Lucy也喜歡和我相處，而事實上，我對她們當然是有好感，只是…… 我從她們身上，還找不出說得上愛的感覺而已。
