人夫人妻日誌#30 - 單身日誌下 ( P1, 10 )

別過Roy後，我係度諗，在外人眼中，我和Lucy既行為就像行埋了，其實，係唔係太Close呢?而呢個情況係唔係我想出現既呢?太老土了，用左半秒諗呢個問題之後，太長氣，都係考完試先算……….



****************************************



考試溫書期間，我有諗過，同Lucy會否有什麼發展的，那當然是在溫書時，幻想，食飯，溫書，幻想，溫書，瞓覺……….無限loop啦。如果問我，我是否緊張阿Lucy，那還倒不算是，至少我見Lucy和她的朋友去玩，和其他男仔玩，我是沒有呷醋感的，反而有種釋懷的感覺。就像是告訴自己，之前的親蜜親近，是自己想多左，她不會對我有意，我對她如小妹妹的態度是沒錯亦沒過火。



考試後，通常最想做既，就係重啟被全面停工既運動與及能完全釋放胃口同心情既buffet，加拿大既 all you can eat，即我地既buffet，點食係最變態呢?我唔知，但點食係最有機會回本?呢個我十分清楚，我同友人既行程好簡單，通常係起身，lunch食飽後，就會去打波，如果果日係去做gym既，仲正，我地發現有個場非常之少人,會做gym後，同一地方可以焗桑拿，再享受完水力按摩後，再去游水，簡單既呢幾樣做完，都可以花左整整一個下午，之後餓住去食buffet。



但我既朋友，都唔一定個個夾到得閑既日子，我記得剛巧有次他們都拍拖去，我正掙扎是否一個人單拖時………….



Sylvia: 聽日你有咩做啊?

我: 無啊，原想搵班死仔去做gym，點知個個都拍拖。

Sylvia: 唓，你以前同阿N咪又係咁。我地成班去玩，你倆個有時都走左去既。

我: HAHA……. 所以我而家咪一個囉。

Sylvia: 既然係咁，聽日陪我去游水做gym，好無?

我: 哦?妳得閒?OK啊，考完試個人好悶，好想發洩下呢。



就係咁，我地約實左weekend一齊去做gym，呢次亦係我同Sylvia第一次單獨約會。Sylvia係一個識開車既女仔，所以我地各自出發到目的地，再約埋一齊操。女仔，多數都係跑機，再唔係就練下屁股，男人?我就只會舉鐵同跑機，好快操到流晒大汗，通常就會沖沖身，再去蒸籠。而中間既回氣位，就係按摩池……..



我: 妳幾時考到車牌架?

Sylvia: 考左好耐喇。係同Rick散左之後，先的起心肝考既。你唔記得左喇?你車我去考但又車唔到果次啊。 ( Rick，Syliva係加拿大既第一位男朋友。 )

我: 哦…………我點會唔記得。 ( 當年我撞車，就係阿N應承左車Sylvia去考試，去接Sylvia中途，我撞車，不單接唔到Sylvia，仲令阿N整親，我當然一世都記得…… 因為我當時應承左照顧阿N一世嘛。 )

Sylvia: 同Rick散左，咩都靠自己一個，成日叫朋友咩?叫得多都唔好意思，出外靠朋友，靠自己咪呢D囉。

我: 其實……. 我唔係好清楚妳既過去，妳好似Rick之後，仲有Ronald?定…….Sorry，我唔清楚。 ( 我對Sylvia之所以有距離，因為我意識上……. 佢多男友，比較隨便。但原來我錯了……. )

Sylvia: Rick之後無啦，你當我咩呀?Ronald果D，係追我遮，追我唔到，就追第2個架啦，呢度有邊個男仔唔係咁。 ( Sylvia望住我講。 )

我: 嘩，我唔係架，至少阿N之後，我家陣仲係單身架。 ( 我在剖白似的講。 )

Sylvia: HAHA….. 知喇知喇，其實…….你放低左阿N未?

我: 放啦，再唔捨得都要放，唔放，好辛苦。每次返到屋企，見到佢送既野，就會記起佢，同佢一齊既日子。係早排Lucy換我車裡面既野，我先更加知道真係好耐了，應該係完全放手既時候。

Sylvia: 咁可以投入新感情喎，Lucy都叫幫左啦。

我: 佢幫左我?HAHA……佢係度滿足緊佢自己喳。細路女，咩都貪得意。

Sylvia: 佢係貪得意你遮。

我: 下嘛，係呢，妳又唔搵返個男朋友?

Sylvia: 我唔想咩，有時都好悶，但有先得嘞。求其搵個黎拍拖我又唔想，好既單身既有嘞，但你唔係叫我去追下嘛?

我: 唓，女追男，好出奇咩。好野就要自己爭取架啦。 ( 我望住Sylvia大大聲講。 )

Sylvia: 咁我學Lucy，貪你得意好無?

我: 吓?即係咩?唔明。 ( 我當然明，只係想扮傻。 )

Sylvia: Haha……. ( Sylvia輕輕一笑就起身離開按摩池，準備去泳池那邊，她穿的是一件頭泳衣，她不是很高大那種女孩，身型屬小巧型，即唐詩詠那種，走時她回頭補充。 )

Sylvia: 其實我同Rick都只係一齊左唔係好耐，唔夾就散左，之後都再無男朋友。我認我有人追而出去食飯睇戲，但其實我唔隨便架。 ( 說完後，她便走，沒等我回應，她就像看出，我對她的不了解，和其他人一樣，下意識已將她定位為隨便的女孩，我多少有點歉意。 )

我: 喂，記得游多D，一陣食buffet先抵啊~~~~ ( 這句是有點多餘的，但我想緩和一下氣氛，而她也好意的轉頭向我微笑。 )



同Sylvia相處是自然的，我們一起去食日本buffet，三文魚是首選，當然，加拿大食三文魚，根本可以說數一數二抵，而且好味。以前食野同而家有一點好唔同既係，而家等食時大家可以玩手機，但以前唔會，大家無時無刻都會傾計，講野，氣氛是可以KEEP住的。係開懷的飲食中，得知Sylvia的愛情史是典型的，即她本身有男友係香港，來了加拿大，她識了Rick為新男友同時，她的舊男友亦有了gf，Sylvia就正式斷舊迎新，只係新亦不如舊，最後Sylvia兩個男友都無晒，接下來都是自己照顧自己，閑時就跟我朋友堆中成為一份子一齊玩。



這種感情發展模式，係呢度已見慣不怪，試問個男仔女仔係好，點會唔一早俾人認左頭，而係呢度暫時性無拖拍，可能係同香港果位仲玩緊長途，但寂寞既心情實在難以持久，而如果無上述情況又仲係available單身得既好野，實在少之又少……..而且好野未有人要通常事必有因，而在我眼前，就有一個，佢地稱之為搶手貨……………… Lucy。

[ 本帖最後由 dragonbone 於 2018-7-23 09:52 AM 編輯 ]

第一個入你

第二

第三

第..........第4:smile_30: :smile_30:

第5.唔制呀,慢左tim

唔慢,仲好早,家陣9點鬆D喳,大家好似返工打卡咁早架啦已經:smile_30::smile_30:

個重點呢？

你意思係............?:smile_41:

LUCY📣📣📣📣