大家好，社會有好多事，人生都有好多事， 如果大家無所事事，何不一齊傾下心事  

簡單介紹自己～

我係80後，樣子正常，高瘦(178cm左右吧)，四眼，唔煙酒蒲賭毒紋身，無不良嗜好。

鍾意聽有意思的歌，鍾意BOARD GAME，鍾意睇書，鍾意漫畫 (所謂琴棋書畫 XDDD)， 鍾意睇戲、WAR GAME、單車、釣魚、鍾意去睇自然風景，鍾意看海

我係一個有點故事的人，所以我性格係比較特別

覺得人生過得開心，比任何物質生活都重要。

對公義有執著，對於有需要的人樂意去幫我是一個溫柔的人

願意去照顧人，願意去付出，願意去聆聽，願意去承擔努力上進，

想穩定，想走到永遠 喜歡被需要，但也鍾意被照顧，鍾意有人提點，令我可以做得更好  

我係一個易相處的人，係一個很健談的人， 但我同時係一個唔善於去表達感情的人，係一個外熱內冷的人，係一個私下比較靜，多野諗的人。  

人經歷越多，越覺得其實兩個人最重要唔係一開始有幾夾

而係大家有幾努力去維繫感情，去找到一齊走落去的共識

大家會努力去找出問題，然後一齊去面對，去解決

人生一定有好多難關，過到呢D難關，會有更多了解，感情也會更深。^^  

兩個人要行到最後，我始終覺得係要兩個人努力去堅持，唔好輕易放開對方。

人始終唔會perfect match，點樣努力走來學永遠係兩個人一齊去探索  

最後我近來失戀了，個人變得空空的。好在近來社會發生的事，公司的忙，令我可以逃避下現實。 其實我暫時無咩特別的期望，主要想識人傾下偈，想為自己的人生再找D色彩 其他事真係有合適的再講啦

如果你有18歲以上，就一齊黎傾下計吧
順帶一提，我唔係心急要找爽的，只係只係想有個人係身邊，一世一生

[ 本帖最後由 夜葉深秋 於 2019-6-22 11:48 AM 編輯 ]

分開左兩星期 周圍搵人傾計

回覆 2#  距離遠不可一齊 的帖子

你講我？

其實分開左幾耐我都無想了
只係曾經有個人令我好想努力，結果只係一剎那就什麼都沒有了
現在好似完全唔知自己為左乜而努力咁 (苦笑)
應該話，我已經唔知我仲應唔應該努力了....

過去呢幾年真係好多好多事，我只係想有人好好講下野。

[ 本帖最後由 夜葉深秋 於 2019-6-22 12:40 PM 編輯 ]

係, 一齊好容易, 但維繫比想像中難..唔單止係我愛你/你愛我甘簡單.
你甘年輕慢慢搵個好既女朋友/老婆啦..
但係呢區就好似難D~~

回覆 4#  晞文 的帖子


係，相愛好難，原來走落去仲難
一直都好努去走落去
但原來有一個人走太快了就完了
又原來有一個人只係行錯左方向也就完了
我到今日都唔明，其實我就開了，為什麼你唔拉我回來就好了
其實有誰走快了，另一個追上就好了
我曾經為左1個人，我努力左3年
但原來唔係人人都願意為另一半努力
我知每個人都有自己的睇法，都人自己的尺，我無意去責怪誰是誰非，只係人生真係苦啊

邊區都好，找唔找到都無所謂，其實我並唔急於找到什麼
交到個心靈上的好友
大家閒話家長，互訴苦水
係呢個咁壓迫的社會，都不失為一件樂事

回覆 4#  晞文 的帖子


所以人妻都好呀XDDD
大家開開心心傾下計

咁你呢，你又何解上黎找人傾計呀，
晞文女士XDD
(anyway，隨心講下就好，如果你有咩唔想提就無視我好了~~

係呀, 每個人都係有獨立思想, 就算幾完美既關係都好, 都會遇上樽頸位..曾經諗係咪唔適合再一齊? 點解我甘努力為呢段關係, 而你又唔睇唔到?又唔努力一下?
其實我覺得係要定時同相方去溝通一下, 再調節一下步伐~唔好咩都收收埋埋忍下就算..理性地去處理比情緒處理有效好多..當然啦..未必你做完以上既野就會天長地久..有時真係真心無悔做盡了..都無用既, 緣盡就係緣盡..必需用時間慢慢放下, 呢個係我心得:072:

嗯嗯..加油啦~~:071:見你打甘大段野...都係搭下嗲~~~
我?我都係上黎吹下水~:071:睇下咸濕野甘~:036:

回覆 7#  晞文 的帖子


其實我已經一直都好努力去傾。但點解每次都要我去拿出黎傾，點解佢覺得有問題佢唔可以拿出黎傾。
唔通真係咩都係男士去做主導先得，忍到有一日終於忍唔到就放手了。然後同你講你點點點，你令佢心灰意冷

兩個人唔係應該一齊努力，但當佢見到問題佢唔講，要等我自己意識到？咁仲係唔係叫做一齊努力

其實我係一個好理性的人。因為 1 D 原因，我甚至係一個惰感比較缺乏的人。但唔代表我真係完全無感情
就算如何我都會有軟弱的時候，我都想有人去扶持，但原來人就係佢需要你你就會在，但當你需要佢，但佢發現原來你跌左落一個水潭的時候，佢可以狠心放低你不顧而去

付出對我黎講從來唔係問題，有咩要改都唔係問題
人越大越怕的反而係人的自私，當你對佢包容，但原來唔代表佢都會對你包容的時候
你會覺得原來一齊都係多餘...

搭下嗲~~~

學子華神講
愛就做啦
睇唔好GA XDDD

不過呢到有咩咸濕野睇 XDDD"?

向前看吧，係會有點不習慣～係會心灰係會失望係會唔捨得～既然已有結果，用時間會接受吧！加油呀！親！☺️ 無喔，咸野少左好多，Sosad 😭

回覆 9#  晞文 的帖子


我會接受的，其實理性上我無乜野
只係情感上要復原就可能要時間，當年我都傷左好幾年（苦笑）。可能我外在係熱情，但內在係冷，但心低又熱咁的人。好矛盾，哈哈哈哈

我見你地有post講女上，成班姐姐講得好開心呀