【情人節經典笑話，原來有出處......】
一個識廣東話嘅外國人，情人節當日去茶餐廳食飯時，遇上廣東話發音唔係幾正的夥計。當洋人問今日有乜好介紹時，夥計就話「今日午餐好正，係show me your love」。
洋人聽到個飯名好應節、又咁有創意，於是就order一客試下，正當好期待個飯點樣show love之際，放低嘅原來係一碟「粟、米、肉、粒」飯。 洋人看到不禁笑咗。
故事仲有下集，話說個洋人無幾耐再去同一間茶記，又遇返同一個夥計，洋人諗起對方上次介紹菜單時咁有「創意」，落單時笑住話要「Show me your pat」。夥計聽到之後好嬲，兜巴摑向對方，搞到其他人要嚟勸阻。
經了解後，原來洋人今次只係想要「粟、米、肉、片」。
這兩個年前在互聯網熱傳的笑話，令唔少人笑住過情人節。 但原來，爛Gag是有出處的。
話說日本飲食博客原田悟（Satoru Harada）的網誌「香港毎日ローカル飯」（香港每日Local飯），專門介紹香港民間美食。他2015年4月來到大角咀金百利餐廳，點了「粟米肉粒飯」，侍應重複讀一次時，他驟聽之下以為是「Show me your love」飯，覺得非常有趣，撰寫成文。
網民後來把「Show me your love」的故事改編，便成了上述情人節經典笑話。
