那些年還是中學生時，毛都未出齊，見到同班同學有個身材平平，個look QQ地，成日比老師讚，就會覺得人地好正。小弟不才，中學已經比學界放逐到更高層次既社會大學，出來做第一份工係office assistant, 公司入面既低等生物，見到d大個少少既靚女姐姐，打扮到好索咁，開始覺得原來女人識打扮化妝係咁重要，但過左ㄧ排就非常唔妥佢地，因為佢地太臭串。之後過兩年轉份工，有d工作經驗，唔再做boy, d同事開始叫願意溝通一下，發現原來好一般既女仔都好吸引，只要佢地同你好啱傾就alright。當時未係人夫，心想快D溝返件先啦，原來啱傾又唔代表真係想同佢拍拖...

話說當時有趣的故事, 起公司一個光棍男子組既dept, 入面總會有幾個老屎忽, 一個擦鞋仔, 一個被欺凌對象(7仔)。而我當時就比人空降左入去做一個有名無實既假經理, 老屎忽緊係會唔妥啦, 擦鞋仔歸邊, 我當時可以吹水既對象就只有7仔了。
有一日隔離sales team請左一班新人, 當中有個QQ地既肥妹仔, 擦鞋仔一見到就流晒口水, 帶個肥妹仔介紹垃圾男子組, 肥妹仔初來報到, 當然好好禮貌啦, 我當時同緊7仔吹水, 問緊佢d野點做, 所以都冇乜理呀肥妹仔, 只係hello左一野就算。肥妹仔走左後, 擦鞋仔即時同大家講, 佢心心眼人地, 咁我地大家醒水啦。之後lunch前, 擦鞋仔竟然走左去sales team約人地食飯(服L左佢), 點知又比佢約到, 但唔知好彩定唔好彩, 肥妹仔竟然捉埋我同7仔一齊去, 擦鞋仔緊係唔想, 但又要扮晒風度咁, 一秒鐘既西面即時回復笑容, 速度可以比美四川變臉  自從尼一次LUNCH之後, 肥妹仔日日LUNCH都會走到我地尼班垃圾男子組約食飯, 擦鞋仔緊係開心啦, 直到某一日, 肥妹仔同擦鞋仔講, 話我個人好得意, 講野好搞笑...下? 我講野搞笑? 仲要用得意去形容我, 我當時都覺得佢好搞笑, 咁去形容我。不過尼個唔係重點, 重點係我唔知幾時被倦入左公開的辦公室爭女之戰。
咁當年我有冇受到肥妹仔呢, 答案係冇, 不過就係冇, 我起尼間公司既命運都幾坎坷.....
不過唔緊要啦, 都成十幾年前既事。不過緣份真係吹你唔脹, 冇見十幾年既同事, 又會起相隔當時8年後大家一次INTERVIEW時再相遇, 當年既肥妹仔識打扮左, 都唔再係QQ地既肥妹仔,身材瘦左唔少, 行出來好有女人味, 胸前一條事業線, 話比我知, 今時今日既我已經唔再係白白痴痴既小妹妹，我見大家咁耐冇見, 就唔同佢打招呼啦, 點知佢就望住我叫左一聲'Hi 肥仔, 仲記唔記得我'  我...幾當時絕對唔肥lor....
夜了, 眼訓了, 得閒有心情再打啦

[ 本帖最後由 80後廢青人夫 於 2020-5-29 03:52 編輯 ]

幾好睇~期待更新

竟然有人留言，咁再繼續啦

'Hi 肥仔, 仲記唔記得我'....當年既QQ肥妹仔細細聲咁同我打左下招呼, 其他面試既人都望左佢一望, 咁望佢原因係因為佢發出聲音定因為佢條事業線我就唔知啦, 不過我就知道尼一刻, 我已經唔想再起果個死沉沉既鬥獸場。其實起interview既時候, 其實都冇咩特別野, 咁就唔花太多時間描述入面既事。面試完結, 我走先過佢, 心入面其實都有d迷迷地, 想再見返佢, 但又怕咁耐冇見, 唔知講咩好, 結果走左大半條街後, 又返轉頭起附近遊蕩....
'hi 好耐冇見, 尼排你點'......'hi 你靚左咁多既'.......'hi 其實我都幾鐘意你'....諗來諗去都覺得好似唔知講咩好
'hi, 乜你仲未走既? 你唔係走先過我成半個鐘既咩?' 果下真係細膽d都比佢嚇鬼死, 就係咁, 我同佢打開左話題, 其實真係唔駛諗太多, 緣份到時, 天都會教你點講。
尼一日既重遇其實冇咩特別的, 但往後既故事就由尼一個遇見開始了....

[ 本帖最後由 80後廢青人夫 於 2020-5-29 23:37 編輯 ]