同佢一齊都就快兩年，前個一年，我地幾乎每日一次，兩三次都時有發生。但直至近呢半年，同佢做既次數越黎越少...問親佢做唔做都話累，如是者，頻率不斷減少，而我既需求則一日高過一日，就算有時會做，都係15分鐘內要ko...話太耐佢會痛同乾，做愛，應該係一件快樂既事，我唔想搞到唔開心有痛苦，迫自己拿拿林射左了事。佢仲話佢返工好累，好眼訓，而且話我性欲太強/咸濕要自己好好控制下...大佬，小弟行年廿四，又唔係老強or一日做幾次，兩日一次我都夠，咁都唔算控制嗎? :smile_42:

低質素同稀疏既性愛...我開始接受唔到。:smile_39:

我算專一，同佢一齊咁耐冇第二個，雞都唔叫...直至近呢一個月，我開始想出軌，小弟唔算特別令仔，但亦不乏有女仔埋身，只係我同佢一齊左咁耐，我想對佢好，於是開始封鎖自己...反而e家多番d接觸女性朋友，甚至叫雞我都想，因為真係太難忍受...每晚都硬住咁訓，點頂?

漸漸地，我發覺打飛機已經救唔到火，而且...我始終覺得兩個人起埋一齊，做愛係一種心靈交流同愛的表現。

各位，我既諗法有錯嗎? 我係咸濕 or 愛佢 ? 我之後可以點? :smile_39:

[ 本帖最後由 ryanwwk 於 2009-4-7 09:49 AM 編輯 ]

咁就你唔岩啦....

兩個人一齊唔單些講sex, 仲要講love同commitment, sex唔可以放係首位的, 如果因為佢俾唔夠你而出去滾, 枉為人夫呵..三思吧

唔係首位...如果係首位，我早就出哂軌，都唔想對佢唔住，而半年來我都一直有體諒佢返工累，始終，女人體質不及男人...佢夜晚say no時，我冇迫過佢一次...我都好錫佢的。
但奈何人有需要時，慾火焚身種感覺，可以點解決?

[ 本帖最後由 ryanwwk 於 2009-4-7 09:53 AM 編輯 ]

師兄,,我好明白你態感受....
有時想黎又冇得黎...俾佢搞到舉曬旗...又唔咩得....
果刻真係好慘:smile_42:

唔好咁啦....
女仔其實唔係個個都鍾意自己男人成日掛性事係嘴邊...
有時候你越講得多..可能你女友越覺反感..
我都知道你有需要...但係你要維繫你地兩個人既感情...
你就要試下體諒你既女友....

係好慘...
最陰功係我夜晚"舉旗不定"個陣，靜靜雞諗住起身睇4仔自己解決佢，
有一次俾佢發現左，仲嬲左我幾日。
話我好睇第二個女人... :smile_42:
我都係唔想搞住佢訓...俾佢休息，先自己郁手姐...

好同情你呀:') :')
我都 FEEL 到你好愛佢
慾火焚身真係好難頂！仲要晚晚喎:')

如果我俾 SUGGEST 你可能好多人都會覺得我好衰
但我真係會建議你出去俾錢囉
始終咁落去都唔係辦法！但要注意既係
你愛你 GF 就要好好保護佢
要出軌的話手腳都要做得乾淨 D
呢個秘密一世都唔可以俾佢知

但俾錢只係治標不治本架咋
你都要向你 GF 了解點解佢以前肯而家就唔肯
佢對性事咁冷感(甚至反感)
第時結婚就 PK 呀，你要諗計燃點佢既慾火

有架...佢唔想個陣...我都唔迫
自己搞掂，有時仲連續兩炮先收手。
但俾佢發現左又唔鍾意...

有冇咩方法呢...? 我睇左其他相同遭遇既ching一d post，呢樣野出問題，第日結左婚會好多磨擦，我唔想到時先出事破壞婚姻。

不如坐底傾下啦, 再唔係, 做返d前戲, 例如massge, kiss果d...

會唔會係foreplay唔夠挑唔起佢條引呀?

不如諗返最基本的問題
你地的感情 / 相處係咪出現左乜野問題呢??