我留唔留呢個 SP/SL 好?
首先我係女, 內容有少少長, 因為件事唔算簡單, 要交代下個 story
o甘... 我個問題係, 我想keep 住呢個男仔做 SP/SL
但我覺得我講錯左野, 佢誤會左我想斬纜或者覺得我逼佢做男朋友搞到無聯絡
詳情:
我地兩個都單身, 有共同朋友, 剛剛識o個排, 有次飲大左就搞左野,
因為大家都覺得有 FEEL, 好夾 (搞野方面), 所以決定做 SP, 都已經 3 個幾月o既事
初時無擺感情落去, 真係好好玩, weekend 飲完野 call 大家出黎搞, 好簡單
不過漸漸變左會留全日俾對方, 去睇戲, 食飯, 飲野傾計, 並非次次都搞
佢同我都無玩過 SP/SL o既遊戲, 漸漸搞到個界線越黎越模糊
2 個禮拜前發生左件事. o甘大家一向都避忌講感情方面o既事
佢有日突然話呢排心情好煩懆, 淨係想同我出黎見面, 可否唔搞其他野
出到黎佢同我傾訴, 話ex 呢排俾人飛, 煩得佢好緊要想揾佢做水泡,
佢話同個 ex 無可能, 佢無回覆都狂 call/ text. o甘o個日就傾計飲野, 乜都無發生
我對佢而家點都會有感覺, 但講真大家o甘樣開始, 我從來無唸住要做到男女朋友,
只要唔好提ex/ 其他感情野影響到個 mood, 大家開開心心繼續我就 ok
o個日飲完酒返到屋企, 我whatsapp 話返到去喇,再好例牌o甘安慰佢,
但又想趁機會暗示唔好再開感情話題影響到大家,
我醉左打字, 第二日望返, 覺得令佢誤會左我想停止段關係或者再進一步,
我話'大家雖然唔係 d 乜, 不過我唸點都唔會無感覺到可以好似無野o甘聽同俾感情意見,
你都知有d 野大家一路都避開無傾, 不如你心情好返大家先再見?'
自此之後就 2 個禮拜都無聯絡我... (平時最多隔 2, 3 日就一定會傾計或者約下次出黎)
只不過大家搞野方面好夾, 我唔想因為打錯個 message 就無左個好對手
我腦海裡面只唸到扮無事, 話上次飲醉亂 send 野, 再問下佢呢排點?!
無處理過同類問題, 所以先 post 上黎問下有無更好提議. Thanks
[ 本帖最後由 emoji1 於 2014-5-5 03:01 AM 編輯 ]
