我上星期出左個咁既post:
http://www.188channel.com/viewthread.php?tid=9260631&extra=page%3D2
大約係話我呢三年女友唔肯同我做愛...
我就終於出左去偷食一次...
先回番大家朋友d問題先
1) 我同佢三年前到底發生左乜事
ans: 無發生咩事...
2) 佢以前係唔係都唔喜歡扑野
ans: 其實同而家分別唔係好大, 但以前會做得多d, 但而家真係少得離譜..
上次件事過左幾日啦...
我女友通常同我嗌完交....都唔會再同我討論個問題
就咁放淡佢就算
但小弟又真係覺得有問題...
終於星期6, 下午4點幾佢無啦啦開門上左我屋企
睇佢個樣佢都應該會留宿一夜
期間都無乜點傾計...各自上網睇電視, 到夜晚11點幾
佢就好似準備訓咁
咁我今次就做一次正確少少既決定....就係坐定定響張床度
唔係打算再去要求佢扑野...係想同佢好好討論個問題
咁佢坐低問我做乜, 咁我就係咁易講下自己既"苦況"
點知佢一句duk埋黎:"你係咪變態架!? 一日到黑淨係諗住sex, 好變態呀你, 有病!"
我已經好忍讓....好似性教育咁...解釋男人有性慾係正常既事
而我一個月先扑得一次野..女友大人你又成日上黎訓我隔離
我成晚jer jer痕, 好正常
而我想sex...係基於我同佢十一年既愛情...有性有愛既感覺 (大約係咁啦...)
點知佢又鬧Q我:"咁而家係咁唔做愛就分手丫? 你真係好過份! 不知所謂" (略100字)
咁我不停解釋...佢就不停鬧我
我可以點? 佢仲鬧我:"你咁樣同d強姦犯有乜分別? 淨係諗住咸濕野"
我好無奈...
係悲哀多過憤怒
果一刻真係發覺得自己同眼前呢位女士完全溝通唔到
而家佢亦唔明白我
試問佢識左我咁耐, 我係咪真係咁衰? 為左sex, 同一個強姦犯無分別?
最後我選擇算, 唔同佢拗...我出廳訓....
佢問我點解, 我話我講左廿幾次我谷到爆dick喇
幾乎晚晚自己心愛既人唔帶bra淨係著住條底褲訓響我隔離
我就連摸下都唔得!
發脾氣咁出左房, 我就聽到佢響入面喊
唉
到左星期日. 我朝早起身女友已經走左, 打俾佢又唔聽
我其實諗左一夜, 已經決定同佢分手了
唔單單因為性....係因為我覺得同佢溝通唔到了....
佢亦唔明白我, 誤會左我為人
果晚, 我打左一封email 俾佢
主動提出分手....我唔想呃住佢....
我將幾日既一夜情事件一五一十講左俾佢知
佢一定唔會理我解釋當我係衰人, 而偷食亦的確係我唔岩
咁仲好...等佢當我係賤人...下定決心忘記我仲好啦...
只係覺得自己對佢唔住, 十一年既感情就咁玩完
我曾幾何時以為自己會同佢終老
而家...真係好鬼down...
唉
:smile_39: