[無聊分析]男性的「春藥情意結」
呢篇嘢的出現
純粹係自己打緊篇小說時惚然諗到
其實以前都有去過唔同論壇
都發現其實有唔少人會喺「性區」入面問有關春藥啲嘢
而且「色文」更加有唔少關於「春藥」的文章
無聊之下
自己就想「初步」研究下呢種「春藥情意結」
下面的分析見解可能頗為幼稚，還望指教
（全文以男性角度分析）
首先
就係點解啲男人要對女性用春藥呢？
1. 情趣
2. 好奇一試
頭兩個都係比較「正常」的原因促使男方去用藥，當然唔單止男性，女性亦都有機會會咁做
3. 想和女友做愛但遭拒絕，於是出此下策
4. 想睇著女友變得淫蕩
5. 想睇著女友介乎想要（身體）唔想要（理性）之間，然之後屈服於自己
6. 膽量不夠／不想做主動，於是利用用藥去令女方做主動
第3點類近於強姦，用呢種方法的人多數係「精蟲上腦」，為咗性就不惜一切，唔理女朋友感受，可謂下流。
第4點同第5點其實差唔多，多數係因為女方係男方面前，一副清純樣子，唔會主動呢樣嘢，又或者唔會做主動，又或者「唔夠放」。於是男方就想用藥，就促使女方表現出另一面。
一方面，有一種「成功調教／改造對方」的成功感
一方面係彰顯自己權威，女方最後都係要依靠自己。
目的都係，想有一種「征服感」同「絕對控制權」。
第6點都講咗，「膽量不夠」係其中一個原因，當然又可以係，有啲男性擔心遇到女方阻撓，或者覺得如果由女性做主動，自己需要負責的「破處」就相對地減少。基本上，出現呢種情況，應該係其中一方係第一次，於是就想用藥壯膽，情形就好似飲酒。
當然仲有第7點：
就係有啲立心不良的人，意圖誘姦一啲陌生女子，呢個最常見的情況就係發生PUB入面。佢哋用藥目的
一、反抗力細
二、可以做到某程度上女方的「自動配合」
三、減低對方到自己的機會
而如果係現實到用唔到或者唔夠用的人，唯有寄情於文章或者影片，將自己代入施藥者，甚至將過程「擴大規模化」，將春藥的功用愈吹愈大，幾乎只要故事個女角食少少即刻會主動撲埋黎，任搞唔嬲。其實都係因為現實無機會遇上，咁咪唯有作大啲，好讓自己滿足。而且亦都係企圖借此說服自己「春藥係萬能」，再促使自己喺現實「好努力」咁搵春藥，一有機會就買黎用。
於是就形成一個循環：
有性需要＞喺現實滿唔到（嗰7個原因）＞訴諸創作＞誇大功用，滿足自己在現實的「挫敗」＞相信了誇大內容＞需求增加…
當然有啲好好彩（？）第二個STEP就走出個循環，但其餘人就一直喺個圈入面咁走；
如果太固執，怨念就相應增加，到時有機走出個圈圈，好有機會鑄成大錯
當然，亦有啲都係好好彩，喺創作過程已經宣泄咗的，咁咪無事囉
所以大家都係實際啲
春藥似終係藥物
用得多對邊個都唔好
況且，如果要依靠春藥自己先搵到「存在價值」
其實都幾悲哀
以上皆是我粗淺的分析，或者部分觀點可能各位都有諗到
又或者有不周之處，如有錯誤遺漏，希望大家提出
P.S.
我自己就係唔會對女友用藥，雖然話可以增加情趣
但我個人比較唔鍾意「借用外力」黎增加情趣
雖然，我心底裡係想有「征服感」同「絕對控制權」
但，心想唔代表要實行出黎嘛
所以先化作文章
唔知各位又點睇呢？
