投票主題
我係彭耀基
彭耀基先生,
你知唔知我係你屋企學到幾個做人道理，我對你地成家人簡直嘆為觀止． 你地俾我睇到人性最真實一面． 我真係要向你地學習下點做人，最緊要就係識講嘢唔負責任，同其他人講你會對佢幾好，又點當人地係半邊女，Right? 講完又唔使真係做，其他人聽到你地咁講咪以為你地係好人． 我呢? 錯在唔會好似你地咁識講嘢，係咪? 你阿媽一開始點會唔知自己個仔衰乜咩? 你都有前科，幾年前都係咁，4年前咪又係背住個女朋友追我，我傻仔至信你對我情深一片，Right? 當時，你阿媽咪又係幫你暪住兩個女仔，等我地以為佢個仔專一又乖仔，至多衰大使啫! 個阿媽因為個仔未揀定梗係唔好踼爆佢，等自己個仔揀定要邊個，咪同另外一個講知道自己個衰仔有幾衰，出面大把好男仔，唔好要個衰仔，搵過個，自己唔好彩生佢出，無法，咁o既男人要唔要都霸! 你阿媽勸我要同你離婚喎! 講得幾動聽，等人地個女唔好纏住自己個仔，Right? 真係橋唔怕舊，最緊要受，不過，同一番說話，4年前明明work架，個女仔後來真係無纏自己個仔，今次唔work，人地個女唔肯放手，咪話唔關佢事唔理，鬧人地個女唔好纏住自己個仔，自己個仔要讀書返工，警告人地個女如果自己個仔有咩事，乜都做得出．佢講漏樣嘢，你仲要溝女搞女人！ 你睇，你阿媽幾好人． 初頭就話就算我同你離婚都可以同我做朋友，最尾知個仔唔要我，咪鬧我，我真係多謝你阿媽． 我小產個時，你話唔小產都養唔起要我落仔，係咪人嚟架? 咁都講得出! 我要分開，你就買晒花上我屋企跪係床邊喊晒口話知錯，乜咁好演技呀? 又話以後要照顧我對我好，你係咪認為咁叫照顧? 連你舊同事都睇唔過眼話你，你至不情不願返去叫你阿媽幫我補身，跟住呢位口口聲當我半邊女o既人，叫你要買個焞盅俾佢，買完又話無錢買花膠，之但係唔係同你講，同我講囉! 佢真係坦白，但係我好似無叫佢整山珍海味，只係話食番d有營養o既嘢，而你呢?咪企埋一邊無出聲幫過我，後來，我咪可以一個星期去你屋企食兩次食飯飲湯囉，真係難為你阿媽要咁多時間照顧我． 但係咁多年我都無肥過． 後來，你抽到公屋，可以搬，我擔心搬出去開支大，我地又搵得唔多，唔想搬，你呢？ 同我左計右計話無問題，好想搬，然後，你阿媽咪加埋把口話萬大事有佢! 啱我同佢講擔心無錢買傢俬，佢就叫你搵你阿爸俾，梗係搬啦！ 幾難至抽到，況且你個仔唔要我，間屋都係你個名，無蝕底嘛！ 又話唔會攞個仔咁多錢做家用，又講得幾動聽喎！ |
|
|
|
