今次係我第一次打文，自知自己有好大改善空間，希望大家唔好介意。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日同平時的日子一樣番工等放lunch，完lunch等放工，最好聽日就打風。
之不過人係需要係沉悶的辦公室中尋找快樂，而我的快樂來源就係情報組的同事Winkle,每一日都有新鮮的8掛事送上，但今日我竟然成為大家的談論對象....
話說今日約左XX公司的人sell橋，新客仔當然要積極d，可能長做長有ma。
之不過係對方坐低個一刻我忍唔住嗌左一聲，我知我好失禮但我真係點都估唔到會見到佢，Peter，而佢只係俾左一個微笑我，佢的微笑我永遠都唔會忘記因為都係因為e一個微笑令我跌到損手爛腳，亦令我留過好多好多的眼淚。
我永遠記得係4年前...
我同佢經過2年的相處係今日終於分開左，只怪自己蠢,明知佢偷食都仲扮無野。一次又一次咁原諒佢，直到見到佢手拖住嘅唔係我，而係一個我識左6年的好朋友，係個一刻我終於醒la。我唔知道係e 1年間佢第有幾多的愛人，亦唔知道我係佢心入面佔左幾多份量，我全部都唔care。因為我真係好恨e個人
但4年之後再望番e個人，我已經對佢無恨的感覺，只係同一個陌生人一樣無感覺。其實分開好正常但可能人當時年紀細，對於感情太過重視再加上係初戀，先會搞到咁傷
突然boss就叫我將d文件派俾大家但我腦入面只係諗我要點面對佢？
A.扮唔識，當無野
B.經過佢個陣狠狠咁批佢一下
身為一個專業的打雜我當然係揀左A，揀B係想要博炒咩
就係咁個會就好平安咁完左，我當然係有咁快就走咁快LA。之不過我親愛的Winkle就叫住我係我耳邊同我講
''你覺唔覺Peter好靚仔呀？''
‘' I.T部個Peter？佢好薯喎邊到靚仔呀？’'
‘’你係唔係玩野呀!!XX公司個個 Peter Lam呀’’
Winkle姐一講完就同呀Peter Lam say hi
我心諗：你唔係找D咁ge野黎玩呀
Peter：HI，好耐無見
做人最緊要有公關我都好有禮貌咁同佢講場面話
Peter：我仲以為你唔記得左我tim，又或者唔想記得我
我：點會唔記得呀，我仲記得清清楚楚tim
係e一刻我只係想快d離開,我只記得我hea 應完佢一陣之後就拉住Winkle 離開會議室
之後我當然俾Winkle 盤問一番la
Winkle: 你點識佢架，有靚仔都唔介紹俾我識係唔係姐妹呀！
我：我同你講，靚仔無本心呀識黎都無用
Winkle:好似同佢有故事bor 講黎聽下la
就係咁我就將佢係我ex的事講俾Winkle 知，當然只係講左最表面個浸，因為而Winkle的性格佢一定會同全公司的人講，果然Winkle 無令我失望係短短2個鐘成公司的人都知，就連boss 都知。
2日後，又係同XX公司開會的日子la 係開完會之後Peter俾左個地址我
我：咩黎架
Peter:地址
我：我知係地址，係咩地址材料公司地址？
Peter:食飯地址
我：無端端食咩飯
Peter:又係你上次應承同我食飯ge
Fxxx，個次拉走Winkle hea應個陣，竟然應𠄘左佢食飯，但無計la 我親口應承人就當同個客食飯LA
(待續)

Thanks for sharing!!