我叫阿冰，今年十九歲。唔……由邊度講先好呢？我諗我講吓我屋企先啦！
我係屋企嘅獨生女。我記得，我細個果陣時屋企生活都唔錯，間屋幾大，有兩、三個工人做嘢，又有司機車我返學、放學。但係，我九歲時爸爸就炒燶咗股票，無哂啲錢之餘，重好似話欠人哋好多錢。結果，我哋一家三口嘅生活就漸漸唔同哂。一個星期內，屋企無哂啲司機、工人，而且，我哋搬咗去一間幾細嘅單位果度住。開始時我一啲都唔習慣，但係事實係噉，我都無辦法改變，唯有接受現實囉。
自細我媽咪就管得我好嚴，而且要我學跳舞、學彈鋼琴，總之就乜嘢都要學、乜嘢比賽都要參加。呢個情況到屋企破咗產之後唔單只無改變，而且重嚴格過以前。我每日嘅時間都畀媽咪安排好哂，所以我都無機會識朋友，同過一啲自己想過嘅生活。就係因為我參加得太多課餘學習，我喺學校嘅成績其實幾差，但係媽咪就無乜點迫我讀書，只係不斷要我贏唔同嘅比賽。由細到大，我喺跳舞、鋼琴、音樂、唱歌、朗誦等比賽所贏得嘅獎項，擺到成間屋都係。
媽咪亦都好注重我嘅外表。我媽咪本身其實都好靚，雖然已經四十歲，但係個樣都重係好得架！我十二歲左右佢已經教我點樣化妝、扮靚。自十五歲起，佢亦安排我參加過好多模特兒比賽，而且都得過幾多獎。我嘅身材高高瘦瘦，留長頭髮，斯斯文文噉，都幾得到媽咪嘅遺傳。因為我媽咪唔畀我曬，所以我啲皮膚好白雪雪。個胸就……嘻嘻……一般大小囉。
重有一樣媽咪教我嘅嘢，就係點樣去同男仔相處﹕佢教我同唔同嘅男仔應該點樣講嘢、點樣令啲男仔留意我多啲之類。我自細都照著佢嘅方法做，所以我由小學開始，已經成日畀啲男同學圍住，亦係大家暗戀嘅對象。雖然係噉，我十七歲前我都無拍過拖，因為媽咪成日警告我，無佢批準唔可以拍拖。我啲時間完成畀佢控制哂，所以我亦都無機會偷雞。
到咗兩年前，當時我十七歲。有一次我贏咗一個舞蹈比賽，頒完獎我行落台去媽咪到，佢拖住我介紹個Uncle俾我識﹕『阿冰呀，呢位係張Uncle，而呢位就係張Uncle個仔，叫Steven。呢個就係小女阿冰喇。』
《先回覆，後看觀》
點擊加熱支持下
