彪型大漢: 今日打住咁多先，下個禮拜你如果仲冇錢還，我連你老母都拎去賣

我: 多謝大佬，下期一定準時~~一定一定

彪型大漢: 走~~~(臨走時再醒多腳)

我: (自言自語) 得返一個禮拜..我仲可以點..今次再唔掂真係死路一條

我叫Sam神，由細到大我都幻想有一日我可以擁有一部時光機，穿梭於唔同既時空~~根據愛因斯坦既相對論，係某D狀況，例如唔同既速度、重力下，兩個物體之間時間流動的速度會唔同。係某種意義上，可以話係「天上一日，人間已千年」既時間旅行。但係呢種方式，只可以去未來，而唔可以返過去。呢種單方向的時間旅行同我幻想既「時間旅行」並唔同。

根據理論，如果我可以超越光速，我就可以係過去、現在同未來不停咁穿梭~~為左實現呢個夢，我細細個就開始睇好多關於時空穿梭，時間旅行既著作，更決心成為一個物理學家，實踐愛因斯坦既理論...好好彩，我既付出亦得到左少少既回報，我破格係13歲果年就得到MIT既取錄，係18歲果年更加成為左MIT最後生既教授，本應我條路會係一帆風順，但大家都知，研究最重要既就係funding，一開始時包括NASA等唔同既政府/機構都願意贊助我既研究..但短視既佢地，過於追求即時既成功，係經過幾次既研究不順(我只會講係不順，因為我從來唔覺得我會失敗)後，佢地選擇撤資，而我亦由當時既天之驕子，明日之星眨眼間成為一個淨係識發夢既癲佬...但我並冇因為咁而放棄，我將過往既所有積蓄繼續去做我既研究，但最後搞到我爭落一身街數~~每日既生活除左研究，就係諗點樣避開收數佬...

我: (自言自語) 如果我唔可以將自己既速度加快快到超越光速..點解我唔可以諗辦法將光速減慢

我: (自言自語) 我終於諗到啦...終於諗到la~~今次一定得，一定得!!!!

可能真係俾人打一獲後頭腦寧舍清醒，係諗通左呢個位後，我極速咁跑返去我個研究所，將本身set好既formula重新設定~~我一路望住個mon係度運算，一路係度祈禱~~一路係度擔心，因為我知道，呢次好可能係我最後一次機會! 時間逐分逐秒咁過去，眨下眼就過左日半，呢一刻我開始對我既研究充滿信心，因為過往既經歷話我知，如果運算失敗，一日內點都會彈出結果，但今次，已經過左日半，但佢仍然不斷咁運算...我知道我終於有機會同世界証明，我唔係一個癲佬，我終於可以超越愛因斯坦~~我終於可以~~~正當我係度自high既過程，電腦響起嘟嘟嘟嘟既聲，隨著而黎既係個mon顯示出，運算成功機率: 99.999%

我: (自言自語)我終於得左~~我終於可以証明當日唔信我既人佢地係錯既...

我: (自言自語) 既然我已經成功左，我點解要急於証明俾佢地睇，我點解唔做返D自己想做既野先，為左呢個研究，呢20年黎我每日除左研究就係研究...我要過返屬於自己既生活。

https://www.facebook.com/notes/% ... A0/1344049605607531

前文提要: 話時天才Sam神終於俾佢搞掂左佢果個驚天地泣鬼神既時空之門(所以話，人係要到絕路先可以爆發小宇宙既) ，佢發誓要過返屬於自己既生活...
我:  (自言自語) 1/10/2016 星期六2 名古屋鯨魚 對 福岡黃蜂 5:0 (80倍);  2/10/2016 星期日1 讚岐卡馬達馬尼 對 松本山雅 2:4 (60倍); 星期日12 水原藍翼 對 水原城 4:5 (2000倍) ; 星期日13 蔚山現代 對 仁川聯 2:3 (500倍) ;  星期日16 FC岐阜 對 岡山綠雉 0:5 (100倍) 嘩屌，我過關5串1，(80*60*2000*500*100) 乘埋成4800億倍，買1蚊都多過香港庫房既盈餘~~佢點賠俾我呀~~咩話上限派彩1000萬~~照殺~~
計好晒數後，我拿拿臨將日期時間座標等相關資料輸入電腦，並決定我既時空旅行第一次實驗就係返番幾日前~~望住電腦條進度bar由10%慢慢加到去95%，真係越黎越緊張，雖然程式話work，但理論歸理論，真正既成敗始終都係睇execution~~當電腦進度去到100%，我好緊張咁打開我面前既門，本身中空可以望穿既門，而家變左一個幻景背景，(我承認我仍有一刻猶疑，唔敢邁出第一步，但如果連我自己都唔信自己，我同之前唔信我既人有乜分別?) “That's one small step for a man, one giant leap for mankind.” 我終於行出左我既第一步，行入門果刻我係度諗，究竟我一陣會經歷D乜野，都未夠時間俾我諗野時，我眼前既景象已經由頭先既幻景背景變左做漢口道馬會投注站...
「5號上呀上呀~~落鞭啦屌你」「頂住頂住~~」
我: 阿叔，唔該我想問下今日幾號?

全文: https://www.facebook.com/notes/霍堯/時空之門第一章-時空初體驗-part-1/1344116488934176