有時未必贏既時候, check得多會令自己豪無頭緒, 想用注碼了解對手咩牌, 出幾多先岩?試過有一次去到river, 出面33665, 得返我同另一個對手, 我渣AJ, 佢出40bb, 我諗左一陣, 決定跟, 我A HIGH, 佢得J9 BLUFF我, 雖然我贏左, 但佢40BB我係咪唔應該跟, 定係佢唔識玩？定係我好彩？因為POST-FLOP之後個個都CHECK, 出面POT得20BB左右

如果唔夾出面牌，又無糊叫，就一定唔可以打 slow play，除非你預左 fold to any bet。
slow play 只係在非常安全的情況下先至能夠發揮作用，引人地 bluff 你。

你呢個 case 最好用 continous betting 策略。

首先要睇咩位置，如果佢係 Big Blind 位，你係 Small Blind 位，
你有 AJ，係可以試下偷雞，Raise 佢 4 倍，假設佢照跟 ...

Flop 果陣出 336，正常黎估佢，最怕佢有隻 3 仔，
就算 6 都唔怕，因為你有 2 張 over card，之後拍中一隻已經 beat 佢。
( 其實都唔似，因為你之前 raise，佢無理由手上係 3, 6 都照跟 )

你可以試下 bet 1/2 個 pot 去試探，如果佢真係 6，
應該會 re-raise 你去 protect 佢份 two pair。

Turn 牌果陣再出隻 6，頭先已經估左佢應該唔係 6，
你可以再 raise 1/2 個 pot ( 扮 6 仔 )，如果佢無料到，好多時會 fold。
如果佢 re-raise 你，當然唔搏啦。

River 果隻 5 仔，根本無影響，就算佢手上有 5，都要忌你，
所以無論如何去到呢度你都一定唔可以就咁 check。
raise 佢 1 個 pot。

當然，如果對手有 D 咩異動，你真係唔好同佢硬碰，即時 fold 牌。

[ 本帖最後由 網上探險家 於 2009-4-6 05:20 PM 編輯 ]

其實本身我諗住有人raise 我就fold, 點知到river佢先raise 40bb, 其他人fold, 我係最尾, 我估佢無two pair, 因為有就一早raise, 呢野係bluff, 或者最多佢都係有ace, 但其實我跟呢野都唔係好理智...

其實牌桌上面, 根本無話所謂理唔理智.
Hodem 最高境界係: Any cards can win.
根本唔需要在乎你有咩牌, 而係要令對手覺得你有咩牌.

你一開始就打 slow play, 其實已經有問題,
因為其他對手同你一樣都係無牌,
而你就俾機會人地去睇免費牌,
大大降低自己贏面.

假設你而家係玩緊 cash game, 個 pot 有 20,
最後人地 bet 40, 即係個 pot 總共有 60,
如果你出 20 去跟, 即係買 1 倍 3,
咁你就要衡量下你自己有無 3 份 1 機會贏,
如果你覺得贏面大過 1/3, 當然應該 call 甚至 re-raise 啦.

我明你意思, 最梗要氣勢, 可惜當時我係無牌, 咁都落既話會今自己更不能自拔, 可能最終損失仲大, 因為果兩野check我會覺得佢唔會有三條或者另一pair大過我, 但佢落果野好似好大風險之餘仲會俾我感覺 "咦, 你咩料呀?", 果野我估佢九成無三條, 佢又唔係pocket pair, 我Ace就係最大, 點解唔跟, 但跟左之後覺得, 真係好大風險...40bb....單對單, 係咪應該跟?

其實係唔應該跟，如果呢個情況發生 100 次，你係輸多贏少。
同樣道理，佢咁樣 raise 100 次，亦係輸多贏少。

Raise 果陣，總會有個目的：
1. 保護自己牌面
2. 試探對手
3. 嚇走對手
4. 引對手 D 籌碼入 pot
5. 送錢俾人使 ( 你唔好笑，真係有人咁戇居 )

而 call 牌亦係有兩種目的：
1. 你叫緊糊
2. 你表示自己有牌，去到 river 果陣 re-raise 佢 ( 可能你都係 bluff )
3. 你份牌好大，可以打 slow play

所以在你 call 之前，應該諗下自己點解咁做，
你有牌咩 ? 又唔係；你想嚇佢咩 ? 睇黎 All-in 先得。

以牌論牌，你一開始 preflop 果陣有 AJ，
已經應該做 continue betting，試探對手態度。

[ 本帖最後由 網上探險家 於 2009-4-8 06:05 PM 編輯 ]

你意思係, 無論自己有無牌, 出面有335, 都要raise, 咁樣會唔會好易輸多兩錢?

唔係話有無牌都 raise, 仲要睇埋你係咩位置,
在 preflop 之前有無人 Raise.

Continoue Betting 只係其中一種策略,
首先 335, 假設出面有四個對手, 可能其中一個有 3, 5 two pair,
又可能其中有一個係三條 3,
咁我地就估計其餘兩條友應該係無料到.

假設 big blind 係 4, 五條友加埋個 pot 總共 20.

你可以試下 raise 1/3 個 pot, 大約 6-7,
如無意外, 呢個時候應該會最少有兩條友 Fold.
( 假設個 pot 已經去到 40 )

Turn 牌果陣出多隻 5, 除非你諗住放棄, 否則你就更加唔可以 Check,
你再 Raise 2/3 個 pot 即係大約 25, 如果佢地全部無料到,
去到呢度都應該會 Fold 晒, 因為一般黎講, 垃圾牌根本唔值得投資.

但如果有人繼續 Call 甚至 re-raise, 咁意味住你偷雞策略已經失敗,
咁你就要縮, 唔好再衝落底池.

所以個問題根本好少話去到 River 牌先至諗.

仲有, 在 flop 335 果陣, 可以考慮補牌數 ( odds )
你而家係 AJ, 即係可以有 A, J 去改善你份牌,
成為 Top Pair, 除左你手上 AJ 之外, 出面仲有總共 6 隻 A 或 J,

假設加埋你自己有 5 條友, 總共 10 隻牌, 出面開左 3 隻,
即係仲有 52 - 10 - 3 = 39 張牌未開,
咁之後可以再抽到 A/J 的機會就係 6/39 大約 15%

假設個 pot 總共有 20, 有條傻佬穫穫都 raise 你 1 蚊,
即係你用 1 蚊去博 20 蚊, 而你有 15% 機會贏佢,
如果長期係咁, 你一定會有著數.

相反, 如果有人穫穫咁樣 raise 你 10 蚊,
就算俾你偶然好彩, 長期落去你都係輸多過贏,
所以應該 Fold.

如果你好有把握覺得佢偷雞, 你索性 re-raise 佢 3 倍,
廢事之後俾佢附碌博到牌.

仲有一樣野, 如果佢 raise 注碼, 超過手上的一半,
咁意味住如果你再 re-raise 佢, 佢就一定會同你死過 All-in,
好多時佢手牌應該差極有限.

又再返轉頭講, 你 AJ 如果在 Preflop 果陣 raise 4 倍 big blind,
D 牌稍為無咁靚都會走, 剩返落黎果 D 都好少話 2,3,4,5,6 呢 D 細牌,

所以 Flop 336, 你根本唔洗點驚話有人有 3 條,
最多俾佢地有 pocket pair. 你博到多一隻 A/J 亦好大機會贏返轉頭,
呢 D 情況, 手上有兩隻 Over card 真係唔怕 raise.