十年都唔出一次 Post.頭先想係對面台開個新 Topic， 點知要乜乜一星級會員先可以開個 Post, 所以算啦， 係呢邊開個就算， 大家有緣既， 見到就見， 見唔到可能仲好， 反正我又唔係乜乜買料之人。
廢話少講，其實只係想比小小溫馨提示大家。
相信有賭開波既朋友都有留意今晚雷丁對阿仙奴呢場波，不竟戲碼係成晚最吸引既一場，論名氣，點都好過果兩場西甲。
身邊有唔少都有賭開波既朋友對今晚阿仙奴作客雷丁能大勝而回抱有極高期望，當然，有期望自然有信心參與其中。
而佢地不約而同覺得阿仙奴最少淨勝對手2球或以上，自自然然買埋乜乜讓球主客和客勝『﹣1』，一來賠率好到有2.X以上，吸引力大增，另一邊箱有啲會補返個讓球客『﹣0.5／﹣1』，驘一粒都食你半格，好似好穩陣。
注碼方面亦過千咁買落去，看似信心十足是的。
當然，若果你都係支持阿仙奴，理據不外於以下幾個：
1．雷丁近5場未驘過。
2．近3次對賽，雷丁未驘過。
3．阿仙奴上次意外盃賽出局，對手只係小朋友級既球隊， 今場要大打爭氣波返身。
4．正因上場意外落敗，雲加再無失分空間，今場重兵哂馬。
5．雲加再輸或失分，下台壓力倍爭。
以上種種理據可能係你其中一個支持阿仙奴既原因。

但我睇法就有啲唔同，以上支找阿仙奴既理據，你知，我知，開盤果個知，連可能由細到大一蚊都唔賭既乖乖足球迷都知。
同時，今晚可賭既波唔多，阿仙奴呢場可觀性比較大，參與投注既人都可能比其他場次既人多，相比之下，賠率變化較大，升水跌水可能反覆出現。如果以上咁多對阿仙奴有利既理據都只係讓個半一，我相信好多朋友都早買早享受，遲買貴幾舊。
就係皆因今晚賽事少，個個都集中於果一，兩場去賭之下，我相信呢個讓半，一，並唔係咁簡單。
你話阿仙奴要打爭氣波拎返個面子，但同時亦可以話雷丁要爭分護級無待輸。
呢啲賽事好睇唔好賭，小注過下手懚仲好吧。
幾千幾千買落隊作客讓半一既球隊，諗清楚吧。

[ 本帖最後由 betvigar 於 2012-12-17 11:38 PM 編輯 ]