大好友破馬會廠投注教學
奪命投注策略教學
前言: 馬會而家開既足智彩彩池種類算係幾多，不過有時朋友們沒有方向胡亂投注，往往中左馬會既陷阱，得不償失，所以，經過我自己都多交學費之後，有幾種投注策略供大家參考~~~
3串7 每關兩注項玩法 - 回報係由 $0至$230,000不等 (總投注會係$260蚊)
第一種係3串7(當然你有足夠資金4串15都得，注瑪會變成$800蚊)，大好友建議的彩池會係半全場，總入球同埋波膽混合
特色:
半全場: 由於只有9項，中獎機會係9分1，選擇半全場時的場次，要膽大心細，一些如主主和和等的組合要堅決不要，因為沒有回報，假如覺得太大機會開主主客客者，寧願放棄呢一個場次。
總入球: 派彩係比較少同埋平均，由於中既機會係8分1，所以命中率通常相對地高，不過，於今年的日職並不建議加入總入球注項，理由係馬會不停地獎賠率調低，變到值搏率亦都相對減少，除非你覺得日職開到0球，否則真係唔建議玩呢樣野，其他聯賽如荷甲，德甲都可以一試。
波膽: 總共有31項，亦係馬會食水最深的，咁究竟點解要推介呢? 拿，有時呢一種投注會適用於強對弱的賽事，例如ac，拜仁在歐聯等對住弱旅，很多時都會以不失球取勝，而當你估一場波可以以不失球取勝時，咁你既選擇亦都會由31項變到只有1:0,2:0,3:0,4:0,5:0同埋主其他6項，命中率即時提高，而且回報通常都係不俗，有時6:0同埋1:0比較難，變左得番2:0,3:0,4:0,5:0 四種，命中率又再提高~~~
所以選擇彩池時，要自己調節，亦都衡量一下自己可承受風險........
例子:
用260蚊，選3場，3場都係半全場(當然可選其他)
1. 首先搵幾場有關讓球平手盤既球隊，咁即係話，實力相若，或者搵三場日職(尤其係市原或鹿角同埋川崎前鋒)，近期法甲，英冠亦都頻頻開，不過大家盡量唔會搵d上次已經開左o個d，好難連開幾次主和主客既.........
2. 買佢地半全場，客和，客主(or 主和主客)，有時買主和客和兩飯都ok，三場都係咁買，理由係如果讓球平手既話，客隊先入一球，主隊要追番係易好多，如果日職既話就唔可以apply呢條rule，因為日職主場同作客，我睇唔到分別有幾大，日職就搵市原對面黎買先
3. 3串7，基本上開一關已經保本咁滯，兩關就收2千幾至7千幾不等，三關既話你準備買樓比首期，不過有時網友們其實可以慳番不必要既注瑪，例如你選擇的關次既賠率都係只有4-6倍既，可以唔洗3串7，買3串4(即係200蚊)，因為唔好彩你中一關，派彩只有40-60，如果全滅既話你就慳多$60蚊.........
而且未必一定要3場半全場，有時可以混合下總入球或者波膽，不過命中率同埋回報率相對較低........理由係半全場共有9項，命中率係9份1，波膽既話就係31分1，而總入球係8分1，但唔洗我講你都知道，總入球既賠率而家真係越黎越唔抵玩，尤其係日職，馬會狗到飛起，至於波膽方面，馬會抽水亦都好得人驚.......不過正如之前所講，如果你估其中一隊係不能取得入球時，波膽就可以發揮作用~~~
當然，有d網友有強力注碼支持甚至可以每關3條飛，例如主和主客加埋客和等等黎增加命中率，假設都係3關既話，你最好買3串4，因為注碼提高左，3串4會變左540蚊，而你買成3個choices一關既話，你梗係想起瑪中兩關，當然有心水既場次就保番少少單頭黎平衡番.........
_________________________________________________________________________________________________
第二種: 每次買的注項賠率超過2.5倍，而每次用自己所有的資產10%(當然係指多餘錢)
呢一種方法係我最唔能夠經常玩，因為自己的定力不夠，經常想玩多點..........言歸正傳，這個投注方式有幾種事項需要留意
1. 上面指你所有的資產最好係多餘錢，例如你有$20000多餘錢，你就會用$2000黎玩
2. 2.5賠係一個機數，其實超過2倍既都勉強可以成立
3. 如果賠率不足，可以搵一d 1.2 - 1.3倍既野黎2串1，不過，盡可能只買一場
4. 這一點有少少難度，就係你要令自己的命中率有50%
例子: 就以前晚士boot婷為例，就當佢既主勝有3倍先算，呢一場當我死都覺得國米贏唔到波，所以我既投注只剩下主同和(各有機會開出50%)，由於這是主觀認為國米贏唔到波，因此，你決定左買主勝@ 3倍，當你有多餘10000買波錢，今次會投注既金額係$1000蚊! 所以你而家得番$9000蚊
賽後因為士boot婷贏左，派彩$3000，你的基金結餘$12000蚊，下一次再買既時候，就係$1200蚊了........如此類推.....(自己四捨五入啦)
咁買波當然會有輸有贏，輸左點? 例如士boot婷贏唔到，我就得番9000蚊...........下次買就係$900蚊
呢一種方法有咩好?
假設你既命中率，一直可以keep到50%，即係話你會兩場一場中一場唔中，長期投注落去，即使你贏一半，輸一半既賽事，你的基金亦會係直線上升...........
我又用小小數字黎比大家更加明白
假設，你的命中率係50%(即係買兩場贏一場輸一場)，每次都選擇一條2.5倍既黎買，開始是既本金係$10000蚊，每次都投注十分一of你個基金，2000場之後，即係話你輸左1000場，贏左1000場，你的戶口結餘再唔係負數，而係$1.6 蚊，後面再加10幾個零!!!!:smile_24::smile_40::smile_40:
因此，呢一種指定比率既方法回報甚大，但係，當然你要每次都搵到2.5倍既野黎買而又有50%當然好困難啦，所有時呢一個理想都好難實現，至於我係比較後期先用上呢一種方法，不過由於早期輸得比較多，變到而家根本無咩動力玩呢一種野.........
待續 - 有咩唔明歡迎交流~~
