今晚小弟對每場歐聯球賽的小小淺見，希望能夠幫巴打係落注前有個參考！
今晚係第２晚歐聯，亦都係好多場亂局賽事，所以冇信心睇唔透就唔好玩咁大，忍到手就最好，記住小賭怡情，希望小弟講完自己小小淺見，能夠幫巴打落注前有個參考價錢！
莫斯科斯巴達 對 士砵亭
睇返２隊近績，有主場之利既莫斯科斯巴達從最近入球失球算字推算得到其狀態未至於好好，都可以保持，反而客隊士砵亭除左對上一次意外地輸左一場，其實這隊波狀態的確唔錯，睇返上一圈賽事，主隊大敗比一隊高自己一班既球隊唔出奇，反而客隊以一球之差贏左今年歐聯有機會奪標熱門之一國際米蘭，無疑係比人睇高一線，２隊波其實實力都差唔多，睇叔２隊以往對賽成績都發現到２場波都係莫斯科斯巴達贏波，咁就可以解釋得到點解開飛既時候，主隊明顯地比較熱，睇返盤路，開飛主隊明顯地熱唔出奇，因為種種數據加上主場之利，係咪咁簡單小弟睇就未必，因為呢場波有一點小弟要係度講解下，就係同上一圈賽事一樣，小弟發現到士砵亭又想出來搵食，如果細心都睇得到，除左開飛初段，其實中午時間客隊士砵亭好似上一圈賽事慢慢地落飛，到夜晚小弟就睇到幾條線大户同一時間落好重飛，反映到一樣野，當你隊波被看淡既情況之下，好多大户都拿來做搵食對象，係咪好似上次咁贏多次，小弟會覺得有機會，除左呢場選擇唔落注，如果唔係要係一場有大户出擊既場次要投注一個盤口，小弟綜合左好多資料，覺得客隊贏波唔係冇可能，直接買客勝比起亞洲盤更為扺搏，所以落注前要小心！
波爾多 對 燕豪芬
從２隊波既實力，主客場之差，２隊最近狀態可以睇得到，其實呢場波係五五波，就咁睇好難睇得到邊隊會贏波機會高D，因為主客和３個盤口都有機會開出，睇返上一圈賽事，２隊都巧合地０比０完場各有一分，今次會唔會又係咁巧合又係和波，睇返初盤既時候，大多數公司都做左一個好簡單既特定基制，就係主隊熱唔穩，客隊未至於受冷落，最後只有和波係一個最熱既倍率，由此可以睇到多間公司覺得呢場波又係和波多，但係咪咁正常開和小弟睇就未必，因為小弟留意左場波，係中午時間好明顯地，已經開始有大量支持者落飛分別去主客隊，反映到就係好多散户開始落注，而多間公司都將和波倍率開始升水，由此可見，呢場波唔會就咁和波返來，所以小弟唔要個和從這裡下手，至到今晚小弟真係看得到一樣野，就係有大户作出一個１．２．５既方法來去搵食，先將小量飛落去較熱的一個盤口，轉頭就真正出擊去一個冷既盤口，等到多間公司散唔切貨，從中搵食，如果小弟推算正確，又比小弟看得準，加上種種數據，燕豪芬係作客既情況之下要贏波絕對有機會，因為１．２．５呢個搵食方法，係要好大成本，如果真係比佢地得手，回報好高，相反失敗就會損手，用這個方法搵食既大户已經唔係好多，一場咁平均賽事係度搵食，又有咁多幕後搞搞陣，所以小弟綜合左好多野，今晚覺得燕豪芬係有機會爆冷贏波！
國際米蘭 對 拜仁慕尼黑
呢場波２隊都係一線波，從２隊實力，近績，狀態都可以睇得到不分上下，從往績睇都係各有贏輸，只可以就咁睇有主場之利既國際米蘭稍佔優，因為上一圈賽事唔係輸實力，係輸在人為，睇返，今次對賽，拜仁慕尼黑係作客既情況之下應該以守多，主場國際米蘭會盡量入球爭取分數，所以呢場波一攻一守係有個觀賞價值係度，好唔好賭又要分開睇，從盤口睇得到２隊波初盤既時候，好合理，因為呢場五五波，好多公司都唔敢開一個有水位較多既盤口出來，再睇返今日中午既時候，普遍來說都未睇到呢場波有咩大户搵食，只有小量支持者分別落飛去主隊，和波，由此可見，呢場波主客和都有機會開出，呢場屬於一場好睇唔好食既波，因為平均，相信拜仁慕尼黑會死守打法來爭取一分，所以小弟考慮到好多野之後，又綜合左好多資料，覺得呢場波和波回來絕對唔出奇，和波開出既機會更加值搏！
索菲亞利夫斯基 對 車路士
呢場波可以話係一面倒既賽事，縱使索菲亞利夫斯基主場打高半班波，今次有主場之利，亦都未必頂得到車路士攻勢，睇返以往對賽２場都係車路士贏２球以上，始終都係差２班波，所以呢場波好多巴打都識買，小弟都唔講解咁多，因為小弟都覺得今次要贏到２球以上應該都冇乜難度！:005:
