自己有時間就去車管所攪,深圳車管所有幾間,可以自己上網查下地址,我自己就去過文錦渡車管所
文錦渡車管所喺文錦渡關口出關右轉(沿河路往東方向)直行下一個路口入去就係
入去同d人講換領中國駕駛証就會俾d form你填,填好後可以出門口去對面d鋪頭影相
然後就要去醫院做驗身報告,最近可以去流花醫院,驗身好似15蚊,只係驗下視力同問下你有冇d咩病,身高體重等
不過佢好鬼馬虎,我上次入到去只係問我有幾高,其他都冇驗,之後就佢自己喺張紙上面自由發惲,攞左張紙後去返掛號地方吸印就ok
所在野齊晒就可以返車管所交俾佢,佢會出返張單同埋一個交錢既流水號俾你,你要自己再去建設銀行照返個號碼交錢先得
錢都交埋就等返個指定時間返去就可以攞駕駛証啦!唔想返去攞可以要佢寄俾你,填form就填埋同俾多少少錢就ok!
我換時個駕駛証120蚊六年,其他加埋都唔駛200,當時代辦要收6,7百,而家個証價錢好似加左一倍
如怕麻煩就如上面d ching所講揾代辦啦(俾多幾倍錢)!
