上個fri 去左淫褻及不雅條例修訂咨詢大會, 有成二百人出席
台下觀眾係會抽籤發表意見, 以進行咨詢 (我無被抽中講野:smile_30: )
响引版講呢個會就梗係唔係講條法例修訂有關的事啦
而係响個會入面, 我發現到 "保守" 勢力相當龐大 :smile_19:

每當有發表意見, 指今時今日, 媒體幾咁 "渲染色情", 又話搞到佢地身為家長, 搞到D細路睇到呢D野就好尷尬, 好難教
又話有個4歲小朋友識得揸10歲表姐個波....... 一切一切都推落去雜誌電視度, 要求政府加以管制 :smile_19:
場內就好多人拍手以示支持
連我細細聲自言自語講一句 "係你唔識教細路", 都被鄰座的嶺大女生叫我收聲喎
有一個男人仲誇張, 話地鐵站 / 電視 D 賣女性內衣廣告佢都覺得好不雅喎 :smile_14: :smile_40:  (心諗, 你唔去投訴:smile_30: )

但有些意見是持開放態度, 當中都好強調社會文化氣氛時移勢易,
又或者甚至乎有人話接受到女性上身裸露
該批人都會擺出一些不善姿態
但我很欣賞有一位中年女士講一句 : 點解你地要將 "性" 睇到好似洪水猛獸咁, 要起勢禁絕呢

更搞笑係, 場內有一批懷疑係反基督教之類的年青人, 完場時竟與該批人士口角, 大罵 "極端宗教塔利班"
我不奇然諗, 係唔係又係明光社之類動員响呢個咨詢入面 "做勢" 呢

我個人覺得, 到底係社會性氣氛開放得太快, 定係某些上左年紀的父母適應唔到社會發展
定還是明光社之類組織繼續從中作梗?

但係, 我還是認為, 要是死抱著以往一套觀念, 著LOW CUT 都話唔得咁上下
不如真的回到以往, 死守南宋理學家朱熹的名言 "餓死事少, 失節事大" 去吧!:smile_45:

***

大家似乎對呢類topic 無乜興趣喎:smile_45:

你地知唔知, 明光社之類, or 好多基督教團體連 "奶力" 都出埋
誓要剷除 "不良風氣" 建立 "健康社會" 為止
目標係要杜絕晒任何裸露的照片, 文字於香港社會
絕對唔係同你地講笑, 有消息指佢地製造左好多意見, 要求政府嚴加管制 "不良資訊的流通" 呀

後果係點?? 唔係誇張, 真係想搞到是連這個版區都要消失

唔係話有得佢地就算, 也不是話要點樣站出來抗爭
而係佢地要將佢地認為係 "正確而唯一" 的價值觀加諸到眾人身上, 不理會不認同者有不一樣的想法
這麼不尊重他人的意念, 又食住一班可以話 "唔識教仔" 的家長, 合埋一齊可以產生好大的力量

總之, 大家小心注意啦 :smile_38:

[ 本帖最後由 wrxgc8 於 2009-2-9 04:17 PM 編輯 ]

thank for sharing

社會及資訊已開放, 要管也管不來, 倒不如在開放的同時, 做好一點性教育吧!

藝術品列三級, 餵母乳相也是下雅, 如何推動餵母乳呢?

保守勢力，在任何時代，都會存在，因為背後總有利害關係：有子女的，面對尷尬情況不懂得處理

面對保守勢力，開放的一群其實不需要理會太多，你喜歡責備傳媒也好，你喜歡責備年輕一輩也好.........喜歡怎樣都好，隨便你！

因為，我從來沒有見過任何歷史上任何一個時代，保守勢力會得逞，歷史告訴我們，開放，改變，轉變總是勝利的，保守不變的總被淘汰

雖然如此，埋保守勢力堆的人總是不斷的，也是正常的，呢個世界總有人，享受寧願被淘汰

尤其在媒體技術進步的年代，官方的媒體可以被禁止，但非官方的，地下的，非傳統的渠道，你總禁止不了吧？！

非傳統的媒體要謝謝保守勢力，沒有他們，很多新媒體新渠道，不一定普及得那麼快

何為保守？何為開放？我覺得適當既保守有佢既好處，適當既開放都有佢既好處，總之兩邊唔好"太"就ok，即係唔好去到太保守or 太開放。如果世界真係發展到隨街可以做愛既話，到時你又接唔接受呢？ 我覺得開放態度係好，但點都要有底線，因為到時你有左仔女之後，真係要教既時候，可能樓主你又會扭軑變做保守派，哈哈 (只係分享下個人感受，不喜勿回 )

絕對讚同呀!!:smile_38:

之前連大衛像張相都可以判定違不雅
就知而家香港幾保守:smile_27:

同意!　平衡同原則好重要！開放，自由，與傷害自己，損害別人，叫別人或自己吃虧，畢竟是有分別；追求開放到一個地步令自己吃虧，這樣就應該叫做on居了．

不過我仍然相信，世界係向著越來越開放的方向走的，對很多事情的接受程度，只會越來越大；即係話，毎一代人包括我們，都要有心理準備，將來會有很多我們現在未必個個接受的事物，變成潮流甚至主流，這個和我們個人喜歡不喜歡沒有關係，因為係歷史告訴我們的進程，每一代都會出現一些備受批評和爭議的事物或文化，而這些事無從來未曾因為批評而消失或萎縮，反而越來越興旺；當我們比較60-70年代，80-90年代，以及現在的電影電視雜誌時，就很容易會發現得到

＂我自己唔喜歡唔代表唔可以存在，唔可以話我唔喜歡就唔係好＂，有這種心態的人，總是活得快樂一點的，我相信，我亦希望自己一直這樣相信，就算我有小朋友都係咁話