:043:開呢個account 係想同大家分享呢次經歷, 希望大家引以為鑑, 亦都希望想去尋找或已尋找性工作者嘅人再三反思



我兩三個月前, 因為太過dry嘅關係, 再者聽d 朋友講帶套其實好安全, 去左搵性工作者, 呢次亦係我第一次同唯一一次
當時全程有帶套, 完事之後就走返去條街, 果時喺度諗, 原來做完又冇人知, 都係一場交易, 過到自己呃到人就得
點知道兩個星期後, 就係惡夢嘅開始... ...

我如常工作, 有日突然發現條俐側邊生左啲白色野, 以為係飛玆唔理佢
點知好耐都冇好, 就去睇醫生, 醫生就話可能係啲牙磨損做成慢性白班, 俾左啲藥水我漱口, 仲話一星期唔好可能要活組織化驗
於是我屎忽痕google隻藥, 原來係抗黴菌素
如果你都google舌白班+抗黴菌素, 你就會知道抗黴菌素一般都work,而唔work好大機會link with AIDS
而舌白班本身就好linkwith AIDS, especially hairy leukoplakia 毛狀白班
由於一個星期我仲未好, 我就搵另一個醫生, 同佢講我嘅concern
佢就微笑咁同我講: 唔洗擔心, 唔似呢d野(AIDS),况且你都要有呢個exposure......
之後我立即答佢: 有吖! 我試過一次... ...
果下我見到佢面色一沉. 呢個醫生由細睇到我大, 我諗佢估都估唔到我會咁
醫生: 我俾d消炎藥膏你, 你再返嚟覆診, 睇下會唔會好d
然後喺我嘅擔憂下, 佢寫左封信俾我去驗P24.
同日, 雖然知道未過空窗期, 我亦去了免費機構做了快速測試
我仲記得等結果嘅時候, 個人問我有冇咩想知. 我話, 你話個結果俾我知就得
測試結果係negative
於是我放鬆了一下, 同時亦希望真係只係發炎
之後忐忑了兩日, 醫生打黎: 唔洗擔心! 唔係你諗啲野!
於是我放下了心頭大石, 亦都期望白班會自己消失
可惜一個星期後, 佢連舌嘅其他位都出現少少白斑......
然後如果你google,又會發現這又linkwith 癌前病變或口腔癌
果下我好驚,basically 由白舌開始我心情低落到咩都做唔到, 最後去睇中醫, 希望佢話我只係底層出事熱氣等
點知個中醫好憂心, 仲帶我去一張口腔癌poster,話: 希望唔係呢d野, 你地後生"口交"好正常, 但係好危險......
雖然我冇口交, 但去到極度擔心時你就會冇左理性咩都好驚. 佢開左兩劑茶比我, 同我講如果唔得就要biopsy化驗

因為撞正醫生假期, 我冇得即刻叫佢寫轉介信
我記得果日同吖媽食飯, 佢講到生活點好點好, 我突然覺得自己好不孝
忍唔住同佢講我黎緊會去化驗.
佢同我講唔洗驚, 但我知道佢好擔心, 其實我地有親人啱啱過身, 又有人有cancer, 佢已經撐得好辛苦, 估唔到個仔又攪d咁嘅野 … …

第二日我去左睇家庭醫生, 叫佢寫轉介信, 然後我立即去私家醫院睇耳鼻喉專科. 醫生見到同我講, 咁後生cancer 嘅機會好低, 並安排第二日做小手術割出嚟化驗.

於是第二日我一早入院, 割左舊2.5 cm 嘅野連埋一d肌肉出黎化驗, 條脷都凹左個窿, 食野都要食流質好慢咁食

到住院第二日, 醫生巡房, 一入黎就問我, 有冇機會係AIDS
我當堂呆左, 之後我就叫佢同我check埋, 果時我已經驚到仆街, 醫生於是決定幫我做RNATEST. 臨出院時醫生走左仲未有report

到出院俾錢時, 護士突然打嚟話醫生叫做多個test.於是我上反去, 原來第一份biopsy報告出左, 醫生要再喺我個tissue 再check野. 於是, 我簽個名, 再拎住分部告睇, 見到hairy leukoplakia, 已經心死了. 我覺得好對唔住我吖媽, 就將我做過嘅野講出嚟. 佢都唔敢相信, 最後同我講, 唔係你嘅錯, 係吖媽冇教好你. 我不停講對唔住, 果下我心裡面諗起吖爸吖媽, 諗起佢地養到我咁大啱啱事業穩定, 諗起生活其實可以好簡單就好開心, 但自己就做啲 on9野毀左自己. 果時我望成個世界, 我覺得呢一切都唔再屬於我. 我好後悔. 我覺得好寂寞, 只有要養育父母呢個諗法支撐住我繼續生存, 但生存真係變得好吃力

幾日後, 我鼓起勇氣打去醫院病歷部
“我patient no. 係 xxxxxx, 想問下出左報告未?”
“等等… 係咩報告?”
“病毒, 血果份…”
“出左㗎啦”
“我好擔心, 想問下個結果係咩”
“應該唔洗擔心”
“我想問係寫咩?”
“ hiv not detected”
我當堂開心了一下, 隨即請假去醫院, 要親眼睇個報告
HIV NOT DETECTED!!!!!!!!

事情去到呢度, 後面可以簡略講. 醫生最後發現是EVB 病毒, 其實都係麻煩野, 而且轉介我去血液及腫瘤科檢查immune system. 條俐食完抗病毒葯一星期後有出現白斑, 醫生check 了 immune system 和 口腔一切正常, 唔知點解果個位又出, 亦未知係唔係又係EVB. 醫生懷疑是牙磨到, 於是轉介了我去牙科檢查, 磨牙, 而家白斑仲未消失, 時大時洗, 要再等過完年覆診

最後我想同大家講, there’s no reason to take risks,even it’s just a very low chance to get infected. 個世界咁大咁美好, 你諗下你如果有咩事, 你捨得咩? 你對得住身邊人咩? 做之前諗一下, 唔好行一條咁嘅路. 我而家仲未好返我相信都係報應, 我真心希望大家, 好奇或掙扎緊嘅, 千其唔好去take 一個冇必要嘅risk, 唔值得; 已經係常客嘅, 諗一諗, 回頭是岸.

最後祝大家新年快樂, 身體健康!