愛胸之人 - 成長故事 第9篇update@p15
好耐之前已經好想寫下自己既故仔,因為有時睇完人地寫既故仔,都幾引死人. 希望可以透過呢個POST識到唔同既人啦.
簡單介紹下自己, 29歲男,是一位工程師.身高178CM, 68KG. 平時會踢下波,睇下台灣野咁,無咩特別.
我會定期UPDATE我既故事,希望大家耐心等下,因為我所寫既全部都係真人真事.
第一篇: 中學第一次接觸異性
還記得我中二既時候,我鐘意左班入面一個女仔,哈哈......佢唔係靚女,亦都唔係好身材,但我真係唔明自己點解當時會咁鐘意呢個女仔. 當時我真係好怕醜,我唔敢問佢拎電話,唔敢同佢講野.直到有一次,我俾我班足球隊隊友激我,我先至提起當時一生最大既勇氣,走去佢面前,問佢拎電話(我呢D 80後,當年都仲流行手提電話),最後佢俾左佢屋企電話我.......往後既幾個月,我有時打下俾佢問佢野,傾下電話咁,當傾左幾個月之後,我問佢對我有無感覺,佢話未有......O個刻都幾唔開心,始終自己鐘意既人唔鐘意自己....之後O個2年,我都係用一個追求者既角色出現O係佢身邊(以前邊有而家所謂既官音bing,我地只係我閒傾下計,食下飯,我有比賽會叫佢黎睇我踢)直到form 5,我第一次約佢出街,佢竟然肯,我地去左食飯,睇戲,但我已經好開心.當晚送佢返屋企既時候,我拖左佢隻手仔一陣,我已經開心到飛起. 我問佢,我而家算唔算係你男朋友,佢答我 "你話呢?" 我o個一刻真係覺得自己係佢男朋友架.......點知,過左一個月到,佢就開始無打俾我,亦唔同我去街(其實我係佢第三者,之後先知道),我唔明點解一個月就變成咁,好嬲佢點解要咁做.
又唔知點解,o個段時間竟然收到一個女仔既情信,原來係一個form 4既女仔,佢話佢留意左我成年,(可能我係d運動健將,我100m 200m都係冠軍,所以多人識gwa),佢話佢自己4D班, 無帶眼鏡,排中間到,我早會既時候都有去望下,點知一望我就知道係佢,因為4D隊入面,得一個女仔同我SAY hi,都唔會錯架喇...後來都係o個d,大家傾下計,好快就一齊左,我同佢一齊都有幾大原因係想激我之前o個個. 而呢個f4既女仔,就係我第一個接觸既女仔.
聽日再打......希望大家唔會覺得我拖得太長啦
[ 本帖最後由 04329234 於 2015-9-3 06:59 PM 編輯 ]
