各位好,

小弟(其實已3X, 唔係咩小弟了)睇左引版唔算耐, 不過突然想分享一下自己
o既故事, 呢個故事已經發生左好多年, 有D 細節可能都已唔係太清楚, 不過
我盡量啦, 不過呢個故事唔算好多好激o既情節, 你地可以當只係一個普通故
事睇

故事即將開始~

       星期日, 放假o既日子, 本來應該瞓晏啲, 但今日約左班frd出去行山, 要早啲
出門。其實本身對行山冇乜興趣, 但今日GF要開工冇得陪我, 我就決定同班frd
出去。講少少我GF, 佢做零售行業, 所以唔一定休星期六日, 我就返寫字樓工, 五
天工作同埋放銀行。不過行埋左之後先發覺女人真係好識收埋, 識你前係小綿樣
樣都聽你話, 拍拖後就完全變晒, 詳細就唔講了, 我諗大家都了解大約咩情況。

~待續

待續…等待中…

等故事

續 #1

準備好後就出門, 揹住個袋帶左啲基本野, 出到去集合發現有成十幾人, 我只係識其中兩個, 其他都係 frd lun frd 叫去. 就o向呢十幾人中遇到
呢個故事o既女主角. 先整理一下主要角色 -

我 : 阿明
女主角 : 妮妮
我GF : 阿婷
朋友甲 : 阿海
朋友乙 : 阿偉
朋友乙GF : 芝芝

成團人男女人數大約係5:5, 有啲係一對情侶, 有啲係同朋友黎. 果陣我地十幾人互相介紹後就開始行山. 原來妮妮係芝芝朋友o既朋友, 所以佢都唔算同我地好熟。

待續~

就黎放工, 我可能會寫得比較長氣, 希望各位有耐心

行左個零鐘大家都餓餓地, 我地有帶定啲食物去, 就搵左個比較空曠o既地方食野. 妮妮都有帶野食去, 見到佢有帶埋罐頭去. 我同阿海,偉邊食邊傾緊計果陣, 突然聽到一聲女聲呻吟, 往聲音來源望去, 原來係妮妮開罐頭唔小心整傷左手指, 見佢隻手指留緊血, 呢個時候我第一時間o向銀包度拎張藥水膠布出黎, 因為我平時打波都習慣帶定膠布. 我拆左啲膠布貼然後幫佢貼, 都有少少唔好意思, 因為要捉住佢隻手, 唔知佢會唔會尷尬. 包完發覺原來仲爭一塊先夠, 因為我都係得一塊, 好彩頭先有一個撩佢傾計o既男仔都有膠布, 咁就拎埋黎用.

妮妮之後多謝我地, 我同班frd 繼續食野吹水. 食完野之後就繼續行. 妮妮行行下都有過黎同我地幾個傾計, 可能因為頭先我幫左佢所以佢行過黎吧.

待續~

留名支持~

多謝, 原本仲以為個post 會石沉大海唔再寫落去. 畢竟呢度開POST
都係女性著數啲, 唔駛好耐已經過好多人回

ching你下次將自己同女主角身份對掉出post:smile_44:

哈哈~ 咁大部份男人溝女前後都一樣 2個人黎