後來到左我地中六果年, 因為佢阿哥去左台灣讀書
所以有時佢屋企下晝會有空檔時間出現
有機會俾我上去參觀, 冒險一下
果時每次上佢屋企都會擔心佢老豆老媽會失驚無神撞返黎
但奈可果度算係唯一可以俾我同佢單獨相處既空間
結果劑劑都係搏一搏, 死就死, 結果次次都無事
開初幾次係人地主場作客, 而且心虛驚有人撞返黎
所以都係好乖仔咁參觀下, 睇下相薄, 同佢隻貓仔玩下咁
到後來熟左地頭, 對時間又開始有多些掌握時, 人就開始變得無咁規矩
果時第一次係佢屋企”發難”係因為唔咩事早左放學
所以可以比較早就走左上去
我己經唔記得佢係想俾咩野俾我睇
但講講下又收埋話都係唔俾我睇咁
就係咁老土咁開始玩搶野遊戲
開頭幾分鐘都係好真心咁為左搶野而搶野
但搶下搶下我就變左好似攬住左佢咁
佢果時反抗, 亦係因為純為唔想俾我搶到果樣野到手
所以佢極力保護住既係手上既物件, 而唔係佢自己既身體
結果我地搶到一齊訓左係梳化上面
佢雙手舉高時我好大力咁壓左上去
心口對心口咁好著力地撞左一下, 同時間小C就”吖~~”左一聲
果下叫聲令我覺得唔係好對路, 心想我好似係撞到唔應該撞既地方… 但好軟…
果時我無再搶落去, 而佢都無再亂郁
果時我仲係壓住係佢身上, 基本上係兩個人面對面咁貼晒一齊
佢真係好香, 個身好軟, 我好熱, 個心跳得好快, 佢塊面忽然間好紅, 好紅
隔左無幾秒我都無反應, 佢就推開左我
開始話我整到佢條校服裙巢晒
果時我都好亂, 唔識打完場, 又唔敢玩落去
就不停講對唔住, 己經唔識講第二句話
扮晒以為佢真係嬲我整巢佢條校服裙
而佢亦唔知點收科, 就係度扮嬲快快掃我走返屋企
到左第二日, 大家都扮無事發生過咁, 我無提起, 佢亦無講開
我當然唔敢提, 而佢都可能怕尷尬, 所以都係唔敢講
幾十年之後, 我仲記得佢果下”吖”一聲係點叫
之後仲有無事發生? 當然有… 等我遲少少再”吖”俾大家聽
