唔知點解...我同我bf一齊左差唔多一年...但我一路都好中意留意佢個ex d野...例如會問我bf之前同佢做既野...
問問下...後來知道原來果時佢同佢個ex係做得好密...佢話有時候一星期3至五晚..仲要每晚都要做2次...我聽完之後...再對比起我而家同佢...一星期2至3次...我就有d介意..會比較....
但我知點都唔會比得上同個ex既次數...而我亦都唔會希望咁癲,,,前幾個月有次佢冇啦啦提出唔好做咁多...但果時都係一星期1-2次...我心諗都覺得唔多....我問佢係咪因為我問題...佢話我比佢個ex舒服好多..

各位巴打/c兄...我想問點解佢會咁提出???
係咪怕我好似佢個ex咁?一諗到呢度就會同佢個ex比較...

可能佢鍚住你呢

我明白，女仔會想同男仔個ex比較！
但係，你知唔知你既潛台詞係咩？ 你對自己好無信心！

而我想講既係，跟據我所識既人，無人可以用呢種方法証明自己比個ex優勝！
留意！唔係無人可以比個ex優勝，而係無人可以「証明」自己優勝。

人地既case唔講太多，就講你個case。

其一，之前佢地做得多，可能係個女仔「chur」得佢密都唔定，唔一定係你問題。
或者你會問，男仔/男人唔係用下體思考既咩？！ 我會答你，男仔係鍾意性，但只限於性方面俾到衝動佢既人，一個星期做三至五晚，如果長期keep住，我敢講幾個月內個男仔會覺得無晒新鮮感，繼續同佢做一係當交功課俾個女仔，一係就純洩慾，當中未必有愛。你應該唔會想咁樣？

其二，你男友話你比個ex舒服好多，但次數係無咁密；不過，少既時候每星期都有一、兩晚。
首先，我唔排除佢係因為要避免你唔開心所以咁講氹你。但，亦可能佢係講真，因為同你一齊舒服，所以唔洗交功課，反而間中做可以更加享受做既過程。 當然呢個只係假設，真正原因只有佢答到你。

而我既意見係，如果係認真既男仔，除左性，仲會識得關心、愛護女朋友。
如果你將輸贏著眼點放響性既次數，可能象徵你同佢之間除左做愛，可能已經得返普通既行街睇戲食飯，呢段感情已經出現問題。
而另一個重點係，你已經無左信心，咁仲點可以吸引到你男友？
女仔最吸引到男仔既野不外乎呢幾樣：
-> 外貌、身型既美感 (人人喜好唔同)
-> 性滿足 (唔止床上既抽插行為，仲包括生活上既少少挑逗、刺激)
-> 個性、氣質 (自信、幽默感、爽朗、溫婉、惹人憐愛、……等等，又係人人喜好唔同)
-> 相處 (一齊相處時舒服自在既默契感覺、共同經歷生活細節既回憶等)

如果你對自己無信心，仲要俾男仔感受到你成日同個ex比較，響男仔眼中你會漸漸失去光芒，個性、氣質會唔吸引；而你既介懷可能令你地既相處無咁愉快。 (外表同性滿足就無法評價)
久而久之，你地段關係只會受影響。

其實，到呢個階段，你已經無左信心，即係已經跌入左惡性循環。
如果要自救，首先第一步係相信你自己其實吸引到佢既！ 你要諗返、或者問返佢，佢最鍾意你d咩，然後日夜思想上同自己講你呢方面可以吸引到佢，甚至諗辦法強化呢一項！

其實，ex已經分左手，但你就實實在在同佢拍住拖；佢唔揀佢而揀你，呢一刻你已經係贏家啦！
除非之前係男仔俾女仔飛啦，咁就有d棘手……，不過，始終佢地己成過去。退一步講，就算某d條件你比唔上個ex，但你可以繼續同佢發展，加深感情。 只要你肯放棄比較，你地之間就只有你同男友；但如果你唔放棄，一定要比較，咁個ex只會永遠響你地之間存在。

多謝你呀...可以點醒左我好多...
講真...我真係唔知自己點解會咁冇信心,,,同之前果d唔會咁比較....好奇怪....
佢都有提過...因為佢果時一心係想為個女仔好...所以就咩都聽哂佢話...但到頭來個女仔都係唔要.....都真係幾hurt...不過我都知男人唔中2女人同人比較...所以我係佢面前都唔會咁提....只係自己私低下會有咁諗過...
btw..你講既野都令我值得諗下....thx!!!!

忘記以前吧~

吳好比較啦，次數多吳代愛多啲架嘛^^