《七不思議食女事件》原於2013年12月上旬始連載於HKU DRY CLUB，係蕩氣迥腸既甜故，一個港大生青春既墓誌銘，大學畢業前，上下求索既回憶錄。

實體書已於2014年7月付梓，內容與網上版頗有分別，若讀者朋友賞面購書支持，則感激不盡。
賈子Facebook專頁
https://www.facebook.com/pages/%E8%B3%88%E5%AD%90/246276442207187?ref=hl
紙言
http://www.shikoto.com/article/10061/%E4%B8%83%E4%B8%8D%E6%80%9D%E8%AD%B0%E9%A3%9F%E5%A5%B3%E4%BA%8B%E4%BB%B6.html

[ 本帖最後由 賈子story 於 2014-8-14 12:40 AM 編輯 ]

七不思議食女事件 Vol.1

利申：BA Final Year，大學讀左三年，女食左七件。故事既開頭，就由我入大學 O Camp 講起。講真，入得大學都成廿歲人，要無啦啦多左兩個便宜老豆老母，都咪話唔戇鳩，所以入得 O Camp，梗係要尋找下獵物彌補下損失啦。

第一個女仔，姑且叫佢做 C，佢係我 O Camp 組媽，我 o 係屋一眼望到佢，佢又望住我，從佢既鳳眼，a & f 女神頭，同埋將 O Camp Tee 零零舍舍紮起露出肚臍，我就知道，要食呢條女，其實唔難。

C 係拔尖升上 HKU，我年頭出世，讀 asso 升上 hku，佢年紀反而細我一截，所以唔存在細路仔溝大姐姐既問題。

到 Round Status 既時候，我見到 C 含春咁望住我，然後細細聲講左一句：「A0。」，我心諗，屌，咪玩啦，你都A0，咁我今日都仲係處男啦你老母。

Round 下 Round 下又到我，我見佢都 9up 唔駛本，亦都無謂同佢客氣，將自己拍拖次數減七，自稱 A0。A0 既 C露出一絲難以置信既眼神，不到 3 秒，佢又回復正常，繼續同其他組仔女有講有笑。

快樂既時間過得特別快，三日兩夜既 O Camp 好快就完左，我都唔放過 C，成日借 D 意私底下同佢 Whatsapp。

我問佢點解無拍過拖，C 中英夾雜咁話：「You know what..When I was small 我讀 DGS, 都識唔到 D Decent 既男仔，屋企管教又嚴..it's such a shame I never fell in love in High School」心諗，DGS 名校女生，我就最鐘意既，讀得 DG，十居其九都係有錢女，身為 BAND3 公屋仔既我，其實想食 DG 妹好耐，但係之前中學識落，條條女都生隻眼係頭頂，嫌三嫌四，而家機會黎到，真係而家事隔多年諗起都好興奮。

我就回佢話，我 AL 讀書辛苦，之前又掛住打波，所以都無拍過拖，雖然好假，但係佢都信到十足。

尚古人之風，為左求真既精神，我第一次出街就約左 C 去唱 k。我哥陣 o 係七仔買左兩枝唔知咩酒，帶上 k 房同 C開心分享。飲多兩杯，唱唱下佢越挨就越埋，我都唔同佢客氣，一手攬住佢條幼腰，再一野轟落去，呀唔係，一野咀落去先岩。

咀下摷下，C 人如其名，都起碼有 C 級，而佢都毫不怕羞，我心諗你後門可能仲係處既。正當我猜度緊佢係咪處之際，佢突然間講：「我想要........」

大獲，呢到又唔係 CEO，無獨立廁所，K 房好應景，播緊 Eason 既人來人往..真係夠晒應景。

「係呢到？唔好掛........」好明顯，C 不足以令我有衝動將佢就地正法，有一刻我懷疑我係基。

「不如，我地去爆房。」C 咬住下唇，低頭，有些許面紅。

DGS 丫拿，DGS 丫拿.............

七不思議食女事件 Vol.2

是咁的，估唔到聲稱 A0、D_S 畢業、會考 30 分既 C，竟然會主動話去爆房，我呢一刻，好似哥倫布發現新大陸咁樣，內心充滿住詫異。

「咦，乜你唔係 A0 既咩？」我一邊把玩佢高聳既兩峰，一邊問，話一出口，就已經後悔了。

「Why are you asking stupid question like this..It’s none of your business」C 一聲嬌嗔，作勢推開我，好似我問左 D 唔應該問既問題咁。

而家諗番起，其實 C 又好有道理，有得屌就屌啦，問，正如你去爆房唔會關心間房上手有乜水住過一樣，當年真係年少無知。

「咁我地行啦。」呢一刻，我覺得自己係一個唔計較既浪子，好撚瀟灑。

事已至此，我都唔深究 A0 唔 A0 既問題，反正過去的就讓它過去，曾經畢竟只是曾經，佢想係 O Camp 保持形象，呢 1 點我係明白既。

我喚來 Neway 小二，埋左單，就離開寶勒巷 Neway，沿金馬倫道去我既主場百佳酒店。去爆房，最緊要就係對收錢既阿姐禮貌 D，做人唔好太計較，留番十零蚊俾阿姐做 Tips，咁樣即使夠鐘，佢都唔會點催鐘。

一開閘既時候，我就主動出擊，同佢黎個濕吻，再順手除左佢件牛仔褸，令佢露出香肩。我一野咀落去，我服侍佢既同時佢都開始幫我除衫，不住玩弄我 6 舊腹肌，相信佢都出晒水。

「You are sooooo Hot」佢一手撥弄佢既女神頭，一邊讚頌我一米八，六舊腹肌既 Body。

事情又點會咁順利？如果一個普通咸故，大家大可去香討引人入性版到睇飽佢。

當我除左佢白色短裙仔同，紫色 T Back 既時候，佢反客為主，搶番控球權，將我一抱入懷，再將我 gel 左好耐既頭一野按落去佢小妹妹哥到 --- 意圖好明顯，想我幫佢奶西。

受港大西方先進教育既我，主張男女生來平等，當然唔太介意。我一探頭，見到佢下面係剃得精光，心裡大震。

「好少香港女仔會剃毛架喎。」

「It looks clean…唔係咩？Come on…」C 笑淫淫望住我。

我一個鯉魚反身，先見到佢兩塊葉門黑如牛肺，已經心知不妙。

為左保持我紳士風度，我讚頌佢咁講：「大大塊，幾得意丫。」

「奶啦。」佢竟然流露出命令既口吻。我聽佢話，張開佢兩塊葉門，一陣死魚味隨風而來，用四個字總結，就係好撚柒臭。

我閉住氣，本住敬業與樂業既精神，終於奶完，到我叫番佢含我巨龍既時候，佢竟然話：「我無試過架…It’s so dirty… I don’t wanna do that..Please...」

一聽到佢 D_S 式中英夾雜已經好煩，仲要唔肯含，我即刻忍唔住，好似伊波拉病毒既黃秋生一樣，講到左句：「恰鳩我！」(http://www.youtube.com/watch?v=N-ZW1XHsOPk)

C 呆左一呆，勉為其難同我吹左兩下，感覺非常行貨。我好嬲，將佢反轉個身，背隻向天。

「You want doggie? No way……」

C 好似母狗一樣，俾我起勢從後係咁抽插，我實在分唔到自己係一隻狗，佢係一隻狗，定係根本大家都係狗。

「It’s so deep……oh my God…….Please……」

C 非常享受，而我呢個自卑既 Band3 公屋仔，有得砌 DGS妹，亦都非常興奮。

「DGS丫拿，DGS丫拿，死臭西。」我一路鬧，一路屌。

「你鬧我啦，你鬧我啦」估唔到受高等教育既 DGS妹，竟然對呢套非常受落，而 c 呢一刻都放棄左扮 abc 講英文，露出佢係香港人講廣東話既本性。

就係咁，我無換過姿勢，一路鬧，一路砌，砌左大約十五分鐘，雖然佢下面有 D 鬆，但係我終於忍唔住派彩，係最危險既時候拔出黎，一撚塞落去佢口入面，封磅完畢，派彩作實。

就係咁，C 就糊里糊塗做左我大學砌既第一條女，亦都係我人生第一條讀過名校既女。佢亦都令我體會到，名校女上到床亦都同 MK 妹一樣，都有機會係臭西，有咩咁巴閉 JE？

我同佢既情欲關係維持左一個 SEM，就嫌佢始終唔肯吹同埋太鬆飛左佢。好彩既係，大家從來都無表明過男女朋友關係，唉，咪住阻大家搵食丫麻。之後，有時係 Campus 撞到，又要扮唔識，但係諗番起佢個淫樣，真係扯晒旗。

我第二條女，就係 SEM2 Late Come 左某某間 Hall 之中，入面說起………..

七不思議食女事件 Vol. 3

我同組媽 C 既感情，隨住 Year1Sem1 完 sem 後，亦都告一段落，除左時不時打下友誼波之外，我地既生命再無任何交集，都令人幾唏噓。Sem1 既時候，申請唔到宿舍，我係直到 SEM2 既開頭，先被某間男女混合宿舍收到，至於邊間 Hall，就唔講喇，免得俾人起底。

仲記得當日，我第一日搬去宿舍，我阿媽由屋企送到我樓下巴士站，睇住我拖住行李，一個轉身，上左巴士，哥種依依不捨既精神，我望住媽媽既背影，就同自己講，我唔要白繳宿費，要努力讀書，同埋溝女多幾條，慳番 d 爆房錢。

我拉住一袋二袋，終於黎到宿舍，竟然俾我第一眼就 hall lobby 見到佢 – 雖然佢戴住眼鏡，但係佢既美態依然令我十分著迷，白雪雪既皮膚，係寒冬之下面紅紅，肌膚吹彈得破一樣，長直黑頭髮，又有一種原始既美；而佢既漲卜卜身材 o 係 Hall 既頹 Tee 同 Zipup 之下呼之欲出，我都唔係幾好意思望。

四眼妹見我拎住一袋二袋，係 Lift 入面，佢對我微笑，然後問我：「咦，你新黎架？你住幾多樓呀？我幫你禁 Lift 丫。」

「嗯…..我住 X 樓架，唔該你」向來活係脂粉堆中既我，對於佢既熱情，竟然有些許忸怩。

「你咩名呀，我叫 Elaine。」

「我叫 Marvin，Freshman，今日先搬入黎咋。」受西化教育既我，自然反應地伸出左右手同佢握手。

Elaine 竟然一時間唔識反應，我隻手懸係半空，成件事好尷尬。

呢個時候，Lift 門已經打開，我亦都到埗，同 Elaine 講 byebye 後，就返左去執房。

之後哥一個星期，我就投入左忙碌既 Hall Life，自始之後我都無見過 Elaine，但係我對佢既美貌，始終念念不忙。直到有一日，我又搭 Lift 撞到佢，今次，佢著得靚過上次好多，一件白色針織過頭冷衫，顯得佢好更加 Pure 同 True。

佢一次見到我，就拉住我既右手，同我握手：「上次我好蠢唔識反應，sorry 呀。」

講完之後，佢對我流露天真既笑容。呢個突如其來既身體接觸，令我覺得，呢條女…..

有 d 姣。

「我去食野呀，不如一齊丫。」就係咁樣，我就認識左 Elaine 呢個女仔。

言談間，原來佢都係 Asso 升上 HKU，讀 Social Science Major Politics，佢同我一樣，係 Latecome，無過Ocamp，亦都好唔鐘意 d 大仙既所作所為，同埋被逼去睇波，所以我會約埋佢一齊去摺 Lib，被免留係 Hall被 d 大仙「的」去睇波。我地既感情，亦都越黎越好。佢 o 係 text 到，都不停以「Marvin BB」咁稱呼我。

記得有一次，Interhall Final，差唔多成間 Hall d 人都落左去 Stanley Ho 睇波，我擺出空城計，打開房門，但係躲 o 係房既一邊輕鬆讀書，一眾大仙竟然唔覺我既存在，呢一刻我覺得自己係諸葛亮。

佢地臨行之前，我仲聽到大仙佢地講：「呢個 Marvin 正撚樣黎，摺撚到丫，成日同 x 樓哥個 Elaine 一齊，正仆街仔真識食，個 Elaine 副偈真係無撚得頂…..」

我忍住笑，一路溫書，完全當佢地透明。Interhall 關我撚事？

呢個時候，電話突然有 Message，我拎起一睇，原來係 Elaine：「Hey Marvin where are you now? So bored everyone is out for interhall… why don’t we study tgt?」

我心諗，唔撚係掛，後現代女性既開放程度，真係唔係我呢 D 凡夫俗子可以意會到。

唔夠五分鐘，四眼妹 Elaine 著住短褲，露出二十歲女性特有既白滑大腿，上左黎我房一齊溫書。

講真，佢係到我真係無乜心機溫書，外表陽光，內裡毒撚既我，就拎住 Notebook o 係房上高登，一邊同 Elaine調笑，一邊望下佢條大脾。

最不可思議既係，講下講下，佢竟然一個反身，擒住左我，騎上我大脾，一齊上高登。受西方教育既我，知道呢個係出於禮貌既表現，我都唔顯得抗拒。

呢個當口咁我都唔客氣，一手攬住佢纖腰。

「Marvin 你知唔知，其實人地好鐘意你……」Elaine 真係人如其名，十分易拎。

話畢，佢就拎轉身騎我，我地四目交投，佢竟然一野咀左落黎…….

七不思議食女事件 Vol.4

上回講到，Hallmate Elaine 襯大家出晒去睇 Interhall，偷偷地上左我房一齊溫書，仲一野就擒住左小弟，當我馬一樣，騎左上黎，一野轟落去。

好老實，究竟我當時係咪真係愛上呢個女仔，我無從稽考，畢竟我識左易拎既日子唔係太長，共同經歷又唔係太多，再加上我係一個浪子，要令我確實咁愛上一個人，其實係一件十分困難既事。

但係，係呢個寒冬既宿舍，孤男寡女，有一位白滑大脾既女仔主動迎合，坐係我陽具之下，膝蓋之上，身為一個血氣方剛既大學生，對住我究竟係咪愛唔愛佢，根本無關痛癢。

我純熟地以一個 French Kiss 回應易拎，易拎亦顯得十分受落，雙手緊緊擁抱我雄渾既背肌。我渾然不覺，只係覺得易拎好暖，我既身軀都越黎越熱。

咀下咀下，我一野拉低佢既 ZIPUP，一對奶浮左係我面前。易拎呼吸十分急促，對奶亦都隨住佢呼叫既節奏不斷晃動。

易拎竟然採取主動，一手摸住我既要害，褪下左我條褲，上下搖動，竟然同我打起飛機上黎。

「你渣賓周好似渣波棍咁既手勢，咁樣一世都唔會搞得掂架喎。」

「咁點算？」佢對住我，笑吟吟。

「幫我用口啦。」

「其實我無試過…….」Elaine 面泛紅暈，低下頭淨係望住我既波棍，反而唔敢望住我。

「唔撚係掛….？你見過JER未？」我波棍都俾佢睇埋，係呢個時候都十分單刀直入。

「無呀，有次同個 frd 去 clubbing，佢飲醉酒，我唔小心睇到佢柯尿，算唔算丫？」Elaine 笑了，笑得很媚。

我晴天靂霹，原來 Elaine 竟然係一個處女，條JER忽然半軟。

出黎得玩，所謂盜亦有道，有一 d 準則一定要恪守。

Rule Number One：永遠唔食處女。身為一個浪子，梗係唔想有個女人記你一世。

我唔想佢第時同個孫講：「想當年我住 hall，俾個一米八、六舊腹肌既 Hallmate 拎左我第一次，阿孫溝仔唔好貪靚仔呀…」

所以，我唔等 Elaine 既同意，突然企左起身，佢係半跪既 Elaine 面前，儼然有君王既氣勢，將波棍擺左係佢面前。

Elaine 十分易話為，一口就擔住左棍仔。唔知過左幾耐，我終於忍唔住，捉實佢個頭，又派左彩；起初佢仲唔知咩事，至到佢成口都係既時候，佢係咁用手打我個身。

「正衰人黎架，射又唔講聲。」說時遲，那時快，佢竟然想一野咀落黎。

我好似 Matrix 入面既 Neo 一樣，向後一個彎腰，避開佢既吻。事隔多年之後，實感自己錯之極矣。云云食過既女入面，有幾多係處？有幾多無俾人口爆過？點解自己又狗衝佢地？又唔介意人地俾幾多條仔口爆過幾多次，反而介意自己既體液？所以話君子遠庖廚，都無不道理。

Elaine 非常惱怒，望住我，唔出聲。我一手摟住佢，再同佢講：「君子遠庖廚啊…」

「你 up 乜鳩呀？」佢竟然嬲到要講粗口，然後著番衫就走，我淨低既，只有一堆用過既紙巾。

係呢次之後，Elaine 再無搵過我，無論我點 text 佢，佢都唔應機，可能因為我拒絕左佢既吻既緣故，亦都令我長知識，自始我無論點樣射完條女，都會咀番佢。

午夜夢迥既時候，Elaine 有時會係夢中走出黎，我總會好似經典片畢業生最尾搶新娘一幕咁樣鳩叫：「ELAINE! ELAINE! ELAINE…」

自從哥次之後，加上我係 HALL 係一隻潛艇，我都無撞過佢，最尾好似佢同隔離 HALL o 既男仔出左 pool，

而家仲係埋一齊緊，聽講過多兩年就結婚，我 stalk 佢 facebook d 相，見佢生活美滿，都暗暗祝君安好。


就咁樣，我係大學第二個糊里糊塗既故事就完左。

(未完待續)

七不思議食女事件 Vol.5

上回講到，我同易拎散左。之後就戇鳩鳩，去到 Year1 暑假。

暑假無事可記，由於我係一個異數既港大窮撚，所以當我 d 中產同學仔 o 係暑假去左歐洲，忙於影一 d 用兩隻手字夾住巴黎鐵塔或者比隡斜塔之類既相既時候，我花左我成個暑假既青春 o 係補習搵錢，完全無機會識女。

時間要返番去 Year2Sem1。因為 quit 左 hall 既緣故，放左學又唔想即刻番屋企，多數既情況我都會係 o 係Main Library 溫書 ---- 或者「目及」女，其實都係一線之差。

去 Main Lib 3/f 溫書，就好似落左一間無音樂既 Bar 一樣，係男少女多既 HKU，以我一米八既 AnF Model 身型，同芸芸眾 HKU 男生相比，我就好似長板橋既張飛一樣，要 Yo 女，就簡直無異於探囊取物，結識囡囡於彈指之間。唯一問題，好似莎翁話齋，只係 To be or not to be。

呢一日，我如常獨自 o 係 Main Library 三樓溫書。

去開三樓，大家都明白，通常哥到會有一眾來自泡菜國既同學，細聲講大聲笑，自成一國。HKU 近年韓妹越黎越多，我諗負責收生既哥位仁兄，一定好鐘意聽 Kpop。

而有一個女仔，我差唔多日日去都會見到呢個泡菜妹，佢雖然唔係咩天姿國色，皮膚只屬次檔，但係勝在身材高挑，如果無整過容的話，唔計皮膚呢個因素，都算得上係半個氣質美女。

女分三種，一種係用黎溝，一種係用黎砌，一種係不可食用，直接拎去化肥、填海或堆填，我諗呢個泡菜妹都係算係第一種。

我呢個浪子，可能係寂寞得太耐，對 C 同易拎都無投放過咩真感情，一心只係想出野，我對住呢個差唔多隔日就撞到既泡菜妹

---------------------竟然，>><<1，好似動左真情。

每一次見到佢，我都會由一個浪子，變成一個小毒撚，個心仔好似 Kpop 2NE1 隻《I am the best》咁怦怦跳，係咁 repeat 個副歌：

---- Bam Ratatata Tatatatata
Bam Ratatata Tatatatata
Bam Ratatata Tatatatata
Bam Ratatata Tatatatata
Oh my god!

今日已經係我連續第四個禮拜見到呢個泡菜妹。每一次見到佢，佢都會望住我，我都會望住佢，然後扮睇唔到對方。奇怪既係，每次佢都係自己一個坐，好專心咁係到溫書。我毒到會 Mark 低佢黎溫書既時間，同佢扮偶遇。係呢個月間，都有囡囡同我示好，但係我跟本無心應酬佢地。

正當我唔係太專心，聽住 Kpop，係到揭 Readings 既時候，長腿泡菜妹竟然行埋黎我身邊，用濃濃韓式口音既英文同我講野：「Would you mind taking care of my stuff? I wanna go to Starbucks for a while.」

我呆撚左，原本已然唔係好流利既英文，更加講到 1999，感覺好似好野係喉嚨唔上唔落咁，好似淨係講左句：「Oh yea Oh yea Oh yea…..」

屌，拍四仔咩，>><<1。

泡菜妹掩撚住面笑住咁走，好快佢就拎左杯 Starbucks 上黎，無俾門口實 Q 捉到。

我平伏左我心情，開始用有限既英文同佢講野，原來佢叫做允雅，係 Exchange，讀 BEA，黎一個 SEM exchange，十二月廿五號就會返番去泡菜國。

「即係仲有兩個月唔夠，屌。」我心諗，盤算淨低既日子，睇黎要速戰速決。

「點解你會黎香港讀書既？」我開始嘗試去了解佢。 (為免麻煩，我同佢既對話已經翻譯左做英文)

「因為我好鍾意 80s 90s 港產片，之前都無黎過香港，我最鍾意之前張國榮、周潤發既戲；我都好鐘意黎明做既戲，因為佢好靚仔、好浪漫。」

允雅一面天真咁樣答我，「係呢？近年香港有咩好戲睇？」

我忍住痛，用我 o 係港大上過政治堂既知識，向佢解釋咩係 1997 回歸，同香港向大陸靠邊，所以港產片已經買少見少，有既都係拍比大陸佬睇既片。

跟住我將劉德華哥套唔知咩春宮圖，戲入面荒謬既情節同佢講左一次，佢顯得非常失望，嘟晒咀。

番邦女子，果然係性情中人。

我同佢講呀講，快活不知時日過，天都黑埋。走既時候，我竟然老貓燒鬚，犯左溝女既大忌。……..

七不思議食女事件 Vol.6

話說上回講到，對住韓妹允雅，我竟然老貓燒鬚，犯左溝女既大忌。

「我行呢邊喇，遲 d 見啦。」月色之下，允雅笑得特別甜。

行到去港大西閘，為左保持我瀟灑既形象，我撥一撥頭髮，同佢講左聲 byebye，就向左走行落去水街諗住搭車番屋企，因為溝女大忌，就係俾你知道你對佢有意思。

允雅突然間眉頭一戚，好似有 d 心事，然後佢向右走，慢慢行去 55 號去中環既小巴站到。

唔係高登 filter，而係真係向左走向右走。

「大撚獲。」我下意識摸一摸口袋既 IPHONE，先發現我成件事錯晒。

我撚唔記得左問佢拎聯絡方法。

我行番上般咸道，先發覺，佢已經唔左去左邊。

我開頭都好老定，但係當我日復日 o 係 MainLib 3/F 無了期咁等，都撞唔到允雅既時候，一班細聲講大聲笑既韓仔只令我更燥底。

我日日都好似行屍走肉咁番學放學，由十月等到十一月，完全無心機溝女，情感上一片空白，我好似中左邪咁，對其他女睇唔上眼。

直到十一月某一日，我 o 係圖書館溫完書，自己一個 o 係 subway 排隊買 sub of the day。

獨來獨往既我，已經將 subway 既 sub of the day 邊日打邊日瞭如指掌。當我咬住半個 sub of the day 既時候，我竟然見到一個高挑既身影 – 允雅係我身前，著住高腰牛仔短褲咁樣行過。

我用比保特還要快既速度，故作鎮定，用最瀟灑既姿態，走到去佢既跟前，係大學書店門口同佢打左聲招呼。

我內心 o 係到咆哮：好耐無見，我其實好撚掛住你。
允雅見到我，都十分高興，就一野攬實左我。我 feel 到有野頂住，好舒服。

「你去左邊呀，咁耐唔見你既？」

「無，我屋企人過左身，所以番左去韓國差唔多一個月，而家都無咩事喇。」允雅撥一撥佢既頭髮，感覺有幾分唏噓。

允雅突然間拍一拍我賻頭，問我：「上次我見到你係幾時？」

「我已經唔記得喇，但係我永遠會記得你。」

允雅望住我，然後用韓文講左句唔知咩，係到笑。

我追問之下，佢都係依然唔答我。

呢次我醒目，即刻問左佢拎電話，之後我同佢既感情就一日千里，無所不談。我約親佢出街，佢都係鐘意睇港產片，我亦都教左佢好多廣東話，泡菜文呢，哥陣都 up 得幾句，但係而家差唔多全然忘卻。

我最記得，我地睇左郭富城既寒戰、陳偉霆既紮，同埋阿 sa 同伊健既我老公唔生性。雖然套套都好爛，我同允雅都睇得好開心。

問題係，身為一個浪子既我，對住真心喜歡既人，竟然完全表現唔到浪子既性格，而係盡力擺出斯文既一面 - 好聽就係斯文，難聽 d 呢，就係毒。食女好似食菜咁既我，竟然連佢隻手都唔敢拖。

好彩既係，允雅完全無介意，仲每餐同我 AA 制，呢 D 咁樣既高麗女子，去邊到搵。

但係問題係，拖到 12 月頭，我地都仲係友達以上、戀人未滿。有一日，佢 text 我，仲要係中文： 「許港生。今晚夜晚十一點，Main Building 荷花池見。」

我一頭霧水，邊撚個許港生？google 過之後，先知係電影玻璃之城既男主角，由黎明做，女主角係舒淇，講 Ricci 仔同何東妹既愛情故事，跟住，我即刻上網，將套戲由頭睇左一次。

好唔容易時間去到十一點，我身穿一件西裝褸，十分型棍。

等左約莫 5 分鐘，著住白色冷衫既允雅終於黎到。

「其實，我就番去韓國喇，你會唔會有野同我講,….」允雅採取主動。

我無語，望住荷塘月色，雙唇一野轟落去，呢個時候，我覺得自己係年輕既黎明。

大家打得火熱，允雅竟然話：「不如，你黎我 mini 今晚過夜丫….？」

我順理成章咁，上左去佢間 hall，一齊上網睇舊戲。睇既係黎明既甜蜜蜜。跟住睇睇下，我地做左愛做的事。

細節我真係唔想講，因為佢係我 o 係大學入面唯一真係鐘意過既女仔，大家可以著番條褲，只可以講，佢比我任何上過既女，都仲要正。

時間過得好快，好快就到左平安夜，我又係佢屋企過左夜，我手整左個相架俾佢，入面整滿左我地一齊一個月既相，睇過既戲飛同埋縮細左既電影海報，成晚我地淨係攬住傾計，竟然無同佢搞野。

第二朝，我送佢去機場搭飛機返泡菜國，一見到個閘口，佢已經喊到雙眼通紅。去到閘口，我同佢攬攬，佢拎住個相架，唔捨得拎轉頭行。

我強作鎮定，目送佢一袋二袋，高瘦既背影，直至佢 o 係我眼中消失。

呢個唔係單純允雅既離去，我更加覺得，呢個係葬送我青春既墓誌銘。

你問我講點解我鐘意佢？身為一個長唔大既浪子，我可能就係天生傾倒於呢 d 無結果既愛情，就好似玻璃之城咁。

因為早熟既我知道，我根本無可能同一個女仔 long D。開頭哥一頭半個月，我地仲日日 whatsapp，但係之後佢唔應機，我諗佢已經看清我地無結果，或者係已經有左第二個。

但係無論點都好，再見到佢既時候，我都會同佢講：

「上一次見你係幾時？」

同埋，

「我會永遠記得你。」

就係咁，第三個不可思議食女故事懵懵懂懂咁就完左。

[未完待續]

七不思議食女事件 Vol. 7

話說上回講到，我同長腿泡菜妹允雅既故事，就 o 係由佢返去泡菜國既一刻，好似世上一切美好既事物一樣，無疾而終。

我既生活，又回歸一片頹唐，有時係 Campus 浪蕩，見到其他泡菜妹、高腰牛仔褲、電影學會既 booth 抑或係文學院荷花池，我都會不自覺咁想起允雅。但係基於佢唔應機既關係，身為一個浪子，我都無謂挖爛塊面，畢竟勉強都係無幸福，過左去就係過左去。

不知幸或不幸。正所謂，舊既唔去，新既唔黎。貨如輪轉既我，好快又有新貨到。

第四個女孩既故事開首，是咁的，發生係我做 Partime 既時候。

Year2Sem2 既某日，我如常獨自一個坐係 Runrun Shaw 門口食「濕 of the day」既時候，有一個廿零歲、大大隻、著格仔恤衫、牛仔褲同拖鞋既白人鬼佬，同一個同樣都係廿零歲，穿著低胸白色背心，緊身藍色牛仔褲，腳踏一對拖鞋既偽ＡＢＣ向我搭訕。

「Hey, we love your look. We are the recruiter of __________. Have you ever heard of it？」鬼佬首先開聲。

原來係呢間賣衫，但係用大隻裸男做生招牌既美帝公司。

當你俾一間以外貌為招聘標準既時裝公司睇中既時候，內心既虛榮感，喊晒出黎。而家回望過去，先知係幾咁幼稚既一回事。

我對住佢微笑，講：「Of course.」

「We are recruiting bright people like YOU. Would you be interested in working with us?」索女 ABC Recruiter 跟手俾左張卡片我，叫我去面試，我當然無耍手擰頭。

我望一望張卡片，大大隻字寫住「Model Casting」，差 d 忍唔住笑左出黎，原來距離全民皆 Model，俱不遠矣。

我諗起哥到年輕貌美 Sale 屎妹妹，登時腎上腺素上升，已經唔理人工有幾錢，過幾日就狗衝左去 interview。

「Casting」哥一日，身為港大生、一米八零同埋六舊腹肌既我，好輕易就突圍而出，獲聘為「Model」，其實即係 sale 屎。

老實講，一個鐘只有 40 蚊既鳩工，我既主要職責就係負責鳩企，同埋向 D 客鳩講 tagline：「Hey! What’s going on?」，同埋隨住店內強勁既音樂鳩 UN。

至於賣衫、摺衫呢 D 粗重功夫，係有另外一 Team 生得無咁靚，但係都見得人既人去做，而呢一堆人，就有個好好聽既名，叫做「Impact」，其實即係摺衫大隊長。至於你生得再醜 d，就會被安排做收鋪通宵摺衫，完全唔駛見客。

咁原始既分配職位方法，簡直係現代納粹優生學回魂版。諗出黎哥個一定係天才。

有趣既係，以溝女為人在目的既我，係公司竟然無咩溝女，主要因為 d「Model」以為自己真係 Model，十居其九都串柒柒。

要溝靚女，其實唔難。但係要溝 d 意識到自己生得靚，懂得利用自己本錢既女，其實一件好麻撚煩既事。

而岩岩同泡菜妹散左既我，根本無心情去溝呢 d 大枝野既囡囡。

如事者，我渾渾噩噩咁番左呢份工半個月。越返得多，個人就越頹。以前中學識落既朋友仔，同學少年都不賤，有 d 有 uncle 照顧，入左大 firm 做 intern；而我就戇鳩鳩，係到摺衫。

有時候，當我同 model 囡囡同事講我讀 HKU 既時候，原本因為見得靚仔太多而有點冷酷既佢地，都即時流露出驚嘆既眼神，然後講左句：「你好叻呀！」，跟住一手摟住我既手臂，請我食波餅。

除左一陣莫名興奮，我心中一片蒼涼，心諗，有幾撚叻丫，咪又係同你 IVE 妹一樣打 40 蚊個鐘工，真係有辱先賢。

打呢份工，除左企，就係企，所以讀者看倌可能意識到，呢個 vol 對白出現既次數，係極少。因為番工除左講「hey what’s going on？」之外，基本上唔駛講野。所以我負責企既時候，周不時都會掛住允雅，或者 C同易拎既淫亂畫面。呢個頹唐既狀況，直到三月既某一日，佢既出現，先帶黎改變……….

(未完待續)

七不思議食女事件 Vol. 8

上回講到，我堂堂港大生去左港女最愛、大隻仔賣衫鋪，負責企。

做「model」，雖然人工好低，但係食女先係哥到既Fringe benefit。皇天不負有心人，係呢個潮濕既初春，我呢位女同事闖進左我既生命，令我大學生涯既記憶，更加比春天更加潮濕。

呢一日我如常返工，就俾我遇到佢。佢烏黑長直髮剛剛去到佢微翹既屎忽，更加令佢既曲線凸出，再加上佢白色短連身裙，露出兩條蜜色大脾，雖然佢唔係高挑，目測只有一米六，但係用八個字去形容，就係「笑容甜美、屎忽好砌」。

常言道一白遮三醜，女仔人家曬到黑，其實好大機會會好似一個賓妹。黑妹靚女，瓜子臉、高鼻樑，更加係難得。

我留意左佢好耐，奈何都未有機會同佢打開話題，我只有好似小毒男一樣，偷偷望下佢既蜜滑長腿。突然間，有一位平頭裝強國大叔向佢走近，指手劃腳，指住一件個牌子名大大隻字寫o係心口既Zipup，唔知講緊乜，嘈到過鋪頭入面既音樂。蜜色美女面有難色，竟然向企係遠處既我打起眼色，向我求救。

「先生，有什麼可以幫你？」我用唔係太標準既強國話問。

「我要這一件衣服，有沒有新的？你的女同事說沒有，他媽的問都不問、查都不查就說沒有，這是什麼態度。」強國客扮起大款，好似大爺一樣，差D未叫蜜色女跪低含撚贖罪。

蜜色女好委屈，楚楚可憐咁望住我。

「沒問題先生，我替你查一查。」我滿臉堆歡，拎住件Zipup，拉住蜜色囡囡轉身就行入倉。

因為鋪入面音樂強勁，一入到倉，蜜色女一野哄埋黎，o係我耳邊話：「耶，d大陸佬好煩呀，點算呀…..」蜜色囡囡好嗲，騷得入骨，一對大眼望實我，我聞住佢迷人香水味，手臂Feel到佢胸脯既微熱，真不知人間何世。

呢一刻，佢既雙唇距我耳邊只有兩三cm既距離。

我對住佢笑一笑，再將一口濃痰吐落Zipup既口袋，用紙巾抹乾，放落地踩兩腳，然後將件衫摺靚，入番膠袋，再拎番出黎俾強國客。

「先生，這是新的，都是最後一件了！」

O係鋪頭陰暗既燈光，強國客不知中伏，好似執到寶一樣，狗衝去排隊俾錢。

蜜色囡囡對我報以狡猾既微笑，個樣好曳。就係咁，我就識左呢條蜜色囡囡。

(未完待續)

七不思議食女事件 Vol. 9

鏡頭一轉，蜜色女已經依偎住我，在Beijing既吧台側面，飲多兩杯，同我攬攬起上黎。身為一個浪子，我好細個就知道，感情既野，決唔係可以相識長短黎量度。

「你成日同其他男仔都係咁，識左一陣就落club？」

「唔係，通常調番轉，我o係Club先識佢地，再一齊跳架。」蜜色女笑得極媚，o係燈光忽明忽暗既Beijing入面， 一對眼變得特別細長好看，柔情無限。

受港大文學院西方教育既我，當然知道年輕人落Club消遣，甚為等閒。我認識既好多朋友，佢地雖然讀番書，追趕西方潮流，一身Hollister或AnF，但係大腦仲保留緊薙髮、蓄鞭或者紮腳既小農思想，將落club既男女統統視為狗公蕩婦，想將佢地一野掉撚晒去浸豬籠。

相反，我就好似一個超現實主義者，聽到某君自稱係黎自未來，覺得呢樣係一件極平常既事，根本無咩好值得驚訝。

再加上，明明兩三個鐘之前，我仲賣緊衫，戇鳩鳩係到企，諗緊今晚番屋企究竟打唔打J，但係而家我手上，無啦啦多左條識左唔夠六個鐘既豪放索女同事，世謂超現實，莫過於此。

我攬住蜜色女，思考緊人生、Surrealism同落club既關係哥陣，蜜色女梨窩淺笑，突然間一頭哄埋我耳邊，半邊蜜糖酥胸壓落我胸肌，問我：「你唔會覺得我好曳咩？」

「再曳既我都試過。」o係蜜色女香氣催使下，名校組媽C、Hallmate易拎、韓妹允雅既纏綿畫面，係我腦中掠過，使得我既銀索金鈴充滿血，變左玄鐵重劍，準備出鞘。

蜜色女不知自己在砧板之上，反而仲好似無骨一樣，挨o係我身上。我同自己講，我今晚一定要有著落，玄鐵重劍出鞘，不見血決不回鞘。

「咁你曳唔(？)……..(？)…………..」

「Tonight’s gonna be a good night,
And tonight’s gonna be a good good night……..」

Beijing音樂澎湃，我雖然我同蜜色女近在咫尺，但係我完全聽唔到佢講咩。

蜜色女向長毛Bartender揮手示意，叫左幾Shot唔知咩酒。一Shot。兩Shot。三Shot。四Shot。佢非常豪氣，拎起信用卡，已經自己俾晒錢，原來係要答謝我岩岩幫左佢整鬼個大陸佬。

酒量甚淺既我，隊左一兩Shot，已經唔係太頂得住，令到舞池同Bar台既短短幾步路，好似幾個世紀一樣咁遠。

行到去舞池，我攬得蜜色女自然更加緊。蜜色女非常受落，登時同我四目交投，可能係飲左些許酒既關係，佢既眼神亦有d散亂。

我借醉，o係佢耳邊，唔知係真心定假話，同佢講：「其實，如果可以，不如你做我女朋友」，我唔理佢答唔答，對準蜜色女豐滿既雙唇，

一‧野‧轟‧落‧去

「I want you tonight
I want you to stay
I want you tonight
Grab somebody
Sexy tell 'em hey
Give me everything tonight
Give me everything tonight
Give me everything tonight
Give me everything tonight…」

Billion播住Pitbull既Give me everything，我就隨住音樂，一路轟落去，唔由得佢反抗。

起初，佢都有零點三秒既猶豫，後腦微微後傾，但係意亂情迷，加上音樂同酒精既緣故，佢由半分抗拒，蛻變成十分迎合。我拉佢係舞池既一角，越咀，隻手亦越唔規矩，起初隔住衫摸佢Cup手既雙峰，然後逐漸伸手入去佢既衫入面。我越摸，佢呼吸越急促，有幾次，佢o係我耳邊忍唔住「丫丫聲」叫左出黎；我亦都感覺到我玄鐵重劍既呼喚，我就知道，咁樣久攻不下唔係辦法。奇怪既係，我竟然有左心動既感覺。

可能我屌緊既，唔係原始肉體，係感情。

正當認真思量，我究竟會唔會天真及傻，對呢個識左唔夠6個鐘既女仔產生感情之際，蜜色女掙開我，拎起電話起勢咁掃，面有難色，講左句：「夜喇，我媽咪急call，係時候屋企喇。」

佢竟然真係轉身就走，然後猛回頭，反客為主一野轟落黎，攬實我，舌尖送上佢食緊既半粒檸檬味糖。

跟住佢拎起手機，o係notes打左句，「This is our sweetest goodbye, I will see you soon Marvin.」言下之意，竟然無意交換聯絡方法，拍下屎忽就走。

我既甜、又失望。

屌，咁點呀？我自己番去打飛機呀？除左呢樣，情感上，我唔容許呢個岩岩進上我生命既女仔無端退場。

我好嬲，好似《火鳳燎原》既張遼一樣，大大聲同蜜色女講：「從來無人可以越過我既劍圍！」(註一：http://www.>><</blog/xk4nk4zo4j4/3670202)

跟住，我地就拖住手，離開左Beijing。

「司機唔該，華富村。」我同蜜色女同事，就係咁，o係威靈頓街上左一架去華富村既的士，超現實地消失於午夜的中環。