第一次出文, ....講下自己經歷...寫得唔好, 多多包 含
我好錫我GF, 我地一齊有三年多, 但一直都好好感情. 我一人住九龍某區, 佢屋企係元朗, 係九龍一間醫院做, 有時返夜班, 所以之後基本就住我度, 半同居狀態. 或者就因為佢有時返夜, 我地一直都keep住一種新鮮感, 雖然三年, 依然"愛得好sweet" - 呢句係佢細妹講嘅.
講到佢細妹, 佢啱先畢業出嚟做佐一年度. 同佢家姐一樣咁, 有前有後, 絕對係會引到你望多幾眼嘅女仔, 但條腰比我GF更纖巧, 係我眼中係可愛小巧型小女生, 愛自由, 任性, 又敏感, 性格好兩面, 有時好女仔(女仔, 唔係女人), 有時又成個男仔頭咁性格...但有時為喜歡嘅人委屈自己都唔計較我就時時"鬧"佢冇太傻, 俾人呃. 佢就話我都一樣咁傻, 已俾佢家姐呃佐(佢曾經無意中, 向我爆佐佢家姐D秘密, 當然, 我keep住個秘密, 一樣咁愛住我GF....詳細之後再講).
其實我啱啱識我GF時, 有時都同佢細妹一齊出嚟食嘢, 佢開始對我都冷冷淡淡咁, 佢嗰時有條仔, 拍佐年幾, 聽佢家姐講, 佢條仔又唔上進, 或者突然失蹤, 時時揾D理由呃佢...搞到佢好提心佢細妹. 我當時諗, 難怪我對咁冷淡, 佢當時講嘢總係串天下男人一樣烏鴉. 雖則咁樣, 但因為識佐出家姐之後, 時時車佢家姐出入去玩, 順便又車埋佢細妹或者佢地屋企人, 所以會有一兩句. 雖然佢依然都好懷疑我係唔係一樣咁烏鴉.
直到有一晚之後.....
個晚成半夜12點幾, 窗外大暴雨, 我正準備訓覺, 大雨天, 訓覺最正. 女友突然係醫院打電話俾我, 話佢細妹同朋友係某酒吧度飲到醉佐, 要我幫手接佢送佢返屋企. 我話, 而家咁大雨, 真要送返元朗? 唔可以去佢D朋友屋企咩? 我女友話唔得, 佢已問過, 佢D朋友同家人住, 而且女友又話佢唔知個D朋友係咩人, 唔放心. 佢又話佢細妹可能係咁日分手, 先搞到醉成咁. 咁好啦, 女友叫到, 我就出去啦, 而且嗰個係未來姨仔, 又一個女仔咁係酒吧, 萬一出事....正邊諗, 邊出到門口, 準備去取車, 女友又嚟電話, 話唔好送佢返元朗, 怕半夜三更, 佢阿媽最憎人飲醉酒(佢老豆曾經酒鬼, 身體出事而家戒佐), 一定鬧死, 又咁大嘅雨, 佢都擔心我揸車. 要我接佢細妹返我屋企(其實我屋企離酒吧只得兩條街).
接返屋企? 我打一個突. 我再問一次我GF, 佢話係呀, 快D去啦, 好好睇住細妹呀. 我開玩笑咁話, 如果佢嘔到成屋污糟哂咁點呀. 女友話, 死老! 我得一個妹渣! 我幫你洗呀.
唔使夜媽媽入元朗, 我真係感激女友. 哈哈, 我急忙撐把大傘出門......
sorry...lunch...再續....
[
本帖最後由 kkeyy 於 2011-8-3 08:27 PM 編輯 ]
