[原創] 你是我的唯一 (Part 3 – 撫慰)
我回一回氣, 接左佢個電話~
我: 喂~ 做咩呀, 你唔係同條女睇戲咩
電話既另一邊, 傳來憤怒既呼吸聲
T: 又炒大鑊啦~ 次次都就佢! 我頂唔順啦!
我: 唉… 又係咁, 你識佢咁耐, 都預左架啦
T: 我頭先同佢講左分手, 佢走左去!
我: 咁你而家係邊丫
T: 我返緊屋企…! 好慶! 想搵人陪我飲酒!
我: 玩借酒消愁呀?! 傻架?! 洗唔洗呀! (佢係一個好易醉既人, 平時出去應酬飲酒, 佢2-3杯紅酒就會醉)
T: 我係要醉呀! 吹呀?!
我真係驚佢醉左會亂咁黎唔知做D乜, 於是我就話上佢屋企陪佢飲…
去到佢屋企按鐘, 一開門, 見到T塊面已經好紅。
我: 喂, 你飲左幾多呀? 唔洗呀?! 一條女0者~
T間屋都算大, 佢屋企都叫有個錢, 佢呀爸買左層樓比T自己住, 個客廳有張梳化, 梳化前有張茶几, 佢坐左係地下, 茶几上面有一打喜力, 有2罐已經飲左, 佢飲緊第三罐…
T: 2罐0者, 未死得, 我仲好清醒喎! 係FRIEND 就陪我飲啦!
我: 搞咩呀你, 今次又炒咩?
T: 條八婆… 少少唔鍾意就黑面, 又唔講清楚, 食餐飯黑住面咁, 勁冇癮, 鑊鑊都係咁!
我: 車, 你唔頂都頂左咁耐啦~ 你唔係話想同佢結婚既咩?
T: 拍左咁耐拖都唔肯比我, 咩新鮮蘿蔔皮! 我有樓有車又靚仔! 我又唔信我搵唔到第二件!
我: 咁又係呀…. 我成日都話如果你要揀, 大把選擇架啦~
T: 唉~ 佢唔肯比我, 但我真係好想要… 都成25歲仔啦…. 都仲未開齋…
係呢個時候, 其實我真係好想同佢講: 其實我想將我第一次比你, 想左好耐架啦…, 但講到咀邊, 又吞返落去, 因為我驚比佢拒絕… 咁樣會好HURT…
講講下佢竟然喊左出黎… 我估唔到佢都會有軟弱既一面, 以前佢係我心目中既形象係溫文得黎好樂觀好陽光, 我從來都未見過佢喊… 我覺得好心痛, 忍唔住自己都喊埋出黎, 好唔想見到佢唔開心。於是我好大膽咁攬左佢一陣… 我完全唔避忌咁將我對38D胸壓落佢度, 果陣我只係一心想安慰佢, 我喊左一陣, 就坐返好個人… 佢望住我, 有少少呆滯…
我: 唉, 唔好講呢D啦, 不如我陪你打下機啦!
於是佢開左部PS2, 我地2個係度玩賽車, 我當然唔夠佢玩啦, 佢贏左2舖之後, 都開始冇咁醉, 我望一望個鐘, 都成十二點, 我真係怕我再留係度, 自己會忍唔住, 於是我起身話我要走啦~
點知佢講左一句我估都估唔到既說話…
T: 陪我傾多一陣啦, D酒都未飲完…
佢又開左罐啤酒自己係度隊… 我下意識覺得佢係特登唔想我走… 於是我又坐返低, 開左罐酒陪佢飲, 我地又傾下公司D野, 講下同事是非咁, 傾下傾下又飲左2罐, 佢又開始面紅同WING WING 地…. 我有少少急, 於是借左佢洗手間用, 當我小解完打開洗手間門果陣, 佢企左係門口, 望住我, 我眼神同佢一接觸, 我心跳得好快好快… 好似要跳出黎咁…
[ 本帖最後由 ~肥婆奶奶~ 於 2009-12-26 03:02 PM 編輯 ]