本來都冇諗住分享自己既故事 因為諗起要打好多字就已經放棄繼續做我既CDROM
不過最後都係忍唔住打出黎 當係一個回憶!
好啦 介紹一下自己先 既唔靚仔亦唔高大
基本上咩優點係我身上都搵唔到 只係唔煙唔酒唔蒲咁
所以我番學既年代係未拍過拖 亦都因為咁個陣時我仲未有我既第一次
之後讀完書我就去左做野 而呢個時候我就識到呢個SP
咁係邊度識佢既呢? 真係估都估唔到係係online game度識既
因為佢係外國住 所以冇約過佢出街 就算佢係hk我都唔敢約 所以只係見過幾次cam
但有一次佢同我講佢會番黎hk幾日探親戚 佢就問我出唔出黎見下
咁我見幾傾得埋就應承左佢啦 諗住識多一個朋友丫嘛
我地約左夜晚係銅鑼灣皇室堡對面間惠康等(唔係好記得個間係惠康定百佳,當住係惠康先)
基於兩個原因我入左去惠康行 一就係我早到左冇野做 二就係我既死穴=怕醜
我一直行一直等佢就一直打電話俾我佢黎緊 我就一直愈黎愈驚 因為真係好怕醜
最後等左一陣佢係電話話到左係出面等緊我 咁我就行出去之前係咁望出面:smile_53:
之後佢係電話入面話已經見到我
叫我快D出黎
咁我就諗 反正都出左黎 死就死啦
出到去 終於見到佢真人 同係CAM差唔多 不過肥左少少
同佢say左句hi 但同時間見到佢隔離有個好高既男仔(我諗有6呎):smile_39:
我就問: 你朋友呀?
佢話: 係呀 不過走架喇 佢陪我黎搵你咋嘛
我心諗(都好D 唔係諗住3人同行丫嘛)
之後個男仔走左之後 就淨番我同佢一路往sogo方向行
個陣時都差唔多11點幾
佢: 我地去邊好
我: 唔知呀 夜晚晚咩鋪頭都關哂啦
佢: 咁又係 不如去唱k嚕(我聽過佢唱歌都幾好聽)
我心諗(死火 我唔唱k架啵 算啦 去聽佢唱下歌囉)
因為佢租左間屋係香港仔 所以最後答應左佢就一齊去答巴士去啦
點知過左sogo條大馬路既時候 地下有隻曱甴經過
佢嚇到攬實我 個陣時我當然要扮唔驚咁保護佢啦
(雖然我最怕就係曱甴)
最後仲拖住佢行到去等巴士(呢個我係估唔到既)
但原來更加估唔到既野會發生係巴士上面
我仲以為自己既故事打幾行已經講完
但原來諗下諗下要打咁多字
所以都係休息下先 訓醒再打
:smile_35:
[
本帖最後由 Stereoloveeee 於 2012-2-15 09:30 PM 編輯 ]
