首先希望,女既唔好一見倒港女依個生字就發火,
男既又唔好一聽倒就踩多2腳香港既女仔 @_@
因為我都係想發表一下我個人既意見,同唔同意都希望大家冷靜咁討論...

點解會有港女依個生字呢? 點解又無台女,國女呢?
有時好多野,事出未必無因,老實講一句,
其實香港既女仔比較起國內/台灣既女仔,的確無咁女性化(當然唔係全部,但大部份都係一樣)
中國長久以來都係重男輕女, 所以響國內長大既女性,
都會比較女性化,因為從細個開始,好多家庭都係,
女既多數響屋企幫手,男既就可以出去玩,有錢都係比個仔讀書先,
而長大後,通常都係男既出去搵工養家,女既留響家中相夫教子,
一代傳一代, 都係多數男主外 女主內, 令佢地比較注重家庭,
所以國內既女性響依個環境同埋教育下長大,的確係比較溫純貼服 @_@

相對香港既女性, 受英國統治,又受左西方既文化教育,
由於環境比例豐裕, 所以屋企通常生仔又好女又好,
都比最好既食最好既住,咩都比最好自己既仔女,
所以又點捨得佢地辛苦,好多屋企都直頭請埋工人番尼,
直接d講,因為屋企太錫d仔女啦, 無論男又好女又好, 都一樣係中壞晒,
十個有八個都係 大小姐大小爺皮氣, 永遠覺得自己是對的,
預到有人話自己既不是就一定唔接受, 並唔係睇下自己有無問題加以改善,
反之會覺得對方都係一樣, 五十步笑一百步,
覺得對方唔好過自己就無資格批評~
其次係香港小學中學d風氣又唔好, 個個由小學中學開始,
就開始受身邊既同學朋友影響, 個個無大無細, 自以為是,
導致香港既女性變到咁巴辣 咁大皮氣 咁高驕,
當然男性亦有相對唔小既問題....

但我今次討論既係港女,男既問題留番下次有機會再講...
香港既男性成日講國內同台灣既女性比香港好,
又港女港女不離咀邊, 其實都係想香港既女性得到借鏡,
改善香港既女性比起國內/台灣差既一方面, 想香港既女性更完美,更好,
令其他國家d男仔見倒都"善霧", 老實講,大家都係香港人,點會唔想香港好丫
道理都係一樣, 只係好多時香港既男性, 將香港既女性相比於 台灣/國內既女性,
就會不禁感歎點解香港既女性唔夠附近其他地方既女性好~
當然有一批男性, 似著港女一詞加以中傷, 歪曲原意, 的確可惡 ...

最後既結論, 香港既女性們, 由於局勢影響,
你地真係要改善改善一下唷 ~!! 因為男性既擇偶條件對你地好不利,
大部分男搵女主要係依3樣(性格+樣貌+身材),其次先係知識/高度/識搵錢.....
因為男人根本唔多介意女既搵唔搵倒錢,主要係服待得周唔周到,
大部分香港既女性優點係(樣貌+知識+識搵錢)
大部分國內既女性優點係(性格+身材+樣貌)....
大部分台灣既女性優點係(樣貌+身材+知識+性格+識搵錢)
對於國內女性既樣貌,大家可能唔認同, 但諗清楚,
香港我計佢1000萬人,500萬係女性,
國內十幾億人,成七億有多 女性,點都有好多個樣係唔錯 @@
同埋樣好唔好主要又咪係汁出尼=.=
只係大部分國內女性唔係好似香港女性咁識打扮同埋保養....
但國內都慢慢豐裕起來了, 所以佢地都慢慢追緊上尼,
當然我以上所講都係一部份,並唔係全部,
因為我都識好多香港既女性係好溫柔仲好令好體貼,亦識倒d台灣女性係比較小姐皮氣
總之我希望有一日, 唔係周圍都研究緊港女,
係全世界都講緊香港既女性有幾咁好同埋有幾咁令 @_@

[ 本帖最後由 小小樓 於 2006-11-13 04:52 PM 編輯 ]