我刷牙加冷靜，前後都用左10分鐘，再出來，Lucy亦已倦極而睡，我簡單執拾好廳的雜物後，亦入房瞓覺。當我蓋好被後，就依稀聽到一些郁動的聲音，那應該是Lucy賴瞓，轉來轉去的聲音，平時她一晚亦轉好幾次，只係今晚她那麼快就熟睡了…. 而忽然………..



我: 哎呀，咩黎架? ( 我張開眼睛，原來面前飛來了一件衫，暖既?仲有褲添，搞什麼鬼，我張眼一望，係………. Lucy個衰妹既短衫同睡褲仔。 )

Lucy: Dragon，我好熱啊…….. ( 聽字面，我閃過一刻以為她不舒服的，但定眼一看，衰妹是在笑笑口的講…… 分明，玩野。 )



各位中秋節快樂~~~~



***************************************



我: 喂喂，咩野熱啊。

Lucy: 唔知係唔係唔舒服，又或太焗呢?好熱啊…………..

我: 妳………….. 玩野下嘛。 ( 我已…….. 被刺激中，而手拿著，那件尚有她體香和體溫的衫褲。 )

Lucy: 唔係，真係唔多舒服哩…… ( 那時我已有點熱血上湧。視覺上Lucy的秀髮半披面，那張簿簿的被僅能夠勉強遮著她玲瓏浮突的身體，被露出的肩膀，從被窩中伸出的小腿，是那麼的意態撩人。 )

我: 妳而家真係當我流架嘛…… ( 我已被完全啟動獸性機制，理智已跌到0.01。而Lucy看見少有主動的我行埋去，她出奇地有點點不知所措，那反而惹得我心裡在笑。 )

Lucy: 喂喂，你…..想點啊?

我: …….. ( 我仍在一步步行埋去。 )

Lucy: 喂，我玩下喳喎。 ( 我見她發現唔對路，因為我無出聲，她心怕玩大左。 )

我: 玩?而家邊個同妳玩先? ( 我露出狡猾既表情同語氣，只見Lucy此時拉起被來，縮在床上，而我，則站在床邊。 )

Lucy: 你唔記得我唔方便咩? ( Lucy露餡了，她講那些話，其實只是在刺激我，試探我，卻又深怕會成真……….. 現在嘛，又打退堂鼓來。 )

我: 一早估到啦，HAHA……….. ( 我掉了她的衫和褲在她面上，再隨即搞亂她的頭髮，再轉身就走回自己床上。 )

Lucy: 喂呀，亂晒啦人地個頭…… ( 她在不忿，不忿什麼?多的是呢….. )

我: 妳呀，遇著我喳，第2個男仔妳唔准咁呀。 ( 我回到在床上，輕度惡的訓話。 )

Lucy: 唓……. 我一早知你咩都唔會做啦~~~~

我: 呀…….. 激死我，瞓覺呀!! ( 我真係被佢搞到暈……. 而為左令自己定神，我做左樣白痴野，就係戴眼罩瞓……. 只不過，哎呀?又有野掉埋黎既?我打開眼罩一看，又係佢既衫褲…… )

Lucy: 我都仲係好熱…… 哼，我睇你忍得幾多晚，今晚就放過你，我而家瞓先。 ( 她轉身背住我瞓……….. )

我: 哼，我今次就唔俾返妳。 ( 我收起她的衫褲在我被內，我亦背住佢瞓，在裝睡起來，原本還想玩她的，點知……….. 等下又等，我………. 真係睡著了。直到第2天……. )



第2天早上，Lucy仍在睡，她的睡姿，真的引人犯罪，我知道她不是有心的，但…..基本上……. 我係佢有內衣褲既情況下，睇晒佢全相…….激死，我只好簡單幫她拉好被單，就行出廳去開電腦和梳洗，此時ICQ傳來聲音，是Tony，他終於出現了，閑話的招呼後，他說有緊要事，想直接打來找我，那當然沒問題啦。



我: 衰仔，搵你好難呢。

Tony: 唔好意思，前排好忙。

我: 喂，有好多野要講你知呢。

Tony: 我知，Lucy黎左你度住嘛。

我: 係，你都知咩原因啦，所以叫左佢黎住住先囉。

Tony: 放心喎，我信得過你，所以先唔急住搵返你遮，但黎緊就真係急D嘞。

我: 哦?咩事? ( 我心裡是想說，Tony你有少少信錯我，我有D野想講架其實。 )

Tony: Lucy既媽咪，知道之後好緊張呢件事，佢話要飛過黎呢。

我: 飛過黎…… 咁緊要?

Tony: 唔止，佢仲要同Lucy轉校，同埋投訴個Homestay喎。

我: 咁……. 誇張。

Tony: 其實Homestay係其一遮，最主要，佢屋企一早想移民，但其實一路都未落實幾時，但今次呢件事，佢媽咪唔再放心，所以想過黎打點一切先遮。睇黎九成會順手搞埋移民既事。

我: 哦…… 好突然，咁…… 你知道佢幾時黎嗎? ( 原本我想講我打算同Lucy一齊。 )

Tony: 大約2星期後，搞到我都要跟埋一齊返黎先啊。 ( 其實Tony既今早呢番說話，令我想說的都收返係心底裡…… )

我: 咁快?剛剛先開始放暑假喳喎?

Tony: 聽講Auntie唔單止會移民，仲會轉過去多倫多果邊定居，所以今次過黎，係處理好D細節後，就會飛去果邊了。 ( 我聽後一臉茫然，我唔識分….. 點解當時既大人，會覺多倫多會好D，我唔識分…… 點解要咁急黎，我只知，我聽得入耳的說話，都聽不入腦裡。 )

我: 啊….. 即2星期後，你會同Auntie一齊黎，係嘛?

Tony: 係啊，喂，Dragon，我知今次你真係好幫手，但可唔可以幫多個忙?

我: 咩事呢?

Tony: Auntie唔知Lucy搬左去個男仔度住住先架，到時要佢係女仔fd度住先得。

我: 唔難既，Sylvia佢返左香港，佢2個fds仲未走，我同佢地講聲，叫Lucy到時扮其實係搬左去Sylvia度住咪得囉。 ( Sylvia同2個我都識既fds，3個人合住一個單位，現在，剛好可以用來掩飾。 )

Tony: 咁真係唔該晒。係呢，你呢面有無咩事要講我知架。

我: 哦………. 無事，放心，係呢，我想問，Lucy佢知道呢件事未架?

Tony: 我無同Lucy提起啊，係都係Auntie同佢講啦，但移民應該知既，詳細情形我就唔清楚了。

我: 哦………. 明白，OK，保持聯絡啦。 ( 就咁樣，簡短既對話，令整件事一下子去左另一個景地，我意想不到的情況………… Lucy，將會於今個暑假離開，我猜100次都猜不到的結局。而此時，Lucy由房行出來。 )



看Lucy的神情，她好像清楚移民一事，亦知Auntie會來，而她、終會離開溫哥華……..



我; 妳一早知道呢件事? ( 我沒有責怪的意思，只係想弄清楚一點。 )

Lucy: 媽咪黎呢度唔算好早知，比你早DD…….. ( Lucy沒精打彩的在回應，她的反應在說我知，她不想我知，可以說她想我越遲知越好…… 因為她了解我知道後的反應。 )

我: 咁妳知妳媽媽幾時黎嗎? ( 我行埋在她身邊，她在低著頭。 )

Lucy: 唔知…… 亦唔想知…… ( 她再一次依偎著我，今次，我沒有避開。 )

我: 傻妹，唔知，唔等如唔會發生架。

Lucy: 其實我一早知道會移民，亦會離開，只係唔知會有咁多事發生。 ( Lucy指的發生，應該係指黎到呢度之後遇上的人和事吧。 )

我: HAHA…….. 人，係應該有經歷，先會成長既……. ( 我在講廢話，我知。 )

Lucy: 可唔可以唔要呢種經歷啊?

我: HAHA……. 有得選擇，就唔係經歷啦。Ai，不如咁啦，妳遲D就會走，我帶妳行盡玩盡我所識既一切啦。 ( 我努力，想將氣氛輕鬆起來。 )

Lucy: 你有心情咩?

我: HAHA…… 我既心情，係睇對象，浪漫因子可唔可以激活到，都係睇對象。

Lucy: 點解你好似咁輕鬆既?其實你鐘唔鐘意我架?

我: 妳覺得呢?仲要問，不如咁講，事情已肯定將會發生，所以我地更唔應該唔開心，係唔係? ( 我將Lucy拉埋身，一抱入懷，這種零距離的親近，是期待已久的，像是劇終前的畫面，只是現在不是…… )

Lucy: 咁你會做我…….

我: Sorry，今日唔係Say no day，應承我，呢個係唯一妳唔可以問既問題。 ( 我在設限，希望大家明白。 )

Lucy: 黎緊星期5係Top Student Dinner，可以果晚破例成為Say No福利嗎?果日…… 應該係我大晒架喎。 ( Lucy抬頭向我訴求。 )

我: HAHA…….. 好好，如果妳守信用，係Auntie黎到之前，我都應承會讓妳知，成為我Dragon喜歡既人，會係點既一回事?好無?

Lucy: 好…… 咁我唔再提，都聽你講。 ( 我輕吻了Lucy的額頭，大家決定在未來的2星期裡，好好珍惜對方，直到Auntie來到之前為止………. )



可能大家會覺得我在小題大做，又會認為，談情說愛，需要考慮那麼多嗎?我知每個人都有自己選擇戀愛方式既權利，而當年在我而言，Lucy係好女仔，我珍惜她，就應該保護她，儘管我同佢既想法上，多少有點落差…………….



如果妳/你問我，做為我女友，會係點，當然都只不過係人一個，她唔會變成女皇，而我，亦不見得會有什麼驚天地泣鬼神24小時式寵愛啦。但我會每天，都帶她去一處地方，可能係佢未去過既……… 別少看這安排，每日不同的地方，可不是簡單的，而有些，地圖更是沒有表示。( 當年可是沒有GPS啊，所以我看地圖，可是很叻的。 ) 我們開始習慣，習慣什麼?買了一包包的零食，野飲，放在車上，邊食，邊搵路，去不同的地方玩，留影。



加拿大賣點是什麼?空氣好，地方夠大，大得不得了，要享受，當然要有車，好天，行山落水也可以，不好天嗎?帶遮行吧，Lucy已習慣橋住我的手行，而我也沒有推卻，只是我從沒有主動拖她的手，這個細微動作，我們沒說什麼，也不提，提出，生怕有變就不好，一切，盡在不言中好了。



而我的車，我的家，都是她的東西了，她就像”德誠”…… 完全溶入我家中，我生活裡、生命裡，都有她的存在似的。我心底知道，再走下去，我將會很不捨得她的……. 但那刻，我也不想太理會。而她嘛，她是放肆的，因為我飾演理智的角色，惹得她可以盡情任性地挑釁我的底線…… 那是進化版的，以前，她只懂撒那我討厭的嬌，但經Mandy指點後，Sylvia激活後，她比以前更知進退，在我發脾氣前會收歛，在我沒好氣時加大力度…….. 令我怕…… 會有一天我露餡，當失去她而讓她知道我會有多捨不得……..



而好快，就到Top Student Dinner Night，這一夜，亦是今輯回憶的尾聲了~~~~



************************************

[ 本帖最後由 dragonbone 於 2018-10-25 10:43 AM 編輯 ]

~~~~ 以下係幫寶師妹POST既 ~~~~

Update

****************************************
*同場加影* 小插曲

(非取暖)

踏出地鐵後，我同(2)就分左手！[分手後一分鐘 便有後悔聲音]

時間過得好快，就咁就過左兩個幾月，
呢段時間我停止所有工作，開始左一個新生活；一個睇落好悠閒的太太，回到正常軌道嘅生活。
早、午、睌親自下廚，上午小量運動，下午小睡，偶爾都有啲簡單工作，約會朋友或信息傾下計，
根本就係港女們夢寐以求的人生。[任何港女　都想這日期]
出奇地，我並冇想像中嘅痛，應該係。。。仲未有。
每日起身就開始將自己編排得好忙，就係為左唔好比自己有空間去諗到佢。

[經過了相遇和掙扎 我還是無法將他放下]
其實我係極度非常瘋狂掛住呢個人，但係左腦思維一直喺度壓止我唔好去睇佢嘅近況，最後都係比右腦打巢左，忍唔住偷睇左佢啲嘢同send左msg比佢⋯⋯
我：你有冇掛住我呀？
(2)：有，仍然在痛苦中。
見到佢咁講，我即刻喊左出唻，我嘅任性偏執令到佢受苦喇。
佢話我知，佢仲記得我地第一次約會嘅時候，我著住粉紅色連身裙加外套，英國皮boot，同埋佢喜歡嘅淡妝，咁樣嘅我令佢覺得好可愛。而最令佢深刻嘅係我搽潤唇膏嘅方式，好似Kiss緊，然後抿嘴，再發出’卜’一聲。我都幾意外，呢啲咁不足為奇嘅事，竟然為自己留底左印象。
佢繼續講左一件更神奇嘅事，當我send msg比佢嘅同時，佢已經決定要搵返我，仲做好準備，不過唔係喺同一日，只係好巧合咁佢決定左之後就收到信息。原來佢造左電子生日卡比我，亦都喺動態消息表示希望重新開始。
[在那超時空和你相戀 物理不能參詳的計算 誰又看穿 誰又看穿 一生一世有那麼短]

非常心癢難捱過左兩個星期，再一齊後第一次約會，雖然只係短聚，但可以見面都好鬼開心。而我都因為太攰唔可以外出太長時間。佢接左我之後，喺車上面一直拖著我，我唔小心睡著左，好快又醒返，佢都怕我太攰，有啲心痛，然後佢抱住我。嗰日淨係食左午餐佢就送我返屋企，可能身體狀態問題冇乜傾太多，短短個幾鐘，我用盡氣力去望著佢，佢嘅神情有啲憔悴，其實佢都同我一樣將自己編排得滿滿⋯⋯嗰日，應該係我地拖手最長時間嘅一日。
[一心一意跑 又過了十碼 一雙一對跑 落雨也不怕 跌倒可彼此關顧扶起身 傷口也有限]

我地都好喜歡擁抱、Kiss和感受對方身體。我冇辨辦法忘記佢嘅一切：
佢嘅體溫、佢嘅氣味、同佢打茄輛&撫摸我身體每一吋、仲有我地好多嘅第一次...
最難忘嘅一次，就係重生後嘅第一次，當佢攬住我要進入我嗰刻，我成個人突然好似缺咁要用力深呼吸，然後被人攻陷左咁⋯⋯(詳細唔講啦，都係嗰啲)
可以一齊又再一齊，唔係運氣，而係要更加珍惜。
[我沒有權來令你 承受太多的情感 但我始終不過是個人]

我知道比得太多壓力你
我知道所有嘅道歉已經冇用
我知道好多事發生左改變唔到
我知道...我等你
原來已經一年喇......
原來...又一年喇⋯⋯

[你種在我眉稍的笑 誰都不可以抹走
你注入我人生的愛 誓死不放手
我有沒有留住你
這些都已是我的 沒法偷
完全是我獨有誰也不可跟我鬥]


呢一刻，你有冇掛住我！

[/quote]

逆權侵佔By @粉紅寶寶

[ 本帖最後由 dragonbone 於 2018-10-11 01:09 AM 編輯 ]

都好意外地，又好傷感……

頭香?兩篇都好鬼感人
夜媽媽睇到人眼濕濕。
龍兄繼續吊人引,不過呢個吊,分分鐘刻骨銘心過除衫果隻吊!!
寶寶我唔知你中間發生左咩事...但我相信中間的兩個星期,一定會同行屍走肉一樣...因為我試過。不過依傢無事就好啦~~一定會更珍惜大家!!

瞓醒有新舖
入咗慢慢睇

入咗先再慢慢睇

深夜人特別傷感
睇完兩篇突然諗起:
人有聚就有散，聚時歡喜，到散時豈不清冷？既清冷，則生傷感，所以不如倒是不聚的好

今晚講珍惜

未曾開始要分手… 很無奈的感覺。

寶寶還安好？