温泉
如果大家有去過台灣嘅温泉，都知道係有齋入場浸温泉，同可以選擇留宿。留宿之中又有所分別，價錢平少少就只係得間房，要浸就浸共用温泉。俾貴少少就可以有埋私人温泉喺自己間房入面。小弟自己一個人去，一黎想慳d駛，二來一個人唔需要自己間房入面浸咁羅漫。所以就揀咗間普通房。不過去到我都有問可唔可以參觀下有私人温泉嘅房，而老闆都好好人咁帶我去睇。入到去環境的確唔錯。如果各師兄師姐係同另一半去，我都好建議大家選擇呢種有私人温泉嘅房。男女朋友一齊浸，諗下都好正。分分鐘好似睇av情節咁，係温泉入面好羅漫咁執一劑。。。
初遇
好，講講下太興奮越講越遠，宜家言歸正傳。
開車去到酒店大概下晝4點幾。放低野諗住去大浴場浸一浸温泉（住客係住宿期間任用），突然發覺帶少樣野。。。
其實我住間酒店嘅温泉有再分男女共浴場，同埋男女分開。共浴當然係規定要著褲啦。男女分開則相反，一定要裸浴。小弟一向比較怕醜，唔鐘意光脫脫咁裸露人前，仲要係成班麻luck佬，所以我諗住去公眾嗰邊浸。但由於温泉呢個行程係突然加插，所以無帶泳褲。咁唯有行出去買。
去到附近有間賣泳衣泳褲嘅鋪頭，入到去發現有一班有男有女，有老有嫩嘅台灣人。其中有兩三個女仔都幾好樣，就望多兩眼，點知咁岩有其中一個又望過黎，四目相投之下，平時呢d情況我都會即刻辟開視線，以免尷尬。但唔知點解嗰一刻我竟然好大方咁對住佢微笑點頭，又竟然對方都同我點頭示意。佢班人入面其他人都突然靜晒望過黎。嗰下我真係勁尷尬，即刻求其拎條泳褲俾錢走人。
當時我點都唔會估到我同個女仔好快又會再見。。。
