睇到咁多人都將佢地既回憶o係度表達，我亦都想將我同佢之間o既點滴記錄於此(sorry guys, 甜既部份將會唔多，敬請留意)

我相信好多去forum o既人都未必會係thread度出聲，做個静静o既聽眾。

而我亦係萬千個聽眾中其中一個。

而我同佢既故事重係現在進行式，所以都會不時更新我同佢之間發生過o既事

Day1
所有o野係由一個thread開始。

呢個thread記載左一個女性對另一個男性既一份情，細緻，精采。唔少人都有留言發問有關佢o既事，而呢位作者亦都好樂意去分享自己生活上o既大小事情。作為一個聽眾，欣賞當中對呢位女性同時亦開始產生好奇。所以聽眾o既我慢慢變成留言者。

呢位女性十分受歡迎，睇得出好多男士希望得到佢芳心。但係，反而有另一位女性留言者更吸引到我注意，所以我開始打算認識佢。

開始時都有打算用pm打開話題但完全揾唔到用乜o野方法打開。不過突然靈光一閃，諗到應該同佢講乜。慢慢咁，我同佢一日之間突飛猛進，亦都開始左我同佢做pm情人o既生活

支持

咁神奇
當然要支持啦

Day2

世事就係咁神奇，主角被大眾所吸引o既同時，兩個小角式竟然慢慢互相吸引。

最初同佢成為所謂pm情人，大家都只係先了解對方o既背景，外貌，etc。再慢慢開始閒話家常。雖然係互聯網世界係非常虛無漂眇，但係當兩個o岩傾o既人走埋一齊既時候，往往會發生一o的出人意表o既事。

話題始終都會觸及有關 - 性，大家對性o既需要其實唔太大，例如佢每兩星期或每個月都要例行性事，而我就只可以利用左右手。不過大家竟然利用pm, '做'左第一次。雖然唔係真，但確實有真正做愛o既感覺。

不停o既pm令大家了解更多，包括思想，感覺。越傾得多，越令我感覺到同佢好o岩傾。

到第二日已經係由朝早pm到深夜，不停咁pm，但係大家都無意用一個比較方便溝通o既方法。雖然我好想開口問，但係好怕觸及呢一個話題，原因係唔想令佢覺得自己係一個唐突o既，可以keep到o係pm傾談對於我黎講已經係天大o既喜訊。o既然佢都願意同自己o係pm不停傾，無謂提出過分要求雖知佢唔係一個想揾真實情人o既人。

支持師兄
快D繼續UPDATE

不過唔知點解我覺得會係一個SAD ENDING,,,,

我相信世事就是咁神奇

Day2 小插曲

當晚因為我send左一首歌o既歌詞俾佢，令佢諗番起一o的回憶。疑於佢唔想俾人發現佢喊緊， 我o地停左一個鍾無pm對方。

呢一個鍾我覺得好長，比起當年我由傷口到埋口o既時間更長。而且當我知道佢喊o既同時，一種心痛o既感覺不其然出現，究竟佢發生過咩事令佢咁痛呢？最初我覺得自己好似小朋友做錯o野一樣希望得到佢o既，繼而個刻o既我呆左。我知道我可以做到o既只有呆等，等佢回復心情。

喊完o既佢比之前更嗲，言詞間感覺到佢需要o既關心，愛錫比之前更多。雖然我有少少唔知講咩好，個刻我可以做到o既只係想用力攬實佢，至少令佢感覺可以舒服番少少。雖然呢個擁抱唔係真實，但係可以用言語去擁抱一個喜歡人對於我黎講已經好好，至少可以令佢比較舒服咁入睡。

當晚同佢pm完之後，訓o係床上點都訓唔著。慢慢睇番我同佢之間o既對話，睇完一次又一次。到開始有睡意o既時候，已經差唔多5a.m.

Support

good