鍾意左一個一直撐住我既中學老師 （update p.2)
唔知大家仲記唔記得我呢？（頭像唔係我）
兩三年前，我同左一個屋企附近住既街坊一齊左，佢大我好多，成廿幾年。我地一齊左年幾，過住D又似情人又似係SP既生活。
之後我離開左佢，舊年，我同左個同學一齊，佢想我同佢有SEX，但係佢知道左我唔係virgin 之後，就同我分左手。
其實一路都有同網友傾下，尤其係我同第一個「男友」唔清唔楚既時候，都有個網友安慰下我，俾D意見我，其實我都對個網友有D好感，後來又斷左聯絡。
之後，俾同學仔男友唔要我之後，我遇上另外一個網友。
其實初時真係冇咩野特別，大家用email 傾左兩個月，佢對我好體貼，成日都問我係唔係仲係好down, 我覺得，大家傾多左， 我唔抗拒大家見面。於是，我主動約佢見面，當識多個朋友。果時，我先知道，原來佢教書，教中學。
我唔知我係唔係有D戀父情意結，依個另我主動想認識佢多D既男人，大我18年。（係，今次，只係18年）
發展到依家，我地變左「友達以上，情人未滿」既關係。不過，其實又唔算純粹朋友，始終，放得係依一版！
[ 本帖最後由 Julianna.S_1991 於 2014-2-6 10:19 PM 編輯 ]
