又一港燦影衰港人事件
上星期日晚去羅湖綠色屋企桑拿,兩個服務員十零歲,好標緻,
按腳時聽到後面有吵鬧聲,起初唔理,後來越嘈越大聲,回頭一望,一個光
頭肥佬,50歲左右,右手有紋身,隔籬坐咗個阿嬸,用唔知乜話鬧其中一個
𡃁妹服務員,我以為係北佬,𡃁妹眼濕濕唔敢走,企喺度比佢鬧!我心諗:鬧
啫!使唔使喊呀?個按腳同我講話個仆街兜巴星咗佢一嘢勁嘅!條𡃁妹嚟
咗兩日,好冇胆,唔敢同部長講!我話妳唔同部長講?佢話唔敢,我叫佢揾部長嚟!等我講!佢話等陣連你都打埋呀!我真係好驚呀!莫講仲有兩個
friend,隻揪都未驚佢啦!我回頭望住佢,佢避開我目光,部長嚟到!用一種
退讓,安撫嘅態度去處理,個𡃁妹就走埋一二角喊!條粉腸仲唔滿意,追住
個部長嚟鬧!太軟弱啦!佢老婆就粒聲唔出,條友唔似飲過酒吖!咁癲嘅?
點解話佢係香港嘅?後來佢講嘅全部係流俐嘅白話!(國語就一劈屎咁)按完!入房,瞓醒埋
單,見到有本客人意見簿,將件事寫落去,咨客問:有D咁嘅事?我叫佢問按
腳!佢走去前台其他同事研究!
唔怪得有D内地人咁憎我哋啦!就係呢D仆街做出嚟嘅!係咁鬧服務唔到位,(𡃁妹根本唔識白話)我仲以為會揾保安掉佢出門口𠻹!有背景大哂呀!點都唔夠當地人嚟啦!個場真係要檢討吓!騷擾其他客人,個𡃁妹得果一仟蚊個月,仲要比人打!太離譜啦!講咪得囉!做乜郁手打人?懇請各路人仕打聽吓件事,挖條友出嚟!比D教訓佢,等妹妹仔唔好咁委屈!
[ 本帖最後由 encorelamlam 於 2009-2-22 01:24 PM 編輯 ]
