打印

\|/ 小心羅湖地鐵站扒手搵食 \|/

收藏 | 訂閱

46 3.7k

史旦

等待驗證會員

史旦

1^# 大中小簡繁發表於 2009-2-5 只看該作者

\|/ 小心羅湖地鐵站扒手搵食 \|/

小心羅湖地鐵站扒手揾食

上星期同屋企人參加一個三日兩夜嘅短途旅行團，星期日旁晚返羅湖解散，一行兩男四女共六人，諗住响深圳食埋晚飯至過關，响羅湖嗰面冇乜嘢好食，就決定坐地鐵搭一個站去國貿金光華廣塲揾嘢食。
响總站上咗火車，未夠時間開車，五個人坐低，剩番我一個企响度拉住個行李箱(因己冇位)，冇耐有兩個男人行入嚟企响車門，兩個都係廋嘅，一個約175cm高，皮膚較一般香港人深黃，最易識別嘅係佢有幾分似剛過身嗰位老牌歌后"張X"嘅細仔"杜X偉"咁，同埋手上拎任一個長方形嘅黑色男裝手提包，另外一個矮啲，約165cm，唔多記得佢嘅特徵，只係記得佢冇咁賊相，兩個都係著裇衫黑西褲。
我成日去深圳，又俾人扒個兩手提電話，所以好留意身邊啲人，一眼己經覺得呢兩條友唔妥，即刻打醒十二分精神。
無幾耐見到兩條友响度扮傾謁，但眼尾就不停望過嚟，跟住高嗰個仲响我旁邊打坐個轉，扮揾位，但係冇幾遠有空位佢又唔坐，行番去原先企嗰度，即係另一條友身邊。
我知嚟料，即刻將身上嘅斜孭袋(內有銀包)纏實响手拉箱上面，再檢查兩個褲袋有冇嘢，而件樓左邊拉鍊裝只有一個裝咗香口珠嘅鐵盒，右面拉鍊裝只有一條毛巾，但我仍將兩面褸袋嘅拉鍊拉上。
到國貿站，我哋落車，果然佢兩個又落車，我特登叫班朋友唔好行住，响站台上企扮揾電梯，兩個扒手又企响度，好似等我哋咁款，露哂馬脚！
我一肯定之後，叫個男嘅上電梯先，一行6人，4個女嘅行中間，同時提醒佢哋所有包包全都放响前面(當時仲未有機會話俾佢哋知發生咗乜事)，我殿後，行李箱放响身前。
兩條扒手果然跟我後面，我因為幾個袋都冇貴重嘢，費事理佢哋。
當電梯差不多上到地面時，突然聽到裝住香口珠個鐵盒跌咗响地下，好大聲，我一轉頭同時一摸，左右兩個褸袋嘅拉鍊己經打開咗。
兩條友知失手，即刻揾另一條樓梯行番落去站台。

事情仲未完！

兩小時後，我哋食完飯，落番去國貿站搭車，此事我己經一五一十話咗俾班朋友知，叫佢哋小心，點知一落電梯，又見到兩條友企响度，我哋即刻向反方向走，有咁遠行咁遠，然後至上車，冇見佢哋跟嚟！

到咗羅湖站，上電梯時唔見佢哋，但出閘時，又離遠見到佢哋响電梯上嚟，好似仲想跟住咁，於是我哋成班唔郁，企响度厲住佢哋，兩條友至知難而退，又落番站台，真係狼死！

順帶一提，我班朋友同時亦見到另外有兩個扒手，一個著間條衫，但係我見唔到，應該係同一幫人！

各兄弟北上要小心