暖昩關係
我坐在鏡前, 女孩走過來把面頰貼近我面龐, 對着鏡中的我倆說 : ‘你將頭髮染成同我啲一樣顏色有乜嘢居心? 想同我情侶頭出街?’ 我笑了笑, 沒有正面回答她, 只是問 : ‘得唔得, 整咗個頭之後係咪後生咗啲啲?’
女孩也沒有正面回答我, 轉話題道 : ‘點呀, 你幾時返落香港呀?’
‘大概過年前幾日啦, 搞掂埋呢度啲手尾就鬆人.’
‘香港喺咪有好多纖體公司嫁?’ 女孩問道.
‘係呀, 你問嚟做乜?’
‘啲同事成日笑我對腳粗, 我想去減肥呀.’
我側頭瞟了她雙腿一眼, 她今天穿A字短連身花裙, 雙腳包在黑色的貼身襪褲之下, 我一貫口花花本色：’唔係吖, 你邊處肥啫, 唔使減啦. 不過如果你嚟香港, 我請你去迪士尼玩好嗎?’
女孩嬌然一笑, 說 : ‘嗱, 你唔好口爽爽呀, 我認真嫁, 我去到香港call你一定要出嚟呀.’
靚女當前, 我啲乜嘢唔再溝女唔再沉船既誓言已蕩然無存, 伸手勾着她的手指尾道: ‘好, 一言為定.’
女孩又是嫵媚一笑, 拿起枱上的wax說 : ‘今日等我同你set個靚仔造型啦.’
她把髮臘塗在掌心搓勻, 然後仔細地用纖纖玉指查在我的頭髮上, 一邊幽幽地道 : ‘如果聽日我唔喺你身邊幫你set頭, 你仲會唔會咁有心機查髮臘呀?’
我靠後一挨, 後腦輕輕觸碰到她的胸脯, 道 : ‘你都唔係第一日識我啦, 我點會咁好心機次次洗完頭都gal髮啫.’ 然後故意古惑地笑道 : ‘除非識到新女仔啦.’
‘蝦, 我唔準你咁花心呀!’ 女孩嬌嗔起來, 作勢用粉拳在我額頭槌了一下, 然後我倆又調侃地嬉笑起來……
各位ching, 又到腦筋急轉彎考IQ題時間, 你哋估吓呢個女仔係乜嘢人嚟? 估中冇獎:smile_30: .
